ವೇಶ್ಯೆ ಪಾತ್ರಕ್ಕೆ ಆಲಿಯಾ ಪಡೆದ ಸಂಭಾವನೆ ಕೇಳಿದ್ರೆ ಹುಬ್ಬೇರಿಸುತ್ತೀರಾ! ಅಜಯ್​ ದೇವಗನ್ನೂ ಹಿಂದೆ ಬಿದ್ದಿಲ್ಲ...

ಮುಂಬೈ: ಬಿಡುಗಡೆಗೆ ಮುನ್ನವೇ ಭಾರೀ ಸದ್ದು ಮಾಡಿದ್ದ ಚಿತ್ರ ಆಲಿಯಾ ಭಟ್, ಶಂತನು ಮತ್ತು ಅಜಯ್ ದೇವಗನ್ ಅಭಿನಯದ ಗಂಗೂಬಾಯಿ ಕಾಥಿಯಾವಾಡಿ. ಮುಂಬೈನ ರೆಡ್​ಲೈಟ್​ ಏರಿಯಾ ಕಾಮಾಟಿಪುರದ ಬಗ್ಗೆ ಇರುವ ಈ ಚಿತ್ರದ ವಿರುದ್ಧ ಕಾಮಾಟಿಪುರದ ನಿವಾಸಿಗಳು ಸಿಡಿದೆದ್ದರೂ ಚಿತ್ರ ಬಿಡುಗಡೆಯಾಗಿದೆ ಭರ್ಜರಿ ಯಶಸ್ಸು ಗಳಿಸಿದೆ. ಕೇವಲ ಭಾರತದಲ್ಲಷ್ಟೇ ಅಲ್ಲದೇ ಈ ಸಿನಿಮಾ ವಿದೇಶದಲ್ಲೂ ಸಖತ್​ ಸೌಂಡ್​ ಮಾಡುತ್ತಿದೆ.

ಕಾಮಾಟಿಪುರದಲ್ಲಿ ತುಂಬಾ ಹಿಂದೆ ವೇಶ್ಯೆಯಾಗಿದ್ದ ಗಂಗೂಬಾಯಿ ಪಾತ್ರದಲ್ಲಿ ನಟಿಸಿರುವ ಆಲಿಯಾ ಭಟ್​ ನಟನೆಗೆ ಅಭಿಮಾನಿಗಳು ಮನಸೋತಿದ್ದಾರೆ. ಸತ್ಯ ಕತೆಗೆ ಕಾಲ್ಪನಿಕತೆ ಬೆರೆಸಿರುವ ಈ ಚಿತ್ರದಲ್ಲಿ ನಟ ಅಜಯ್​ ದೇವಗನ್​ ಮುಂಬೈನ ಮಾಫಿಯಾ ಡಾನ್ ರಹೀಮ್ ಲಾಲಾ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಗಂಗೂಬಾಯಿಯನ್ನು ವೇಶ್ಯಾವೃತ್ತಿಗೆ ಕರೆತರುವ ಪಾತ್ರ ಅವರದ್ದು.

ಅಂದಹಾಗೆ ಈ ಚಿತ್ರದಲ್ಲಿ 'ಗಂಗೂಬಾಯಿ' ಪಾತ್ರಕ್ಕೆ ಆಲಿಯಾ ಭಟ್‌ ತೆಗೆದುಕೊಂಡಿರುವ ಸಂಭಾವನೆ ಕೂಡ ಚಿತ್ರದಂತೆಯೇ ಈಗ ಭಾರಿ ಸದ್ದು ಮಾಡುತ್ತಿದೆ. ಇದಕ್ಕೆ ಕಾರಣ ಏನೆಂದರೆ, ಆಲಿಯಾ ಈ ಚಿತ್ರಕ್ಕೆ ಬರೋಬ್ಬರಿ 20 ಕೋಟಿ ರೂಪಾಯಿ ಸಂಭಾವನೆ ಪಡೆದಿದ್ದಾರಂತೆ. 100 ಕೋಟಿ ಬಜೆಟ್​ನಲ್ಲಿ ರೆಡಿಯಾದ ಈ ಸಿನಿಮಾದಲ್ಲಿ 20 ಕೋಟಿ ರೂಪಾಯಿ ಆಲಿಯಾ ಪಾಲಾಗಿದೆ.

ಹಾಗಿದ್ದರೆ ಅಜಯ್​​ ದೇವಗನ್​ ಎಷ್ಟು ಪಡೆದುಕೊಂಡಿರಬಹುದು? ಪಾತ್ರ ಚಿಕ್ಕದಾದರೂ ಅಜಯ್​ ದೇವಗನ್​ ಸಂಭಾವನೆ ಪಡೆದುಕೊಳ್ಳುವಲ್ಲಿ ಹಿಂದೆ ಬಿದ್ದಿಲ್ಲಿ. ಅವರು ತಮ್ಮ ಚಿತ್ರಕ್ಕೆ 12 ಕೋಟಿ ರೂಪಾಯಿ ಪಡೆದಿದ್ದಾರಂತೆ! ಇದಕ್ಕೆ ಹೋಲಿಸಿದರೆ ಆಲಿಯಾ ಭಟ್​ ಪಡೆದಿರುವ ಸಂಭಾವನೆ ಕಡಿಮೆ ಎಂದೇ ಅಭಿಮಾನಿಗಳು ಹೇಳುತ್ತಿದ್ದಾರೆ.

ಅಂದಹಾಗೆ ಇದು ಆಲಿಯಾ ಭಟ್​ ಮತ್ತು ನಿರ್ದೇಶಕ ಸಂಜಯ್ ಲೀಲಾ ಬನ್ಸಾಲಿಯವರ ಮೊದಲ ಚಿತ್ರವಾಗಿದೆ. ಒಂಬತ್ತನೇ ವಯಸ್ಸಿನಿಂದ ಬನ್ಸಾಲಿ ಜೊತೆ ಕೆಲಸ ಮಾಡಬೇಕೆಂಬ ಆಸೆ ಇತ್ತು ಎಂದು ಆಲಿಯಾ ಹೇಳಿಕೊಂಡಿದ್ದರು.

https://www.vijayavani.net/s-kamatipura-history-what-happended-200-years-back/

https://www.vijayavani.net/s-actor-shanktanu-about-alia-bhat-in-gangoobai-film/