ರತನ್ ಟಾಟಾ ಅವರ ಮಲಸಹೋದರಿಯರಾದ ಶಿರೀನ್ ಮತ್ತು ಡಿಯಾನ್ ಜೇಜೀಭಾಯ್ ಅವರು ನೋಯೆಲ್ ಟಾಟಾ ಜತೆಗೆ ಈ ಟ್ರಸ್ಟ್ ಗಳಿಗೆ ಟ್ರಸ್ಟಿಯಾಗಿ ಸೇರ್ಪಡೆ ಆಗಲಿದ್ದಾರೆ. ಈ ಮೂಲಕ ಟಾಟಾ ಸಮೂಹ ಸಂಸ್ಥೆಗಳಲ್ಲಿ ಕುಟುಂಬದ ಪಾರಮ್ಯ ಮುಂದುವರಿಯಲಿದೆ ಎಂದು ವರದಿಯಾಗಿದೆ. ರತನ್ ಟಾಟಾ ಅವರ ಸಂಪತ್ತಿನ ಪಾಲನೆಗಾಗಿ ಇವೆರಡೂ ಟ್ರಸ್ಟ್ಗಳನ್ನು ಕಾನೂನುಬದ್ಧವಾಗಿ ಕೆಲವು ವರ್ಷಗಳ ಹಿಂದೆ ಸ್ಥಾಪಿಸಲಾಗಿತ್ತು. 2024ರ ಅಕ್ಟೋಬರ್ನಲ್ಲಿ ನಿಧನರಾದ ರತನ್, ಈ ಸಮೂಹದ ಹೋಲ್ಡಿಂಗ್ ಕಂಪನಿಯಾದ ಟಾಟಾ ಸನ್ಸ್ನಲ್ಲಿ ಶೇ. 0.83 ಪಾಲು ಹೊಂದಿದ್ದರಲ್ಲದೆ, ಟಾಟಾ ಡಿಜಿಟಲ್, ಟಾಟಾ ಮೋಟರ್ಸ್, ಟಾಟಾ ಟೆಕ್ನಾಲಜೀಸ್ನಲ್ಲೂ ಷೇರು ಹೊಂದಿದ್ದರು. ಆ ಷೇರುಗಳನ್ನು ವಿಲ್ನಲ್ಲಿ ಆರ್ಟಿಇಎಫ್ಗೆ ಬರೆದಿದ್ದಾರೆ. ಸ್ಟಾರ್ಟಪ್ಗಳಲ್ಲಿನ ಹೂಡಿಕೆಗಳು ಆರ್ಟಿಇಟಿಯಲ್ಲಿ ವಿಲೀನವಾಗುತ್ತವೆ ಇಲ್ಲವೇ ನೇರವಾಗಿ ಟ್ರಸ್ಟ್ಗೆ ವರ್ಗಾವಣೆಯಾಗುತ್ತವೆ.
