ಚೀನಾ, ಕೆನಡಾ, ಅಮೆರಿಕ, ಆಸ್ಟ್ರೇಲಿಯಾ ದೇಶಗಳಲ್ಲಿ ಈ ತಂತ್ರಜ್ಞಾನ ವ್ಯಾಪಕವಾಗಿದ್ದು, ಪ್ರಸಕ್ತ ಭಾರತದಲ್ಲೂ ಗಮನ ಸೆಳೆಯುತ್ತಿದೆ. ಹಿಮಾಚಲ ಪ್ರದೇಶ, ಉತ್ತರಾಖಂಡ, ಮೇಘಾಲಯ, ಗುಜರಾತ್, ಮಹಾರಾಷ್ಟ್ರ ರಾಜ್ಯಗಳಲ್ಲಿ ಈಗಾಗಲೆ ನಿರ್ವಣಗೊಂಡು ಯಶಸ್ಸು ಪಡೆದಿದೆ. ದಕ್ಷಿಣ ಭಾರತದ ಪೈಕಿ ತಮಿಳುನಾಡಿನ ಉದಕಮಂಡಲದಲ್ಲಿ ಪ್ರಾಯೋಗಿಕವಾಗಿ ನಿರ್ವಿುಸಲಾಗಿತ್ತು. ಆದರೆ, ಪ್ರಥಮ ರಬ್ಬರ್ ಅಣೆಕಟ್ಟು ನಿರ್ವಿುಸಿರುವುದು ಕೇರಳದಲ್ಲಿ. ಕೇರಳದ ಐದು ಜಿಲ್ಲೆಗಳಲ್ಲಿ ರಬ್ಬರ್ ಡ್ಯಾಂ ನಿರ್ವಣಕ್ಕೆ ಯೋಜನೆ ರೂಪಿಸಲಾಗಿದ್ದು, ಮೊದಲ ಹಂತದಲ್ಲಿ ಕಾಸರಗೋಡಿನ ಪನತ್ತಡಿ ಪಂಚಾಯಿತಿಯಲ್ಲಿ ನಿರ್ವಣಗೊಂಡಿದೆ. ಭಾರತೀಯ ಕೃಷಿ ಅನುಸಂಧಾನ ಪರಿಷತ್ (ಐಸಿಎಆರ್) ಅಧೀನದ ಭುವನೇಶ್ವರದಲ್ಲಿರುವ ಇಂಡಿಯನ್ ಇನ್ಸ್ಟಿಟ್ಯೂಟ್ ಆಫ್ ವಾಟರ್ ಮ್ಯಾನೇಜ್ವೆುಂಟ್ನ ತಾಂತ್ರಿಕ ಸಹಕಾರದೊಂದಿಗೆ ಸಣ್ಣ ನೀರಾವರಿ ಇಲಾಖೆ ವತಿಯಿಂದ ಕಾಮಗಾರಿ ನಡೆಸಲಾಗಿದೆ. 1.5 ಮೀಟರ್ನಿಂದ 2.5 ಮೀ. ಎತ್ತರದವರೆಗೆ ರಬ್ಬರ್ ಡ್ಯಾಂ ನಿರ್ವಿುಸಬಹುದು.
