92ನೇ ವಯಸ್ಸಿನಲ್ಲಿ ಐದನೇ ಮದುವೆಯಾಗುತ್ತಿರುವ ರೂಪರ್ಟ್ ಮುರ್ಡೋಕ್; ಮೀಡಿಯಾ ಟೈಕೂನ್ ಕೈ ಹಿಡಿಯೋ ಆ ವಧು ಯಾರು?

ನವದೆಹಲಿ: 92 ನೇ ವಯಸ್ಸಿನಲ್ಲಿ ರೂಪರ್ಟ್ ಮುರ್ಡೋಕ್ ವರನಾಗಲಿದ್ದಾರೆ. ಅವರು ಆರನೇ ಬಾರಿಗೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ ಮತ್ತು ಇದು ಅವರ 5 ನೇ ಮದುವೆಯಾಗಿದೆ. ಅವರ 5 ನೇ ನಿಶ್ಚಿತಾರ್ಥವು ರೇಡಿಯೊ ಹೋಸ್ಟ್ ಆನ್ ಲೆಸ್ಲಿ ಸ್ಮಿತ್ ಅವರೊಂದಿಗೆ ಆಗಿತ್ತು. ಆದರೆ ಅದು 2 ವಾರಗಳ ನಂತರ ಮುರಿದುಹೋಯಿತು. ಈಗ ಅವರ ಜೀವನದಲ್ಲಿ 67 ವರ್ಷದ ನಿವೃತ್ತ ಜೀವಶಾಸ್ತ್ರಜ್ಞೆ ಎಲೆನಾ ಝುಕೋವಾ ಬಂದಿದ್ದು, ಕಳೆದ ರಾತ್ರಿ ಉಂಗುರವನ್ನು ಬದಲಾಯಿಸಿಕೊಂಡರು. ಶೀಘ್ರದಲ್ಲೇ ಇಬ್ಬರೂ ಹಸೆಮಣೆ ಏರಲಿದ್ದಾರೆ. ಇಬ್ಬರೂ ಕಳೆದ 4 ವರ್ಷಗಳಿಂದ ಪರಸ್ಪರ ಡೇಟಿಂಗ್ ಮಾಡುತ್ತಿದ್ದರು. ನವೆಂಬರ್ 2023 ರಲ್ಲಿ, ಇಬ್ಬರೂ ತಮ್ಮ ಸಂಬಂಧವನ್ನು ಜಗತ್ತಿಗೆ ತಿಳಿಸಿದರು.

ಕ್ಯಾಲಿಫೋರ್ನಿಯಾದಲ್ಲಿ ಮದುವೆಯ ಆರತಕ್ಷತೆ

ದಿ ಗಾರ್ಡಿಯನ್ ವರದಿ ಪ್ರಕಾರ, ನ್ಯೂಸ್ ಕಾರ್ಪ್ ಮತ್ತು ಫಾಕ್ಸ್‌ನಿಂದ ನಿವೃತ್ತರಾದ 5 ತಿಂಗಳ ನಂತರ, ಬಿಲಿಯನೇರ್ ರೂಪರ್ಟ್ ಮುರ್ಡೋಕ್ ತಮ್ಮ ಮದುವೆಯನ್ನು ಘೋಷಿಸುವ ಮೂಲಕ ಎಲ್ಲರನ್ನು ಅಚ್ಚರಿಗೊಳಿಸಿದ್ದಾರೆ. ಅವರ ಕಚೇರಿ ಬಿಡುಗಡೆ ಮಾಡಿದ ಪತ್ರಿಕಾ ಪ್ರಕಟಣೆಯ ಪ್ರಕಾರ, 92 ವರ್ಷದ ಮುರ್ಡೋಕ್ 67 ವರ್ಷದ ಎಲೆನಾ ಝುಕೋವಾ ಅವರನ್ನು ಮದುವೆಯಾಗಲಿದ್ದಾರೆ. ಇಬ್ಬರೂ ಕಳೆದ 4 ವರ್ಷಗಳಿಂದ ಪರಸ್ಪರ ಡೇಟಿಂಗ್ ಮಾಡುತ್ತಿದ್ದರು. ನವೆಂಬರ್ 2023 ರಲ್ಲಿ, ಇಬ್ಬರೂ ತಮ್ಮ ಸಂಬಂಧವನ್ನು ಜಗತ್ತಿಗೆ ತಿಳಿಸಿದರು. ಮದುವೆಯ ಆರತಕ್ಷತೆ ಕ್ಯಾಲಿಫೋರ್ನಿಯಾದ ಮೊರಗಾ ಅವರ ದ್ರಾಕ್ಷಿತೋಟದಲ್ಲಿ ನಡೆಯಲಿದೆ.

ಮುರ್ಡೋಕ್​​​ಗೆ ನಾಲ್ವರು ಹೆಂಡತಿಯರು ಮತ್ತು ಮಕ್ಕಳು

ಮುರ್ಡೋಕ್ ತನ್ನ ಮೂರನೇ ಮಾಜಿ ಪತ್ನಿ ವೆಂಡಿ ಡೆಂಗ್ ಮೂಲಕ ಝುಕೋವಾ ಅವರನ್ನು ಭೇಟಿಯಾದರು. 2013 ರಲ್ಲಿ, ಅವರು ತಮ್ಮ ಮೂರನೇ ಪತ್ನಿ, ಚೀನಾ ಮೂಲದ ಉದ್ಯಮಿ ವೆಂಡಿ ಡೆಂಗ್ ಅವರಿಂದ ವಿಚ್ಛೇದನ ಪಡೆದರು. ಇಬ್ಬರೂ ಮದುವೆಯಾಗಿ 14 ವರ್ಷವಾಗಿತ್ತು. ಮುರ್ಡೋಕ್ ಅವರ ನಾಲ್ಕನೇ ಪತ್ನಿ ಅಮೇರಿಕನ್ ಮಾಡೆಲ್ ಮತ್ತು ನಟಿ ಜೆರ್ರಿ ಹಾಲ್, ಅವರು 2022 ರಲ್ಲಿ ವಿಚ್ಛೇದನ ಪಡೆದರು. ಅವರ ಇತರ ಇಬ್ಬರು ಪತ್ನಿಯರೆಂದರೆ ಆಸ್ಟ್ರೇಲಿಯಾದ ಫ್ಲೈಟ್ ಅಟೆಂಡೆಂಟ್ ಪೆಟ್ರೀಷಿಯಾ ಬುಕರ್ ಮತ್ತು ಸ್ಕಾಟಿಷ್ ಮೂಲದ ಪತ್ರಕರ್ತೆ ಅನ್ನಾ ಮಾನ್. ಮುರ್ಡೋಕ್ ಅವರಿಗೆ ಒಟ್ಟು 6 ಜನ ಮಕ್ಕಳಿದ್ದಾರೆ.

ಎಲೆನಾ ಝುಕೋವಾ ಯಾರು?

ಮಾಧ್ಯಮ ವರದಿಗಳ ಪ್ರಕಾರ , ಮುರ್ಡೋಕ್ ಅವರನ್ನು ಈಗ ಮದುವೆಯಾಗುತ್ತಿರುವ ಎಲೆನಾ ಲಾಸ್ ಏಂಜಲೀಸ್‌ನ ಕ್ಯಾಲಿಫೋರ್ನಿಯಾ ವಿಶ್ವವಿದ್ಯಾಲಯದಲ್ಲಿ ಕೆಲಸ ಮಾಡುತ್ತಿದ್ದರು. ಝುಕೋವಾ ಮೂಲತಃ ರಷ್ಯಾದವರು. ಝುಕೋವಾ ರಷ್ಯಾದ ತೈಲ ಬ್ಯಾರನ್ ಅಲೆಕ್ಸಾಂಡರ್ ಝುಕೋವಾ ಅವರನ್ನು ವಿವಾಹವಾಗಿದ್ದರು, ಅವರಿಗೆ ದಶಾ ಝುಕೋವಾ ಎಂಬ ಮಗಳು ಇದ್ದಾಳೆ. ದಶಾ ಝುಕೋವಾ ಉದ್ಯಮಿಯಾಗಿದ್ದು, ರಷ್ಯಾದ ಪ್ರೀಮಿಯರ್ ಲೀಗ್ ಫುಟ್ಬಾಲ್ ಕ್ಲಬ್ ಚೆಲ್ಸಿಯಾದ ಮಾಜಿ ಮಾಲೀಕ ರೋಮನ್ ಅಬ್ರಮೊವಿಚ್ ಅವರನ್ನು ವಿವಾಹವಾಗಿದ್ದಾರೆ.

ರೂಪರ್ಟ್ ಮುರ್ಡೋಕ್ ಯಾರು?

* ಫೋರ್ಬ್ಸ್ ಪ್ರಕಾರ, ರೂಪರ್ಟ್ ಮುರ್ಡೋಕ್ $ 8.96 ಬಿಲಿಯನ್ ನಿವ್ವಳ ಮೌಲ್ಯವನ್ನು ಹೊಂದಿದ್ದಾರೆ.

* 1950 ರ ದಶಕದಲ್ಲಿ ಅವರ ತಂದೆಯ ಮರಣದ ನಂತರ 22 ನೇ ವಯಸ್ಸಿನಲ್ಲಿ ವ್ಯವಹಾರವನ್ನು ವಹಿಸಿಕೊಂಡರು.

* 1969 ರಲ್ಲಿ ಅವರು ಯುಕೆಯಲ್ಲಿ ನ್ಯೂಸ್ ಆಫ್ ದಿ ವರ್ಲ್ಡ್ ಮತ್ತು ದಿ ಸನ್ ಪತ್ರಿಕೆಗಳನ್ನು ಖರೀದಿಸಿದರು.

* ನ್ಯೂಯಾರ್ಕ್ ಪೋಸ್ಟ್ ಮತ್ತು ವಾಲ್ ಸ್ಟ್ರೀಟ್ ಜರ್ನಲ್‌ನಂತಹ ದೊಡ್ಡ ಅಮೇರಿಕನ್ ಪತ್ರಿಕೆಗಳನ್ನು ಸಹ ಖರೀದಿಸಿದ್ದಾರೆ.

* 1996 ರಲ್ಲಿ ಫಾಕ್ಸ್ ನ್ಯೂಸ್ ಅನ್ನು ಪ್ರಾರಂಭಿಸಲಾಯಿತು, ಇದು ಅಮೆರಿಕಾದಲ್ಲಿ ಅತಿ ಹೆಚ್ಚು ವೀಕ್ಷಿಸಲ್ಪಟ್ಟ ಚಾನೆಲ್ ಆಗಿದೆ.

* 2013 ರಲ್ಲಿ ನ್ಯೂಸ್ ಕಾರ್ಪ್ ಗೆ ಅಡಿಪಾಯ ಹಾಕಿದರು. 2023 ರಲ್ಲಿ ಫಾಕ್ಸ್ ಮತ್ತು ನ್ಯೂಸ್ ಕಾರ್ಪ್‌ಗೆ ರಾಜೀನಾಮೆ ನೀಡಿದರು.

https://www.vijayavani.net/actor-dolly-sohi-passes-away-hours-after-her-sisters-death