Sandalwood First Half - ಮೊದರ್ಲಧ ನಿಧಾನ, ದ್ವೀತಿಯಾರ್ಧ..?

ಸಿನಿಮಾ ನೋಡಿದ ಬಳಿಕ ಪ್ರೇಕ್ಷಕರು ಮೊದಲರ್ಧ ನಿಧಾನ, ದ್ವೀತಿಯಾರ್ಧ ಚೆನ್ನಾಗಿತ್ತು ಎನ್ನುವುದು ಸಾಮಾನ್ಯ. ಇದೀಗ 2026ರಲ್ಲಿ ತೆರೆಗೆ ಬಂದ ಕನ್ನಡ ಚಿತ್ರಗಳ ಪರಿಸ್ಥಿತಿಯೂ ಹಾಗೇ ಇದೆ. ಈ ವರ್ಷ ಮೊದಲ ಆರು ತಿಂಗಳ 26 ವಾರಗಳಲ್ಲಿ "ಐ ಯಾಮ್​ ಪ್ರಗ್ನೆಂಟ್​', "ನೀಲಿ ಹಕ್ಕಿ', "ಆ ಒಂದು ನೋಟು', "ಪುಟ್ಟ ಭಯ', "ಉಗ್ಗು' ಐದು ನೇರವಾಗಿ ಒಟಿಟಿಯಲ್ಲಿ ಬಿಡುಗಡೆಯಾದ ಚಿತ್ರಗಳು ಸೇರಿ ಒಟ್ಟು 126 ಸಿನಿಮಾಗಳು ರಿಲೀಸ್​ ಆಗಿವೆ. "ಲವ್​ ಮಾಕ್ಟೇಲ್​ 3', "ರಕ್ಕಸಪುರದೋಳ್​', "ಸೆಕೆಂಡ್​ ಕೇಸ್​ ಆ್​ ಸೀತಾರಾಮ್​', "ಲ್ಯಾಂಡ್​ಲಾರ್ಡ್​' ಸೇರಿ ಕೆಲ ಚಿತ್ರಗಳಷ್ಟೇ ಬಾಕ್ಸಾಫಿಸಿನಲ್ಲಿ ಗೆದ್ದು ಬೀಗಿವೆ. ಉಳಿದಂತೆ ಹಲವು ಚಿತ್ರಗಳು ಉತ್ತಮ ಕಂಟೆಂಟ್​ ಮೂಲಕ ಗಮನ ಸೆಳೆದರೂ, ಪ್ರೇಕ್ಷಕರನ್ನು ಥಿಯೇಟರ್​ಗಳತ್ತ ಸೆಳೆಯುವಲ್ಲಿ ಸೋತಿವೆ.

"ತೀರ್ಥರೂಪ ತಂದೆಯವರಿಗೆ', "ಲ್ಯಾಂಡ್​ಲಾರ್ಡ್​', "ವಲವಾರ', "ರಕ್ಕಸಪುರದೋಳ್​', "ಸೆಕೆಂಡ್​ ಕೇಸ್​ ಆ್​ ಸೀತಾರಾಮ್​', "ದ ರೈಸ್​ ಆಫ್​ ಅಶೋಕ', "ಲವ್​ ಮಾಕ್ಟೇಲ್​ 3', "ಪೀಟರ್​', "ಲೋ ನವೀನ', "ಮ್ಯಾಂಗೋ ಪಚ್ಚ' ಚಿತ್ರಗಳು ಕಂಟೆಂಟ್​ ಮೂಲಕ ಗಮನ ಸೆಳೆದಿವೆ. ಆದರೆ, ಕೆಲ ಸಿನಿಮಾಗಳು ಕ್ರಿಟಿಕಲ್​ ಆಗಿ ಉತ್ತಮ ಎನಿಸಿಕೊಂಡರೂ, ಕಲೆಕ್ಷನ್​ನಲ್ಲಿ ಹಿಂದೆ ಬಿದ್ದಿವೆ. ಹಾಗೇ ದೊಡ್ಡ ಬಜೆಟ್​ನಲ್ಲಿ ಮೂಡಿಬಂದ ಪ್ರೇಮ್​ ಮತ್ತು "ಕೆಡಿ - ದ ಡೆವಿಲ್​' ಕೂಡ ದೊಡ್ಡ ಮಟ್ಟದಲ್ಲಿ ನಿರೀಕ್ಷೆ ಮೂಡಿಸಿದ್ದರೂ, ದೊಡ್ಡ ಮಟ್ಟದಲ್ಲಿ ಕಲೆಕ್ಷನ್​ ಮಾಡಲಿಲ್ಲ.

ಈ ವಾರ ರಿಲೀಸ್​ ಆಗುತ್ತಿರುವ "ಗ್ರಾಮಾಯಣ' ಜತೆಗೆ ರಿಲೀಸ್​ಗೆ ರೆಡಿಯಾಗುತ್ತಿರುವ ಹಿಟ್​ ಕಾಂಬಿನೇಷನ್​ "ಅಯೋಗ್ಯ 2', "ಟಾಕ್ಸಿಕ್​', "ಕರಾವಳಿ', "ಪಿನಾಕ', "666 ಆಪರೇಷನ್​ ಡ್ರೀಮ್​ ಥಿಯೇಟರ್​', "ಕೊರಗಜ್ಜ', "ಕ್ರಿಮಿನಲ್​', "ದೈಜಿ' ಸೇರಿ ಇನ್ನೂ ಕೆಲ ಚಿತ್ರಗಳು ದ್ವೀತಿಯಾರ್ಧದಲ್ಲಿ ಪ್ರೇಕ್ಷಕರನ್ನು ಸೆಳೆಯುವ ನಿರೀಕ್ಷೆಯಿದೆ.

ಈ ವರ್ಷ ಮೊದರ್ಲಧ ಡಲ್​ ಇತ್ತು, ದ್ವೀತಿಯಾರ್ಧ ಬಗ್ಗೆ ಆಶಾಭಾವನೆ ಇದೆ. ದೊಡ್ಡ ಸಿನಿಮಾಗಳಿವೆ. "ಡ್ಯಾಡ್​', "ಪಿನಾಕ', "ಬೃಂದಾ ವಿಹಾರಿ', "ಟಾಕ್ಸಿಕ್​', "ರಾಮಾಯಣ', "ಕರಾವಳಿ' "ಚೀತಾ' ಸೇರಿ ಹಲವು ಬಹುನಿರೀತ ಹಾಗೂ ಸ್ಟಾರ್​ ಸಿನಿಮಾಗಳಿವೆ. ಚೆನ್ನಾಗಿ ಆಗಲೇಬೇಕು. ಸಿನಿಮಾ ರಿಲೀಸ್​ ಆಗುವುದು ದೊಡ್ಡ ವಿಷಯವಲ್ಲ. ಥಿಯೇಟರ್​ಗಳಲ್ಲಿ ನಿಲ್ಲಬೇಕು, ಗೆಲ್ಲಬೇಕು. ದೊಡ್ಡ ಸಿನಿಮಾಗಳ ಜತೆಗೆ ಸಣ್ಣ ಸಿನಿಮಾಗಳೂ ಗೆಲ್ಲಬೇಕು. ಹಾಗಾದಲ್ಲಿ ಚಿತ್ರರಂಗ ಮತ್ತೆ ಚೇತರಿಸಿಕೊಳ್ಳುತ್ತದೆ.

ಮೊದರ್ಲಧ ದೊಡ್ಡ ಮಟ್ಟದಲ್ಲಿ ಯಶಸ್ಸು ದೊರೆತಿಲ್ಲ. ಐದಾರು ಒಳ್ಳೆ ಸಿನಿಮಾಗಳು ಬಂದಿವೆ. ಆದರೆ, ಸ್ಟಾರ್​ ಚಿತ್ರಗಳು ಹೆಚ್ಚು ಬಂದಿಲ್ಲ. ಹೀಗಾಗಿ ಜನ ಥಿಯೇಟರ್​ಗೆ ಬರುತ್ತಿಲ್ಲ. ಮುಂದಿನ ಆರು ತಿಂಗಳಲ್ಲಿ ಉತ್ತಮ ಕಂಟೆಂಟ್​ ಸಿನಿಮಾಗಳು, ಸ್ಟಾರ್​ ಚಿತ್ರಗಳು ಲೈನಪ್​ನಲ್ಲಿವೆ. "ಗ್ರಾಮಾಯಣ'ದಂತಹ ಕಂಟೆಂಟ್​ ಚಿತ್ರಗಳು, "ಟಾಕ್ಸಿಕ್​', "ಪಿನಾಕ'ದಂತಹ ಸ್ಟಾರ್​ ಸಿನಿಮಾಗಳು ಮತ್ತೆ ಜನರನ್ನು ಥಿಯೇಟರ್​ಗೆ ಕರೆತರುವ ನಿರೀೆ ಇದೆ.

ಎಲ್​ ನಿನೊ ಕಾರಣ ಬರದ ಪರಿಸ್ಥಿತಿ ನಿರ್ಮಾಣವಾಗಿರುವಂತೆಯೇ, ಕನ್ನಡ ಚಿತ್ರರಂಗಕ್ಕೂ ಉತ್ತಮ ಕಂಟೆಂಟ್​ ಮತ್ತು ಪ್ರೇಕ್ಷಕರ ಬರ ನಿರ್ಮಾಣವಾಗಿದೆ. ಮೊದಲು ಕಂಟೆಂಟ್​ ಚೆನ್ನಾಗಿರಬೇಕು, ನಂತರ ಮಾರ್ಕೆಟಿಂಗ್​ ಸರಿಯಾಗಿ ಮಾಡಬೇಕು. ಮುಂದಿನ ಆರು ತಿಂಗಳು ಚೆನ್ನಾಗಿ ಆಗಬೇಕು ಎಂಬ ಆಸೆ ಇದೆ. ಎಲ್ಲದಕ್ಕೂ ಮೊದಲು ಫಿಲಂ ಚೇಂಬರ್​ ಮತ್ತು ಚಿತ್ರರಂಗದ ವಿವಿಧ ಅಂಗ&ಸಂಸ್ಥೆಗಳ ವ್ಯವಸ್ಥೆ ಸರಿಯಾಗಿ ಆಗಬೇಕು, ಪ್ರತಿ ಚಿತ್ರಗಳ ಬೆಂಬಲಕ್ಕೆ ಅವರು ನಿಲ್ಲಬೇಕು. ಹಾಗೇ ಪ್ರತಿ ಸಿನಿಮಾ ಕನಿಷ್ಠ ಎರಡರಿಂದ ಮೂರು ವಾರಗಳಾದರೂ ಥಿಯೇಟರ್​ನಲ್ಲಿ ಇರಬೇಕು.