ರಷ್ಯಾದ್ದಲ್ಲ, ಚೀನಾ ಲಸಿಕೆಯೇ ಮೊದಲು...! ಜೂನ್​ನಲ್ಲಿಯೇ ಬಳಕೆಯಾಗುತ್ತಿದೆ ಕ್ಯಾನ್​ಸಿನೋ ಔಷಧ

ನವದೆಹಲಿ: ರಷ್ಯಾ ಅಭಿವೃದ್ಧಿಪಡಿಸಿರುವ ಸ್ಪುಟ್ನಿಕ್​ ವಿ ಕರೊನಾ ನಿಗ್ರಹ ಲಸಿಕೆ ಜಗತ್ತಿನಲ್ಲಿ ಪ್ರಪ್ರಥಮ ಎಂದು ಹೇಳಲಾಗುತ್ತಿದೆ. ಆದರೆ, ವಾಸ್ತವವೇ ಬೇರೆಯಾಗಿದೆ.

ರಷ್ಯಾಗೂ ಮುನ್ನ ಚೀನಾದಲ್ಲಿ ಕೋವಿಡ್​ ಲಸಿಕೆ ಬಳಕೆಗೆ ಅನುಮತಿ ನೀಡಲಾಗಿದೆ ಅದೂ ಕೂಡ ಜೂನ್​​ ತಿಂಗಳಲ್ಲಿ. ಹೌದು... ಚೀನಾದ ಕ್ಯಾನ್​ಸಿನೋ ಕಂಪನಿ ರಾಷ್ಟ್ರೀಯ ಸೇನಾ ಸಂಶೋಧನಾ ಸಂಸ್ಥೆ ಜತೆ ಸೇರಿ ಅಭಿವೃದ್ಧಿಪಡಿಸಿರುವ Ad5-nCoV ಹೆಸರಿನ ಲಸಿಕೆಗೆ ಸೆಂಟ್ರಲ್​ ಮಿಲಿಟರಿ ಕಮಿಷನ್​ ಅನುಮೋದನೆ ನೀಡಿದೆ. ಸೇನೆಯಲ್ಲಿ ಇದನ್ನು ಬಳಕೆ ಮಾಡಬಹುದೆಂದು ತಿಳಿಸಿದೆ.

ಇದನ್ನೂ ಓದಿ; 88 ಸಾವಿರಕ್ಕೂ ಅಧಿಕ ಬಿಎಸ್ಸೆನೆಲ್​ ನೌಕರರು ಮನೆಗೆ ಹೋಗ್ತಾರೆ; ಸಂಸ್ಥೆ ಖಾಸಗೀಕರಣ ಮಾಡ್ತಾರೆ …! 

ಸದ್ಯ ಈ ಲಸಿಕೆಯನ್ನು ಸೇನೆಯ ಉಪಯೋಗಕ್ಕಷ್ಟೇ ಸೀಮಿತಗೊಳಿಸಲಾಗಿದೆ. ಚೀನಾದ ಪೀಪಲ್ಸ್​ ಆಫ್​ ಲಿಬರೇಷನ್​ ಆರ್ಮಿಯ ಯೋಧರಿಗಷ್ಟೇ ನೀಡಲಾಗುತ್ತಿದೆ. ಆದರೆ, ಈವರೆಗೆ ಎಷ್ಟು ಯೋಧರಿಗೆ ನೀಡಲಾಗಿದೆ ಹಾಗೂ ಅದರ ಪರಿಣಾಮವೇನು ಎಂಬುದು ತಿಳಿದು ಬಂದಿಲ್ಲ.

ರಷ್ಯಾದ ಲಸಿಕೆಯಂತೆಯೇ ಇದನ್ನು ಮೂರನೇ ಹಂತದ ಕ್ಲಿನಿಕಲ್​ ಟ್ರಯಲ್​ಗಾಗಿ ಕಾಯದೇ ಬಳಕೆಗೆ ಮುಕ್ತಗೊಳಿಸಲಾಗಿದೆ. ಇದಾದ ಕೆಲ ದಿನಗಳಲ್ಲಿಯೇ ಸೌದಿ ಅರೇಬಿಯಾದ ಆಸ್ಪತ್ರೆಗಳಲ್ಲಿ ಮೂರನೇ ಹಂತದ ಪ್ರಯೋಗ ನಡೆಸಲಾಗುತ್ತಿದೆ ಎಂದು ಚೀನಾ ಮಾಹಿತಿ ನೀಡಿತ್ತು.

ಇದನ್ನೂ ಓದಿ; ಹಿಂದು ಉತ್ತರಾಧಿಕಾರ ಕಾಯ್ದೆ ಪೂರ್ವಾನ್ವಯವಾಗುತ್ತೆ; ಆಸ್ತಿಯಲ್ಲಿ ಹೆಣ್ಣುಮಕ್ಕಳಿಗೂ ಸಮಾನ ಅಧಿಕಾರ; ಸುಪ್ರೀಂ ಕೋರ್ಟ್​ ತೀರ್ಪು 

ಇದಲ್ಲದೇ, ಚೀನಾದ ಎಂಟು ಲಸಿಕೆಗಳು ಮಾನವರ ಮೇಲೆ ಪ್ರಯೋಗದ ಹಂತದಲ್ಲಿವೆ. ದೇಶೀಯವಾಗಿ ಮಾತ್ರವಲ್ಲದೇ. ಸೌದಿ ಅರೇಬಿಯಾ ಹಾಗೂ ಕೆನಡಾದಲ್ಲೂ ಇದರ ಕ್ಲಿನಿಕಲ್​ ಟ್ರಯಲ್​ಗೆ ಅನುಮತಿ ಪಡೆದುಕೊಂಡಿವೆ.

https://www.vijayavani.net/when-will-the-russian-vaccine-be-available/