ಪಿಎಂ ಕೇರ್ಸ್​ನ 3,100 ಕೋಟಿ ರೂ. ಕರೊನಾ ಪರಿಹಾರಕ್ಕೆ ಬಳಕೆ

ನವದೆಹಲಿ: ಪಿಎಂ ಕೇಎರ್ಸ್ ನಿಧಿಯಲ್ಲಿ ಸಂಗ್ರಹವಾಗಿರುವ ಹಣದಲ್ಲಿ 3,100 ಕೋಟಿ ರೂಪಾಯಿಯನ್ನು ವೆಂಟಿಲೇಟರ್ ಖರೀದಿ ಹಾಗೂ ವಲಸೆ ಕಾರ್ವಿುಕರ ಕಲ್ಯಾಣಕ್ಕೆ ಬಿಡುಗಡೆ ಮಾಡಲಾಗಿದೆ. ವೆಂಟಿಲೇಟರ್ ಖರೀದಿಗೆ 2,000 ಕೋಟಿ ರೂ., ವಲಸೆ ಕಾರ್ವಿುಕರ ಕಲ್ಯಾಣಕ್ಕೆ 1,000 ಕೋಟಿ ರೂ. ನೀಡಲಾಗುವುದು.

ಇದನ್ನೂ ಓದಿ: ಇಂದಿನ ಘೋಷಣೆ ತಾತ್ಕಾಲಿಕವಾಗಿ ಪರಿಣಾಮಕಾರಿ- ತಜ್ಞರ ಮಾತು

ಭಾರತದಲ್ಲಿ ಕೊರೊನಾ ಔಷಧ ತಯಾರಿಕೆಗೆ ಪ್ರೋತ್ಸಾಹಿಸಲು 100 ಕೋಟಿ ರೂ. ನೀಡಲಾಗುವುದು ಎಂದು ತಿಳಿಸಲಾಗಿದೆ. 50,000 ಸ್ವದೇಶಿ ವೆಂಟಿಲೇಟರ್​ಗಳನ್ನು ಖರೀದಿಸಲಾಗುವುದು. ವಲಸಿಗರಿಗೆಂದು ನೀಡಲಾಗುತ್ತಿರುವ ನಿಧಿಯನ್ನು ಆಯಾ ರಾಜ್ಯ ಸರ್ಕಾರಗಳಿಗೆ ಹಂಚಲಾಗುವುದು. ರಾಜ್ಯ ಸರ್ಕಾರಗಳು ಆ ಹಣವನ್ನು ಜಿಲ್ಲಾಧಿಕಾರಿಗಳು ಮತ್ತು ಪಾಲಿಕೆ ಅಧಿಕಾರಿಗಳಿಗೆ ನೀಡಬೇಕು. ಆ ಹಣವನ್ನು ವಲಸಿಗರ ಆಹಾರ, ವಸತಿ, ವೈದ್ಯಕೀಯ ಸೇವೆ ಮತ್ತು ಸ್ಥಳಾಂತರಕ್ಕೆ ಬಳಸಿಕೊಳ್ಳಬೇಕು. ಲಸಿಕೆ ತಯಾರಿಕೆಗೆ ಮೀಸಲಿಡಲಾಗುತ್ತಿರುವ ಹಣವನ್ನು ಸರ್ಕಾರದ ಪ್ರಧಾನ ವೈಜ್ಞಾನಿಕ ಸಲಹೆಗಾರರ ಮೇಲ್ವಿಚಾರಣೆಯಲ್ಲಿ ಖರ್ಚು ಮಾಡಲಾಗುವುದು ಎಂದು ಹೇಳಲಾಗಿದೆ.

ಇದನ್ನೂ ಓದಿ: ಪೇದೆ ಕಿವಿ ಕಚ್ಚಿದ ಶಿಕ್ಷಕ