Rajkot food safety inspection: ಮೆಕ್ಡೊನಾಲ್ಡ್ಸ್ ಔಟ್ಲೆಟ್ವೊಂದರಲ್ಲಿ ಎರಡು ಇಲಿಗಳು ಟೇಬಲ್ಗಳು ಹಾಗೂ ಕುರ್ಚಿಗಳ ಮೇಲೆ ಓಡಾಡುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಇದರ ಬೆನ್ನಲ್ಲೇ ರಾಜ್ಕೋಟ್ ಮಹಾನಗರ ಪಾಲಿಕೆಯ ಆಹಾರ ವಿಭಾಗದ ಅಧಿಕಾರಿಗಳು ಔಟ್ಲೆಟ್ಗೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.
ಪಾಲಿಕೆಯ ಆರೋಗ್ಯಾಧಿಕಾರಿ ಜಯೇಶ್ ವಕಾನಿ ಅವರ ಪ್ರಕಾರ, ವೈರಲ್ ವಿಡಿಯೋವನ್ನು ಪರಿಶೀಲಿಸಿದಾಗ ಇಲಿಗಳು ಮೆಕ್ಡೊನಾಲ್ಡ್ಸ್ನ ಪಾರ್ಟಿ ಏರಿಯಾದಲ್ಲಿ ಓಡಾಡಿರುವುದು ಖಚಿತವಾಗಿದೆ. ಡೈನಿಂಗ್ ಮತ್ತು ಪಾರ್ಟಿ ವಿಭಾಗಗಳನ್ನು ಗಾಜಿನ ವಿಭಜನೆಯಿಂದ ಪ್ರತ್ಯೇಕಿಸಲಾಗಿದ್ದು, ಇಲಿಗಳು ಹೊರಗಿನಿಂದ ಒಳಗೆ ಬಂದಿರುವ ಸಾಧ್ಯತೆ ಇದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಮೆಕ್ಡೊನಾಲ್ಡ್ಸ್ಗೆ 3,000 ರೂ. ದಂಡ
ಪರಿಶೀಲನೆ ವೇಳೆ ದೊಡ್ಡ ಮಟ್ಟದ ಸ್ವಚ್ಛತಾ ಲೋಪ ಕಂಡುಬಂದಿಲ್ಲ. ಆದರೆ ಆಹಾರ ಮಳಿಗೆಗಳಲ್ಲಿ ಪರಿಣಾಮಕಾರಿ ಪೆಸ್ಟ್ ಕಂಟ್ರೋಲ್ ವ್ಯವಸ್ಥೆ ಇರಬೇಕು ಎಂದು ಅಧಿಕಾರಿಗಳು ಸೂಚಿಸಿದ್ದಾರೆ. ಈ ಹಿನ್ನೆಲೆಯಲ್ಲಿ ಔಟ್ಲೆಟ್ಗೆ 3,000 ರೂ. ಆಡಳಿತಾತ್ಮಕ ಶುಲ್ಕ ವಿಧಿಸಲಾಗಿದೆ.
