ಬಿಎಚ್​ಇಎಲ್​ನಲ್ಲಿ ಎಕ್ಸಿಕ್ಯೂಟಿವ್​ ಟ್ರೇನಿಗಳಾಗಿ, 1.80 ಲಕ್ಷ ರೂ.ವರೆಗೆ ಸಂಬಳ ಗಳಿಸಿ- 150 ಹುದ್ದೆಗಳಿಗೆ ಆಹ್ವಾನ

ಕೇಂದ್ರ ಸರ್ಕಾರದ ಸ್ವಾಮ್ಯಕ್ಕೆ ಒಳಪಟ್ಟಿರುವ ದೇಶದ ಅತಿ ದೊಡ್ಡ ಇಂಜಿನಿಯರಿಂಗ್​ ಸಂಸ್ಥೆಗಳಲ್ಲಿ ಒಂದಾಗಿರುವ ಭಾರತ್​ ಹೆವಿ ಎಲೆಕ್ಟ್ರಿಕಲ್ಸ್​ ಲಿಮಿಟೆಡ್​(ಬಿಎಚ್​ಇಎಲ್​) 83ಕ್ಕೂ ಹೆಚ್ಚು ದೇಶಗಳಲ್ಲಿ ಕಾರ್ಯನಿರ್ವಹಿಸುತ್ತಿದೆ. ಸಾವಿರಾರು ಉದ್ಯೋಗಿಗಳನ್ನು ಹೊಂದಿರುವ ಬಿಎಚ್​ಇಎಲ್​, ಇದೀಗ ಇಂಜಿನಿಯರಿಂಗ್​ ಟ್ರೇನಿ ಮತ್ತು ಎಕ್ಸಿಕ್ಯೂಟಿವ್​ ಟ್ರೇನಿಗಳ ನೇಮಕಾತಿಗೆ ಅಧಿಸೂಚನೆ ಹೊರಡಿಸಿದೆ. ಬಿಎಚ್​ಇಎಲ್​ ಕುಟುಂಬದಲ್ಲಿ ಸದಸ್ಯರಾಗುವ ಅವಕಾಶವನ್ನು ಯುವ ಪ್ರತಿಭಾವಂತ ಇಂಜಿನಿಯರಿಂಗ್​ ವಿದ್ಯಾರ್ಥಿಗಳು ಸದುಪಯೋಗಪಡಿಸಿಕೊಳ್ಳಬಹುದು.

ವಿಭಾಗವಾರು ಹುದ್ದೆಗಳ ವಿವರ
* ಸಿವಿಲ್​ ಇಂಜಿನಿಯರಿಂಗ್​ -40 *ಮೆಕಾನಿಕಲ್​- 30 * ಐಟಿ/ಕಂಪ್ಯೂಟರ್​ ಸೈನ್ಸ್​ - 20 * ಎಲೆಕ್ಟ್ರಿಕಲ್​- 15 * ಕೆಮಿಕಲ್​-10 * ಮೆಟಲರ್ಜಿ - 5 * ಫೈನಾನ್ಸ್​- 20 * ಎಚ್​ಆರ್​ -10
(150 ಹುದ್ದೆಗಳಲ್ಲಿ ಸಾಮಾನ್ಯ ಅಭ್ಯರ್ಥಿಗಳಿಗೆ 61 ಸ್ಥಾನ, ಆರ್ಥಿಕವಾಗಿ ಹಿಂದುಳಿದ ಅಭ್ಯರ್ಥಿಗಳಿಗೆ 15, ಇತರ ಅಭ್ಯರ್ಥಿಗಳಿಗೆ 41, ಎಸ್ಸಿಗೆ 22, ಎಸ್ಟಿಗೆ 11 ಸ್ಥಾನ ಮೀಸಲಿರಿಸಲಾಗಿದೆ. ಕೆಮಿಕಲ್​ ಹಾಗೂ ಮೆಟಲರ್ಜಿ ವಿಭಾಗ ಹೊರತು ಪಡಿಸಿ ಉಳಿದ ವಿಭಾಗಗಳಲ್ಲಿ ಶೇ.4 ಸ್ಥಾನಗಳನ್ನು ಅಂಗವಿಕಲ ಅಭ್ಯರ್ಥಿಗಳಿಗೆ ಮೀಸಲಿರಿಸಲಾಗಿದೆ)

ವಿದ್ಯಾರ್ಹತೆ: ಮಾನ್ಯತೆ ಪಡೆದ ಇಂಜಿನಿಯರಿಂಗ್​ ಶೈಕ್ಷಣಿಕ ಸಂಸ್ಥೆಗಳಿಂದ ಮೆಕಾನಿಕಲ್​, ಇಲೆಕ್ಟ್ರಿಕಲ್​, ಸಿವಿಲ್​, ಕೆಮಿಕಲ್​, ಮೆಟಲರ್ಜಿ, ಕಂಪ್ಯೂಟರ್​ ಸೈನ್ಸ್​ ವಿಷಯಗಳಲ್ಲಿ ಪದವಿ ಅಥವಾ ಸ್ನಾತಕೋತ್ತರ ಪದವಿ ಪಡೆದವರು, ಡಿಪ್ಲೊಮಾ ಇನ್​ ಹ್ಯೂಮನ್​ ರಿಸೋರ್ಸ್​ ಮ್ಯಾನೇಜ್​ಮೆಂಟ್​, ಪಸೋರ್ನಲ್​ ಮ್ಯಾನೇಜ್​ಮೆಂಟ್​ ಆ್ಯಂಡ್​ ಇಂಡಸ್ಟ್ರಿಯಲ್​ ರಿಲೇಷನ್ಸ್​, ಸೋಷಿಯಲ್​ ವರ್ಕ್ಸ್​, ಬ್ಯುಸಿನೆಸ್​ ಅಡ್ಮಿನಿಸ್ಟ್ರೆಷನ್​, ವಿಷಯಗಳಲ್ಲಿ ಶೇ.60 ಅಂಕಗಳೊಂದಿಗೆ 2 ವರ್ಷಗಳ ಡಿಪ್ಲೊಮಾ ಕೋರ್ಸ್​ ಮಾಡಿರುವವರು, ಹಾಗೂ ಸಿಎ, ಐಸಿಡಬ್ಲುಎ ಪದವಿ ಪಡೆದಿರುವವರು ಅರ್ಜಿ ಸಲ್ಲಿಸಬಹುದು.

ವಯೋಮಿತಿ: 1.9.2022ಕ್ಕೆ ಅನ್ವಯವಾಗುವಂತೆ ಸಿವಿಲ್​, ಮೆಕಾನಿಕಲ್​, ಎಲೆಕ್ಟ್ರಿಕಲ್​, ಕೆಮಿಕಲ್​, ಮೆಟಲರ್ಜಿ ವಿಭಾಗದ ಇಂಜಿನಿಯರಿಂಗ್​ ಟ್ರೇನಿ ಅಭ್ಯರ್ಥಿಗಳಿಗೆ ಬ್ಯಾಚುಲರ್​ ಡಿಗ್ರಿ ಪಡೆದಿರುವವರಿಗೆ 27 ವರ್ಷ, ಸ್ನಾತಕೋತ್ತರ ಪದವಿ ಪಡೆದವರಿಗೆ 29 ವರ್ಷ ಗರಿಷ್ಠ ವಯೋಮಿತಿ ನಿಗದಿಪಡಿಸಲಾಗಿದೆ. ಎಕ್ಸಿಕ್ಯೂಟಿವ್​ ಟ್ರೇನಿ ಹುದ್ದೆಗಳಿಗೆ ಗರಿಷ್ಠ 29 ವರ್ಷ ವಯೋಮಿತಿ ಇದೆ. ಕೇಂದ್ರ ಸರ್ಕಾರದ ನಿಯಮಗಳನ್ವಯ ಎಸ್ಸಿ, ಎಸ್ಟಿ ಅಭ್ಯರ್ಥಿಗಳಿಗೆ 5 ವರ್ಷ, ಹಿಂದುಳಿದ ವರ್ಗಗಳ ಅಭ್ಯರ್ಥಿಗಳಿಗೆ 3 ವರ್ಷ ಹಾಗೂ ಅಂಗವಿಕಲರಿಗೆ 10 ವರ್ಷ ಗರಿಷ್ಠ ವಯೋಮಿತಿಯಲ್ಲಿ ಸಡಿಲಿಕೆ ಕಲ್ಪಿಸಲಾಗಿದೆ.

ನೇಮಕಾತಿ ವಿಧಾನ: ಕಂಪ್ಯೂಟರ್​ ಆಧಾರಿತ ಆನ್​ಲೈನ್​ ಪರೀಕ್ಷೆ ನಡೆಸಿ ಅಭ್ಯರ್ಥಿಗಳು ಗಳಿಸಿದ ಅಂಕಗಳ ಆಧಾರದಲ್ಲಿ ಜೇಷ್ಠತಾ ಪಟ್ಟಿ ತಯಾರಿಸಿ 1:5ರ ಅನುಪಾತದಲ್ಲಿ ನೇರ ಸಂದರ್ಶನ ಏರ್ಪಡಿಸಲಾಗುತ್ತದೆ. ಸಂದರ್ಶನದಲ್ಲಿ ಉತ್ತಮ ಸಾಧನೆ ತೋರಿದವರನ್ನು ಟ್ರೇನಿಯಾಗಿ ನೇಮಿಸಿಕೊಳ್ಳಲಾಗುತ್ತದೆ.

ತರಬೇತಿ ಮತ್ತು ಸ್ಟೆ$ಪೆಂಡ್​: ಬಿಎಚ್​ಇಎಲ್​ಗೆ ಇಂಜಿನಿಯರ್​/ಟ್ರೇನಿ ಇಂಜಿನಿಯರ್​ ಆಗಿ ಆಯ್ಕೆಯಾದವರಿಗೆ ಒಂದು ವರ್ಷ ತರಬೇತಿ ನೀಡಲಾಗುತ್ತದೆ. ತರಬೇತಿ ಅವಧಿಯಲ್ಲಿ ಮಾಸಿಕ < 50,000 ರೂ ಇದ್ದು, ತರಬೇತಿ ಪೂರ್ಣಗೊಂಡು ಉದ್ಯೋಗಿಯಾಗಿ ಆಯ್ಕೆಯಾದಾಗ ಮಾಸಿಕ 60,000-1,80,000 ರೂ. ವೇತನ ಇರುತ್ತದೆ.

ಅರ್ಜಿ ಸಲ್ಲಿಕೆ ಹೇಗೆ: ಆನ್​ಲೈನ್​ ಮೂಲಕ ಅರ್ಜಿ ಆಹ್ವಾನಿಸಿದ್ದು, ಸಾಮಾನ್ಯ, ಆರ್ಥಿಕವಾಗಿ ಹಿಂದುಳಿದ ಹಾಗೂ ಒಬಿಸಿ ಅಭ್ಯರ್ಥಿಗಳು 800 ರೂ. ಅರ್ಜಿ ಶುಲ್ಕದೊಂದಿಗೆ ಬಿಎಚ್​ಇಎಲ್​ ಅಧಿಕೃತ ವೆಬ್​ಸೈಟ್​ನಲ್ಲಿ ಅರ್ಜಿ ಸಲ್ಲಿಸತಕ್ಕದ್ದು. ಮೀಸಲಾತಿ ಅಭ್ಯರ್ಥಿಗಳು ಪ್ರೊಸೆಸಿಂಗ್​ ಶುಲ್ಕ 300 ರೂ. ಪಾವತಿಸತಕ್ಕದ್ದು.

ಅರ್ಜಿ ಸಲ್ಲಿಸಲು ಕಡೇ ದಿನ: 4.10.2022
ಪರೀಕ್ಷೆ ನಡೆಯುವ ದಿನಾಂಕ: 2022ರ ಅ.31 ಹಾಗೂ ನ.1 ಮತ್ತು 2
ಅಧಿಸೂಚನೆಗೆ: https://bit.ly/3UfQglt

ಮಾಹಿತಿಗೆ: https://careers.bhel.in.

https://www.vijayavani.net/s-job-opprotunities-in-davanagere-vv/

https://www.vijayavani.net/s-job-opportunities-in-neeti-ayoga/