‘ಇವನೇ ಅಮ್ಮನ ಕೊಲೆಗಾರ’: ಅಪ್ಪನ ವಿರುದ್ಧ ಸಾಕ್ಷಿ ನುಡಿದ ಚಾಮರಾಜನಗರದ ಬಾಲಕಿ- ಜೀವಾವಧಿ ಶಿಕ್ಷೆ

ಚಾಮರಾಜನಗರ: ಅಮ್ಮನನ್ನು ತನ್ನ ಕಣ್ಣೆದುರೇ ಕೊಲೆ ಮಾಡಿದ ಅಪ್ಪನ ವಿರುದ್ಧ ಬಾಲಕಿಯೊಬ್ಬಳು ಸಾಕ್ಷಿ ನುಡಿದದ್ದನ್ನು ಪರಿಗಣಿಸಿರುವ ಕೋರ್ಟ್‌, ಚಾಮರಾಜನಗರದ ಕೊಲೆಗಾರನಿಗೆ ಜೀವಾವಧಿ ಶಿಕ್ಷೆ ವಿಧಿಸಿದೆ.

ಚಾಮರಾಜನಗರ ತಾಲೂಕಿನ ಕೋಳಿಪಾಳ್ಯ ಗ್ರಾಮದ ತೊಳಚನಾಯಕನೇ ಪತ್ನಿಯ ಕೊಂದ ಕೊಲೆಗಾರ. ಗಿರವಿ ಇಟ್ಟಿದ್ದ ಚಿನ್ನದ ನೆಕ್​ಲೆಸ್ ಬಿಡಿಸಿಕೊಳ್ಳುವ ವಿಚಾರಕ್ಕೆ ಸಂಬಂಧಿಸಿದಂತೆ ಈತ ಪತ್ನಿಯ ಕೊಲೆ ಮಾಡಿದ್ದ. ಈತನ ಈ ಕುಕೃತ್ಯಕ್ಕೆ ಬಲಿಯಾದವರು ಪುಷ್ಪಾಬಾಯಿ ಎಂಬ ಮಹಿಳೆ.

ಘಟನೆ ವಿವರ:

ಪುಷ್ಪಾಬಾಯಿ ಮತ್ತು ತೊಳಚನಾಯಕನ ಮದುವೆಯ ಸಮಯದಲ್ಲಿ ಪುಷ್ಪಾ ತವರು ಮನೆಯವರು 20 ಗ್ರಾಂ ತೂಕದ ಚಿನ್ನದ ನೆಕ್‌ಲೆಸ್‌ ನೀಡಿದ್ದರು. ಇದನ್ನು ಆಕೆಯ ಪತಿ ಅಡವು ಇಟ್ಟಿದ್ದ. ಇದಕ್ಕೆ ಕಾರಣ, ಆತನ ತಮ್ಮ ಅಪಘಾತ ಪ್ರಕರಣವೊಂದರಲ್ಲಿ ಆಟೋ ಚಾಲಕನಿಗೆ ಹಣ ನೀಡಬೇಕಿತ್ತು. ಆ ದಂಡದ ಹಣ ನೀಡಲು ಇದನ್ನು ಅಡವು ಇಟ್ಟು ದುಡ್ಡು ತಂದಿದ್ದ.

ಅದನ್ನು ವಾಪಸ್‌ ತರುವಂತೆ ಪುಷ್ಪಾ ಗಂಡನಿಗೆ ಹೇಳುತ್ತಿದ್ದರು. ಇದರಿಂದ ಆತ ಪತ್ನಿಗೆ ಕಿರುಕುಳ ಕೊಡಲು ಶುರು ಮಾಡಿದ. ಇದರಿಂದಾಗಿ ದಂಪತಿ ನಡುವೆ ಆಗಾಗ್ಗೆ ಜಗಳವಾಗುತ್ತಿತ್ತು. 2017ರಂದು ಈ ಜಗಳ ತಾರರಕ್ಕೇರಿ ಮಗಳ ಎದುರೇ ಪತ್ನಿಯನ್ನು ಕೊಲೆ ಮಾಡಿದ್ದ. ಇದಕ್ಕೆ ಪ್ರಮುಖ ಸಾಕ್ಷಿಯಾಗಿದ್ದವಳು ಎಂಟು ವರ್ಷದ ಮಗಳು.

ಬಾಲಕಿಯ ಸಾಕ್ಷಿ ಹಾಗೂ ಇತರ ಸಾಕ್ಷ್ಯಗಳ ಆಧಾರದ ಮೇಲೆ ಸೆಷನ್ಸ್‌ ಕೋರ್ಟ್‌ ತೊಳಚನಾಯಕನಿಗೆ ಜೀವಾವಧಿ ಶಿಕ್ಷೆ ನೀಡಿದೆ.

https://www.vijayavani.net/s-accused-escaped-arrested-after-14-years/

https://www.vijayavani.net/s-man-throwned-chappel-on-judge/