ಶೇ. 98ರಷ್ಟು 2000 ರೂ. ನೋಟು ವಾಪಸ್

ಮುಂಬೈ: ಎರಡು ಸಾವಿರ ರೂ. ಮುಖಬೆಲೆಯ ಕರೆನ್ಸಿ ನೋಟುಗಳನ್ನು ಚಲಾವಣೆಯಿಂದ ಹಿಂತೆಗೆದುಕೊಂಡಿರುವುದಾಗಿ ಕಳೆದ ವರ್ಷ ಮೇ 19ರಂದು ಪ್ರಕಟಿಸಿದ ಬಳಿಕ ಈವರೆಗೆ ಶೇ. 98.04ರಷ್ಟು ನೋಟುಗಳು ಭಾರತೀಯ ರಿಸರ್ವ್ ಬ್ಯಾಂಕ್​ಗೆ (ಆರ್​ಬಿಐ) ವಾಪಸಾಗಿದ್ದು, ಇನ್ನೂ 6,970 ಕೋಟಿ ರೂ. ಮೌಲ್ಯದ ನೋಟುಗಳು ಜನರ ಬಳಿ ಇವೆ.

ಒಟ್ಟು 3.56 ಲಕ್ಷ ಕೋಟಿ ರೂ. ಮೌಲ್ಯದ ನೋಟುಗಳು 2023ರ ಮೇ 19ರವರೆಗೆ ಚಲಾವಣೆಯಲ್ಲಿದ್ದವು. 2024ರ ಅ. 31ರವರೆಗೆ 6970 ಕೋಟಿ ರೂ. ಮೌಲ್ಯದ ನೋಟುಗಳು ಚಲಾವಣೆಯಲ್ಲಿವೆ. ಈ ನೋಟುಗಳನ್ನು ಎಲ್ಲ ಬ್ಯಾಂಕ್ ಶಾಖೆಗಳಲ್ಲಿ ವಿನಿಮಯ ಮಾಡಿಕೊಳ್ಳಲು ಕಳೆದ ವರ್ಷ ಅ. 7ರವರೆಗೆ ಸಮಯ ನೀಡಲಾಗಿತ್ತು. ನಂತರ ಈ ಸೌಲಭ್ಯವನ್ನು ಬೆಂಗಳೂರು ಸೇರಿದಂತೆ ರಿಸರ್ವ್ ಬ್ಯಾಂಕ್​ನ 19 ಕಚೇರಿಗಳಿಗೆ ಸೀಮಿತಗೊಳಿಸಲಾಗಿದೆ.

https://www.vijayavani.net/dont-forget-these-things-while-ensuring-petrol