ಅಡ್ಡಾದಿಡ್ಡಿ ಕಾರು ಚಲಾಯಿಸಿ ಬೈಕ್‌ಗೆ ಗುದ್ದಿದ ನಟಿ: ಕುಡಿದ ಮತ್ತಿನಲ್ಲಿದ್ದಳಾ ಬೆಡಗಿ? ತನಿಖೆ ಶುರು

ಹೈದರಾಬಾದ್: ಸಿನಿಮಾ, ಕಿರುತೆರೆ ನಟ-ನಟಿಯರು ಫುಲ್‌ ಟೈಟ್‌ ಆಗಿ ಅಪಘಾತ ಮಾಡುತ್ತಿರುವ ಘಟನೆಗಳು ಇಂದು ನಿನ್ನೆಯದ್ದಲ್ಲ. ಆದರೆ ಎಷ್ಟೋ ಪ್ರಕರಣಗಳಲ್ಲಿ ಇವರು ಬಚಾವಾಗುತ್ತಿರುವುದು ಮಾತ್ರ ವಿಷಾದನೀಯ. ಪಾರ್ಟಿ, ಕ್ಲಬ್‌, ಪಬ್‌ ಎನ್ನುತ್ತಾ ನಶೆಯಲ್ಲಿ ವಾಹನ ಚಲಾಯಿಸಿ ಹಲವರ ಪ್ರಾಣಕ್ಕೆ ಕಂಟಕ ತಂದಿರುವ ಸಾಕಷ್ಟು ಘಟನೆಗಳು ಇದಾಗಲೇ ವರದಿಯಾಗಿವೆ.

ಈಗ ಅದೇ ಸಾಲಿನಲ್ಲಿ ನಿಂತಿದ್ದಾರೆ ತೆಲುಗಿನ ಕಿರುತೆರೆ ಹಾಗೂ ಸಿನಿಮಾ ನಟಿ ಲಹರಿ ರಾಮ್. ಅಡ್ಡಾದಿಡ್ಡಿಯಾಗಿ ಅತಿವೇಗದಿಂದ ಕಾರು ಚಲಾಯಿಸಿ ಬೈಕ್ ಸವಾರನಿಗೆ ಗುದ್ದಿರುವ ಈ ನಟಿ ವಿರುದ್ಧ ಈಗ ತನಿಖೆ ಶುರುವಾಗಿದೆ.

ಬುಧವಾರ ರಾತ್ರಿ ಸಿನಿಮಾ ಶೂಟಿಂಗ್ ಮುಗಿಸಿಕೊಂಡು ಮನೆಗೆ ತೆರಳುತ್ತಿದ್ದ ಈಕೆ, ಎರ್ರಾಬಿರ್ರಿ ಕಾರು ಚಲಾಯಿಸಿಕೊಂಡು ಹೋಗಿರುವುದಾಗಿ ಪ್ರತ್ಯಕ್ಷದರ್ಶಿಗಳು ಹೇಳಿದ್ದಾರೆ. ಈ ವೇಳೆ ಕಾರು ನಿಯಂತ್ರಣ ತಪ್ಪಿ ಬೈಕ್ ಸವಾರನೊಬ್ಬನಿಗೆ ಗುದ್ದಿದ ಪರಿಣಾಮ, ಬೈಕ್ ಸವಾರ ಗಂಭೀರವಾಗಿ ಗಾಯಗೊಂಡಿದ್ದಾರೆ. ಅವರನ್ನು ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ.

ಪೊಲೀಸರು ತನಿಖೆ ಶುರು ಮಾಡಿದ್ದಾರೆ. ಪ್ರತ್ಯಕ್ಷದರ್ಶಿಗಳ ಹೇಳಿಕೆ ಪಡೆದುಕೊಂಡಿದ್ದಾರೆ. ಈಕೆ ಕಾರು ಚಲಾಯಿಸುತ್ತಿದ್ದ ಪರಿಯನ್ನು ನೋಡಿದರೆ, ಈಕೆ ಕುಡಿದ ಅಮಲಿನಲ್ಲಿ ಇದ್ದಿರಬಹುದು ಎಂದು ಅವರು ಹೇಳಿರುವ ಕಾರಣ, ಪೊಲೀಸರು ಇದೇ ಆಯಾಮದಲ್ಲಿ ತನಿಖೆ ಕೈಗೊಂಡಿದ್ದಾರೆ.

https://www.vijayavani.net/s-eye-witness-about-bipin-rawath-last-minute/

https://www.vijayavani.net/s-triple-death-in-hubli-death-senctence-by-court/