ಪಂಜಾಬ್ ಚುನಾವಣೆಯ ವೇಳೆ ಈತನಿಗೆ ಜಾಮೀನು ನೀಡಿದ್ದು ಭಾರಿ ಚರ್ಚೆಗೆ ಗ್ರಾಸವಾಗಿರುವ ಬೆನ್ನಲ್ಲೇ ಈಗ ಗಣ್ಯವ್ಯಕ್ತಿಗಳಿಗೆ ನೀಡಲಾಗುವ ಭದ್ರತೆ ನೀಡಿರುವುದು ಅಚ್ಚರಿಯ ಬೆಳವಣಿಗೆಯಾಗಿದೆ. ರಾಮ್ ರಹೀಮ್ ಪಂಜಾಬ್ನ ಮಾಲ್ವಾ ಪ್ರದೇಶದಲ್ಲಿ ಸಾಕಷ್ಟು ಪ್ರಭಾವ ಹೊಂದಿದ್ದಾನೆ. ಮಾಲ್ವಾ ಪ್ರದೇಶವು 69 ಕ್ಷೇತ್ರಗಳನ್ನು ಹೊಂದಿದ್ದು, ಪಂಜಾಬ್ ಅಸೆಂಬ್ಲಿಯ ಅರ್ಧದಷ್ಟು ಅಂದರೆ 117 ಸ್ಥಾನಗಳನ್ನು ಹೊಂದಿದೆ. ಇಲ್ಲಿ ಈತನ ಅನುಯಾಯಿಗಳು ಸಾಕಷ್ಟು ಮಂದಿ ಇದ್ದಾರೆ. ಇದರ ಬೆನ್ನಲ್ಲೇ ಈತನಿಗೆ ಪರೋಲ್ ನೀಡಿ, ಪಂಜಾಬ್ ಚುನಾವಣೆ ಮುಗಿಯುವವರೆಗೆ ಹೊರಗಡೆ ಇರುವಂತೆ ಮಾಡಿರುವುದು ಚರ್ಚೆಗೆ ಗ್ರಾಸವಾಗುತ್ತಿದೆ. ಇದೀಗ ಭದ್ರತೆಯನ್ನು ನೀಡಿರುವುದಕ್ಕೆ ಹಲವಾರು ಸಂಶಯಗಳೂ ವ್ಯಕ್ತವಾಗತೊಡಗಿವೆ.
