ಗಣೇಶ್ ದಾದಾಗೆ ಮನಸೋತ ಅಭಿಮಾನಿಗಳು; ವಿಜಯಾನಂದ ಚಿತ್ರದಲ್ಲಿ ವಿಭಿನ್ನ ಪಾತ್ರದಲ್ಲಿ ರವಿಚಂದ್ರನ್

ಡಾ. ವಿಜಯ ಸಂಕೇಶ್ವರ ಜೀವನಾಧಾರಿತ ‘ವಿಜಯಾನಂದ’ ಚಿತ್ರಕ್ಕೆ ಎಲ್ಲೆಡೆ ಉತ್ತಮ ರೆಸ್ಪಾನ್ಸ್ ದೊರೆತಿದೆ. ಕನ್ನಡಿಗರೇ ನಿರ್ವಿುಸಿರುವ, ಕನ್ನಡದ ಸಾಧಕನ ಕುರಿತ ಮೊಟ್ಟ ಮೊದಲ ಬಯೋಪಿಕ್​ಗೆ ವಿಶ್ವಾದ್ಯಂತ ಪ್ರೇಕ್ಷಕರು ಮನಸೋತಿದ್ದಾರೆ. ಸಿನಿಮಾ ವೀಕ್ಷಿಸಿದವರೆಲ್ಲರೂ ಚಿತ್ರದ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ. ಕನ್ನಡದ ಜತೆಗೆ ಹಿಂದಿ, ತೆಲುಗು, ತಮಿಳು ಹಾಗೂ ಮಲಯಾಳಂ ಭಾಷಿಕರೂ ಚಿತ್ರವನ್ನು ಅಪ್ಪಿಕೊಂಡಿದ್ದಾರೆ. ಕರ್ನಾಟಕ ಮಾತ್ರವಲ್ಲ, ಬೇರೆ ರಾಜ್ಯಗಳಲ್ಲಿ, ಬೇರೆ ಭಾಷೆಗಳಲ್ಲಿ, ಹೊರ ದೇಶಗಳಿಂದಲೂ ಸಿನಿಮಾ ಬಗ್ಗೆ ಒಳ್ಳೆಯ ಮಾತುಗಳು ಕೇಳಿಬರುತ್ತಿವೆ.

ಬೆಂಗಳೂರು: ವಿಆರ್​ಎಲ್ ಸಮೂಹ ಸಂಸ್ಥೆಗಳ ಎಂಡಿ ಡಾ. ಆನಂದ ಸಂಕೇಶ್ವರ, ವಿಆರ್​ಎಲ್ ಫಿಲಂ ಪ್ರೊಡಕ್ಷನ್ಸ್ ಲಾಂಛನದಲ್ಲಿ ನಿರ್ವಿುಸಿರುವ ಮೊದಲ ಚಿತ್ರ ‘ವಿಜಯಾನಂದ’. ರಿಷಿಕಾ ಶರ್ಮಾ ನಿರ್ದೇಶನದಲ್ಲಿ ಚಿತ್ರ ಮೂಡಿಬಂದಿದೆ. ಅದ್ಧೂರಿ ಮೇಕಿಂಗ್, ಗಟ್ಟಿ ಚಿತ್ರಕಥೆಗೆ ಪ್ರೇಕ್ಷಕರು ಸೈ ಎಂದಿದ್ದಾರೆ. ಹಿರಿಯ ನಟ ಅನಂತ್ ನಾಗ್, ರವಿಚಂದ್ರನ್, ಪ್ರಕಾಶ್ ಬೆಳವಾಡಿ, ವಿನಯಾ ಪ್ರಸಾದ್, ರಾಜೇಶ್ ನಟರಂಗ, ಸಿರಿ ಪ್ರಹ್ಲಾದ್, ನಿಹಾಲ್, ಕಾರ್ತಿಕ್ ಪತ್ತಾರ್, ನಟರಾಜ್, ಉಮೇಶ್ ಬಣಕಾರ್, ಭರತ್ ಬೋಪಣ್ಣ, ಅರ್ಚನಾ ಕೊಟ್ಟಿಗೆ ಸೇರಿದಂತೆ ಹಲವಾರು ದಿಗ್ಗಜರು, ಯುವಪ್ರತಿಭೆಗಳು ‘ವಿಜಯಾನಂದ’ ಚಿತ್ರದಲ್ಲಿ ನಟಿಸಿದ್ದಾರೆ.

ಅದರಲ್ಲೂ ರವಿಚಂದ್ರನ್ ಅವರ ಖಡಕ್ ‘ಗಣೇಶ್ ದಾದಾ’ ಪಾತ್ರ ಜನರಿಗೆ ಫೇವರಿಟ್ ಎನಿಸಿದೆ. ಅದಕ್ಕೆ ಕಾರಣ, ಇದುವರೆಗೆ ರವಿಚಂದ್ರನ್ ಬಯೋಪಿಕ್​ನಲ್ಲಿ ನಟಿಸಿಲ್ಲ. ‘ವಿಜಯಾನಂದ’ ಅವರು ನಟಿಸಿರುವ ಮಟ್ಟ ಮೊದಲ ನೈಜ ಜೀವನಾಧಾರಿತ ಚಿತ್ರವಾಗಿದ್ದು, ಅವರ ಪಾತ್ರವೂ ನಿಜ ವ್ಯಕ್ತಿಯಿಂದ ಸ್ಪೂರ್ತಿ ಪಡೆದಿದೆ. ತಲೆಗೆ ಬಟ್ಟೆ ಸುತ್ತಿಕೊಂಡು, ಪಠಾಣ್ ಸೂಟ್​ನಲ್ಲಿ, ಐಷಾರಾಮಿ ಕಾರ್​ನಿಂದ ಇಳಿದು ಬರುತ್ತಿದ್ದಂತೆಯೇ ಅಭಿಮಾನಿಗಳು ಶಿಳ್ಳೆ, ಚಪ್ಪಾಳೆ, ಜಯಘೋಷಗಳೊಂದಿಗೆ ತೆರೆಯ ಮೇಲೆ ಅವರನ್ನು ಸ್ವಾಗತಿಸುತ್ತಿದ್ದಾರೆ. ಡಾ. ವಿಜಯ ಸಂಕೇಶ್ವರ ಅವರು ಮೊದಲ ಲಾರಿ ಖರೀದಿಸಿ ಗದಗ ಮಾರುಕಟ್ಟೆಗೆ ಬರುವುದರಿಂದ ಹಿಡಿದು, ನಾಲ್ಕು ಲಾರಿ ಖರೀದಿಸಿ ಹುಬ್ಬಳ್ಳಿಯ ದೊಡ್ಡ ಮಾರುಕಟ್ಟೆಗೆ ಹೋಗುವವರೆಗೂ ಅವರ ಬೆಂಬಲವಾಗಿ ನಿಲ್ಲುವ ಪಾತ್ರದಲ್ಲಿ ರವಿಚಂದ್ರನ್ ನಟಿಸಿದ್ದಾರೆ. ರವಿಚಂದ್ರನ್ ಅವರ ವಿಶಿಷ್ಟ ಪಾತ್ರ, ಅದ್ಭುತ ಮ್ಯಾನರಿಸಂ ಮತ್ತು ಉತ್ತರ ಕರ್ನಾಟಕ ಶೈಲಿಯಲ್ಲಿ ಅವರ ಪಂಚಿಂಗ್ ಡೈಲಾಗ್ ಡೆಲಿವರಿಗೆ ಎಲ್ಲರೂ ಫಿದಾ ಆಗುತ್ತಿದ್ದಾರೆ.

ಅಮೆರಿಕ ಕನ್ನಡಿಗರ ಮೆಚ್ಚುಗೆ

https://www.vijayavani.net/arrest-all-the-accused-who-involved-in-assault-on-bakery-boys/

https://www.vijayavani.net/does-uttarakannada-will-get-divided-and-emerge-sirsi-as-district/