VIDEO: ಒಲಿಂಪಿಕ್ಸ್​ನಲ್ಲಿ ಸೋತರೂ ಪ್ರಧಾನಿಯ ಮನಗೆದ್ದ ತಾರೆಯರು- ಕಣ್ಣೀರಾದ ವನಿತೆಯರಿಗೆ ಹೀಗೊಂದು ಸಾಂತ್ವನ...

ನವದೆಹಲಿ: ಕ್ರೀಡಾಪಟುಗಳ ಗೆದ್ದಾಗ ಅವರಿಗೆ ಎಲ್ಲೆಡೆಯಿಂದಲೂ ಶ್ಲಾಘನೆಗಳ ಹೊಗಳಿಕೆಯ ಮಹಾಪೂರವೇ ಹರಿದುಬರುತ್ತದೆ. ಗಣ್ಯಾತಿಗಣ್ಯರು ಅವರಿಗೆ ವಿಷ್​ ಮಾಡುತ್ತಾರೆ. ಆದರೆ ಪಂದ್ಯದಲ್ಲಿ ಗೆಲ್ಲಲು ಹಗಲಿರುಳು ಶ್ರಮಿಸಿದರೂ ಗೆಲ್ಲಲು ಸಾಧ್ಯವಾಗದ ಕ್ರೀಡಾಪಟುಗಳನ್ನು ಕೇಳುವವರು, ಅವರ ನೋವಿಗೆ ಸ್ಪಂದಿಸುವವರು ತೀರಾ ಕಮ್ಮಿ ಎಂದೇ ಹೇಳಬೇಕು.

ಆದರೆ ಇದಕ್ಕೆ ವಿರುದ್ಧವಾಗಿ ಇದೀಗ ಖುದ್ದು ಪ್ರಧಾನಿ ನರೇಂದ್ರ ಮೋದಿಯವರೇ ಟೋಕಿಯೊ ಒಲಿಂಪಿಕ್ಸ್​ ಹಾಕಿ ಪಂದ್ಯದಲ್ಲಿ ಸೋತ ವನಿತೆಯರಿಗೆ ಸಾಂತ್ವನ ಮಾಡಿ, ನೀವು ನಮ್ಮ ಭಾರತದ ಹೆಮ್ಮೆ ಎಂದು ಹುರಿದುಂಬಿಸಿದ್ದಾರೆ. ರಾಣಿ ರಾಂಪಾಲ್ ನೇತೃತ್ವದ ಭಾರತೀಯ ಮಹಿಳಾ ಹಾಕಿ ತಂಡವು ಕೊನೆ ಕ್ಷಣದಲ್ಲಿ ಕಂಚಿನ ಪದಕ ಗೆಲ್ಲದೇ ಪರಾಭವಗೊಂಡಿತು. ಗ್ರೇಟ್‌ ಬ್ರಿಟನ್ ಎದುರಿನ ಪಂದ್ಯದಲ್ಲಿ ಭಾರತ ಮಹಿಳಾ ಹಾಕಿ ತಂಡವು 4-3 ಗೋಲುಗಳ ಅಂತರದ ಸೋಲು ಅನುಭವಿಸಿತ್ತು.

ಪರಾಭವಗೊಂಡ ಹಿನ್ನೆಲೆಯಲ್ಲಿ ವನಿತೆಯರು ಕಣ್ಣೀರು ಸುರಿಸಿದ್ದಾರೆ. ಕೂಡಲೇ ಪ್ರಧಾನಿ ನರೇಂದ್ರ ಮೋದಿ ದೂರವಾಣಿ ಕರೆ ಮಾಡಿ ಸಾಂತ್ವನ ಮಾಡಿದ್ದಾರೆ. ನಿಮ್ಮ ಸಾಧನೆಯ ಬಗ್ಗೆ ಇಡೀ ದೇಶವೇ ಹೆಮ್ಮೆ ಪಡುತ್ತಿದೆ ಎಂದು ಹುರಿದುಂಬಿಸಿದ್ದಾರೆ. ಅಮೋಘ ಪ್ರದರ್ಶನ ತೋರುವ ಮೂಲಕ ಹಾಕಿ ಗತವೈಭವ ಮರುಕಳಿಸುವಂತೆ ಮಾಡಿದ್ದೀರ. ನೀವು ಕಣ್ಣೀರು ಹಾಕಬೇಡಿ. ನಿಮ್ಮ ಸಾಧನೆಯ ಬಗ್ಗೆ ಇಡೀ ದೇಶವೇ ಹೆಮ್ಮೆಪಡುತ್ತಿದೆ ಎಂದಿದ್ದಾರೆ.

ಇಲ್ಲಿದೆ ನೋಡಿ ವಿಡಿಯೋ: ಕೃಪೆ ಎಬಿಪಿ ನ್ಯೂಸ್​

https://www.vijayavani.net/s-school-start-green-signal/

https://www.vijayavani.net/s-high-court-of-alahabad-judgement-on-rape/