ಇನ್ನು ಬೆಳೆದ ಮಕ್ಕಳ ಸಂದರ್ಭದಲ್ಲಿ ಯಾರ ಹತ್ತಿರ ಮಗು ಇದ್ದರೆ ಒಳ್ಳೆಯದು ಎನ್ನುವುದನ್ನು ಕೂಲಂಕಷವಾಗಿ ಗಮನಿಸಿ, ಆದೇಶವನ್ನು ಮಾಡುತ್ತಾರೆ. ಸಾಮಾನ್ಯವಾಗಿ ಹೆಣ್ಣು ಮಕ್ಕಳ ಕಸ್ಟಡಿಯನ್ನು ತಾಯಿಯ ಹತ್ತಿರವೇ ಉಳಿಸುವ ಸಂಭವ ಹೆಚ್ಚು. ಏನೇ ಆಗಲಿ, ಕಸ್ಟಡಿ ಯಾರ ಹತ್ತಿರ ಇರುವುದಿಲ್ಲವೋ ಆ ಪೋಷಕರು ಮಗುವಿನ ಜತೆ, ಮಾತಾಡಲು, ಭೇಟಿ ಮಾಡಲು, ಸಮಯ ಕಳೆಯಲು , ಕೆಲವು ದಿನಗಳು ಮಗುವನ್ನು ತಮ್ಮ ಹತ್ತಿರ ಇಟ್ಟು ಕೊಳ್ಳಲು, ಬೇರೆ ಊರುಗಳಿಗೆ ಕರೆದುಕೊಂಡು ಹೋಗಲು , ಇತ್ಯಾದಿಗಳಿಗೆ ವ್ಯವಸ್ಥೆ ಮಾಡಲು ಅವಕಾಶ ಮಾಡಿಕೊಡುವಂತೆ ಕೇಳಿಕೊಂಡು ಅರ್ಜಿ ಹಾಕ ಬಹುದು. ಕಸ್ಟಡಿಯ ಪ್ರಶ್ನೆ ಅಂತಿಮವಾಗಿ ತೀರ್ಮಾನ ಆಗುವವರೆಗೆ, ಮಧ್ಯಂತರ ವ್ಯವಸ್ಥೆಯನ್ನು ನ್ಯಾಯಾಲಯದ ಸಹಾಯದಿಂದ ಸೂಕ್ತ ಪ್ರಕರಣಗಳಲ್ಲಿ ನಿರೀಕ್ಷಿಸ ಬಹುದು.
