ಮನಸ್ಸು ಸಂಯೋಜಿತವಾಗಿದ್ದರೆ, ಲೇಸರ್ ಕಿರಣದಂತೆ ಏಕಾಗ್ರವಾಗಿದ್ದರೆ, ನಮ್ಮ ಬಯಕೆಗಳೂ ಪೂರೈಸುತ್ತವೆ, ನಮ್ಮ ಆಶೀರ್ವಾದಗಳೂ ಫಲ ಕೊಡುತ್ತವೆ. ಆದರೆ ಮನಸ್ಸು ಗೊಂದಲದ ಗೂಡಾಗಿದ್ದರೆ, ಯಾವ ಬಯಕೆ ಈಡೇರಬೇಕು, ಯಾವುದಕ್ಕೆ ಆಶೀರ್ವಾದವನ್ನು ಪಡೆಯಬೇಕು ಎಂದೇ ತಿಳಿಯದಿದ್ದರೆ, ಅದು ಹೇಗೆ ಕೆಲಸ ಮಾಡುತ್ತದೆ? ಮನಸ್ಸು ಒಂದು ಗಣಕಯಂತ್ರದಂತೆ. ಇನ್ನೂ ಹೆಚ್ಚನ್ನು ಅದರೊಳಗೆ ಹಾಕಲಾಗದಿದ್ದಾಗ, ಅದರ ಡಿಪ್ರೋ ಗ್ರಾಮಿಂಗ್ ಮಾಡಬೇಕು. ನಿಮ್ಮ ಗಣಕಯಂತ್ರದ ಮೆಮೊರಿ ತುಂಬಿ ಹೋಗಿದ್ದರೆ, ಅದರೊಳಗೆ ಏನನ್ನು ತಾನೇ ಹಾಕಲು ಸಾಧ್ಯ? ಆಶೀರ್ವಾದಗಳಿಂದ ಜೀವನವೇ ಪರಿವರ್ತನೆಯಾಗುತ್ತದೆ. ನೀವು ನೀಡುವ ಆಶೀರ್ವಾದ ಫಲಿಸದಿದ್ದರೆ ಮೌನದಲ್ಲಿ ನಿಮ್ಮೊಳಗೆ ಇಳಿದು ಧ್ಯಾನ ಮಾಡಿ, ಖಾಲಿ ಮತ್ತು ಟೊಳ್ಳಾಗಿ, ನಿಮ್ಮಲ್ಲಿರುವ ಒತ್ತಡಗಳನ್ನೆಲ್ಲಾ, ಆಶಾಭಂಗವನ್ನೆಲ್ಲಾ ಧ್ಯಾನದ ಮೂಲಕ ನಿವಾರಿಸಿಕೊಳ್ಳಿ. ಆಗ ನೋಡಿ, ನೀವು ನೀಡುವ ಆಶೀರ್ವಾದ ಹೇಗೆ ಫಲೀಭೂತವಾಗುತ್ತದೆಂದು!
