ಬೆಂಗಳೂರು: ತಮ್ಮ ಗ್ರಾಮದಲ್ಲಿ ಯಾರ್ಯಾರು ಯಾವ್ಯಾವ ಸರ್ಕಾರಿ ಯೋಜನೆ ಲಾಭ ಪಡೆಯುತ್ತಿದ್ದಾರೆ? ಊರಿನಲ್ಲಿ ನರೇಗಾ ಕಾಮಗಾರಿ ಮಾಡಿದವರು ಯಾರು? ಕಾಮಗಾರಿ ಎಲ್ಲಿ ನಡೆದಿದೆ? ವಿದ್ಯಾರ್ಥಿ ವೇತನ ಯಾರೆಲ್ಲ ಪಡೆಯುತ್ತಿದ್ದಾರೆ? ನಿಮ್ಮೂರಿನ ಶಾಲೆ ಶಿಕ್ಷಕರು ಯಾರು, ಅವರ ಮೊಬೈಲ್ ಸಂಖ್ಯೆ ಏನು? ಮತ್ತಿತರ ಯಾವುದೇ ವಿಚಾರದ ಕುರಿತಾದರೂ ಆರ್ಟಿಐ ಅರ್ಜಿ ಹಾಕದೆಯೂ ಇನ್ಮುಂದೆ ಮಾಹಿತಿ ಪಡೆಯಬಹುದು! ಸರ್ಕಾರ ಇಂಥದ್ದೊಂದು ವಿನೂತನ ಪ್ರಯತ್ನ ಆರಂಭಿಸಿದ್ದು, ಮಾಹಿತಿ ಕಣಜ ಪೋರ್ಟಲ್ನಲ್ಲಿ ವಿವಿಧ ಸರ್ಕಾರಿ ಯೋಜನೆಗಳು, ಸೇವೆಗಳ ಕುರಿತು ನಾಗರಿಕರಿಗೆ ಬೆರಳ ತುದಿಯಲ್ಲೆ ಮಾಹಿತಿ ಲಭ್ಯವಾಗಲಿದೆ. ಸರ್ಕಾರದ ಮಾಹಿತಿ ಪಡೆಯಲು ಅರ್ಜಿ ಏಕೆ ಬೇಕು ಎಂಬ ಕಲ್ಪನೆಯಲ್ಲಿ ಕನಿಷ್ಠ ಪ್ರಮಾಣದ ಮಾಹಿತಿ ಪಡೆಯಲು ಅವಕಾಶ ಮಾಡಿಕೊಡಲಾಗಿದೆ.
