ನವದೆಹಲಿ: ಯುನಿಫೈಡ್ ಪೇಮೆಂಟ್ಸ್ ಇಂಟರ್ಫೇಸ್ (ಯುಪಿಐ) ಮೂಲಕ ನಡೆಸಿದ ವಹಿವಾಟು ಮೇ ತಿಂಗಳಲ್ಲಿ 25.14 ಲಕ್ಷ ಕೋಟಿ ರೂ.ಗೆ ತಲುಪಿದ್ದು, ಅದರ ಹಿಂದಿನ ತಿಂಗಳಿಗೆ ಹೋಲಿಸಿದರೆ ಶೇ. 5ರಷ್ಟು ಬೆಳವಣಿಗೆ ಸಾಧಿಸಿದೆ ಎಂದು ನ್ಯಾಷನಲ್ ಪೇಮೆಂಟ್ಸ್ ಕಾರ್ಪೆರೇಷನ್ ಆಫ್ ಇಂಡಿಯಾ (ಎನ್ಸಿಪಿಐ) ತಿಳಿಸಿದೆ. ಏಪ್ರಿಲ್ನಲ್ಲಿ ಇದು 23.94 ಲಕ್ಷ ಕೋಟಿ ರೂ.ನಷ್ಟಿತ್ತು. ಏಪ್ರಿಲ್ನಲ್ಲಿ 1,789 ಕೋಟಿ ವಹಿವಾಟುಗಳಾಗಿದ್ದರೆ, ಮೇನಲ್ಲಿ ವಹಿವಾಟುಗಳ ಸಂಖ್ಯೆ 1,867 ಕೋಟಿಗೆ ಏರಿದೆ. ಕಳೆದ ವರ್ಷದ ಮೇ ತಿಂಗಳಲ್ಲಿ 20.44 ಲಕ್ಷ ಕೋಟಿ ರೂ. ವಹಿವಾಟು ಆಗಿತ್ತು. ಅದಕ್ಕೆ ಹೋಲಿಸಿದರೆ ವಾರ್ಷಿಕ ಲೆಕ್ಕದಲ್ಲಿ ಈ ಮೇ ತಿಂಗಳಿನ ವಹಿವಾಟು ಶೇ. 23ರಷ್ಟು ಏರಿಕೆಯಾದಂತಾಗಿದೆ.
