ಬಾಡಿಗೆ ಕಟ್ಟದ ಕಾಂಗ್ರೆಸ್ ನಾಯಕರು!

ಕಾಂಗ್ರೆಸ್ ಅಧ್ಯಕ್ಷೆ ಸೋನಿಯಾ ಗಾಂಧಿ ಸೇರಿ ಪಕ್ಷದ ಅನೇಕ ನಾಯಕರು ತಾವಿರುವ ಮನೆ, ಇನ್ನಿತರ ಸರ್ಕಾರಿ ಆಸ್ತಿಗಳ ಬಾಡಿಗೆಯನ್ನು ಬಾಕಿ ಉಳಿಸಿಕೊಂಡಿದ್ದಾರೆಂಬ ಅಂಶ ಮಾಹಿತಿ ಹಕ್ಕು ಕಾಯ್ದೆ (ಆರ್​ಟಿಐ) ಅರ್ಜಿಯಿಂದ ಬಹಿರಂಗ ಆಗಿದೆ. ಕೇಂದ್ರ ವಸತಿ ಮತ್ತು ನಗರಾಭಿವೃದ್ಧಿ ಸಚಿವಾಲಯ ಕೊಟ್ಟಿದೆ ಎಂದು ಅರ್ಜಿದಾರ ಸುಜಿತ್ ಪಟೇಲ್ ಹೇಳಿದ್ದಾರೆ.

• ದೆಹಲಿಯ ಅಕ್ಬರ್ ರಸ್ತೆಯಲ್ಲಿರುವ ಕಾಂಗ್ರೆಸ್ ಪ್ರಧಾನ ಕಾರ್ಯಾಲಯದ ಬಾಡಿಗೆಯನ್ನು 2012ರಿಂದ ಪಾವತಿಸಿಯೇ ಇಲ್ಲ. ಇದರ ಬಾಬ್ತು 12,69,902 ರೂ.
• 2020ರ ಸೆಪ್ಟೆಂಬರ್ ನಂತರ ಸೋನಿಯಾ ಗಾಂಧಿ ಬಾಡಿಗೆ ಕಟ್ಟಿಲ್ಲ. 4,610 ರೂ. ಬಾಕಿ.
• ವಸತಿಗೆ ಸಂಬಂಧಿಸಿದ ನಿಯಮದ ಪ್ರಕಾರ ರಾಜಕೀಯ ಪಕ್ಷಗಳು ಮೂರು ವರ್ಷದೊಳಗೆ ತಮ್ಮ ಕಚೇರಿಗೆ ಸ್ವಂತ ಕಟ್ಟಡವನ್ನು ನಿರ್ವಿುಸಿಕೊಳ್ಳಬೇಕು. ಅಲ್ಲಿಯವರೆಗೆ ಸರ್ಕಾರಿ ಕಟ್ಟಡದಲ್ಲಿ ಇರಲು ಅವಕಾಶ ಇದೆ. ಮೂರು ವರ್ಷದ ನಂತರ ಬಾಡಿಗೆಗೆ ಪಡೆದ ಕಟ್ಟಡವನ್ನು ತೆರವು ಮಾಡಬೇಕು.
• ಕಾಂಗ್ರೆಸ್ ಕಚೇರಿಗಾಗಿ 2010ರ ಜೂನ್​ನಲ್ಲಿ ರೂಸ್ ಅವೆನ್ಯೂದ 9-3 ಬಂಗ್ಲೆಯನ್ನು ಮಂಜೂರ ಮಾಡಲಾಗಿದೆ. ಅಕ್ಬರ್ ರಸ್ತೆಯ ಕಚೇರಿ ಸೇರಿ ಇನ್ನಿತರ ಕಡೆಯ ಕಟ್ಟಡಗಳನ್ನು ಅದನು 2013ರಲ್ಲೇ ಖಾಲಿ ಮಾಡಬೇಕಿತ್ತು.
• 2020ರ ಜುಲೈನಲ್ಲಿ ಪ್ರಿಯಾಂಕಾ ಗಾಂಧಿಗೆ ಲೋಧಿ ರಸ್ತೆಯ ನಿವಾಸವನ್ನು ತೆರವುಗೊಳಿಸಲು ಸರ್ಕಾರ ನೋಟಿಸ್ ನೀಡಿತ್ತು. ಆದರೆ ಇದನ್ನು ವಿವಾದವನ್ನಾಗಿ ಮಾಡಲಾಯಿತು.
• ಸೋನಿಯಾ ಆಪ್ತ ಕಾರ್ಯದರ್ಶಿ ವಿನ್ಸೆಂಟ್ ಜಾರ್ಜ್ 2013ರಿಂದ ಬಾಡಿಗೆ ಪಾವತಿಸಿಲ್ಲ. ಇದರ ಮೊತ್ತ 5,07,911 ರೂ.

https://www.vijayavani.net/cryptocurrency-big-threat-for-financial-stability-shaktikanta-das/