ಸಮಂತಾ ನಟಿಸಬೇಕಿದ್ದ ಸಿನಿಮಾ ಈಗ ರಶ್ಮಿಕಾ ಪಾಲು! ಯಾವ ಭಾಷೆಯ ಪ್ರಾಜೆಕ್ಟ್​ ಇದು? ಹೀಗಿದೆ ವರದಿ

ಮುಂಬೈ: ಪ್ರಸ್ತುತ ದಕ್ಷಿಣ ಭಾರತದ ಅತ್ಯಂತ ಯಶಸ್ವಿ ನಟಿಯರ ಪೈಕಿ ಮುಂಚೂಣಿಯಲ್ಲಿರುವ ಸೌತ್ ಬ್ಯೂಟಿ ರಶ್ಮಿಕಾ ಮಂದಣ್ಣ ಸದ್ಯ ಸಾಲು ಸಾಲು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದು, ಟಾಲಿವುಡ್​, ಬಾಲಿವುಡ್​ನ ಟಾಪ್ ನಟರ ಚಿತ್ರಗಳಿಗೆ ಹೀರೋಯಿನ್ ಆಗಿ ಆಯ್ಕೆಯಾಗುತ್ತಿದ್ದಾರೆ. ತಮ್ಮ ಚೊಚ್ಚಲ ಚಿತ್ರವನ್ನು ಕನ್ನಡದಿಂದ ಶುರುಮಾಡಿದ ರಶ್ಮಿಕಾ, ತೆಲುಗು ಚಿತ್ರರಂಗಕ್ಕೆ ಕಾಲಿಡುತ್ತಿದ್ದಂತೆ ಅಪಾರ ಜನಮನ್ನಣೆ ಗಳಿಸಿ, ಇಂದು ಹೆಸರಾಂತ ನಟಿಮಣಿಯರ ಸಾಲಿನಲ್ಲಿ ಮೊದಲಿಗರಾಗಿದ್ದಾರೆ.

ಇದನ್ನೂ ಓದಿ: *ಅಖಿಲ ಭಾರತ ಪೋಸ್ಟರ್ ಸ್ಪರ್ಧೆ : ಆದಿತ್‌ಗೆ ರಾಷ್ಟ್ರೀಯ ಪ್ರಶಸ್ತಿ

ಭಾರತೀಯ ಚಲನಚಿತ್ರೋದ್ಯಮದಲ್ಲಿ ತನ್ನದೇ ವಿಶೇಷ ಛಾಪು ಮೂಡಿಸಿರುವ ರಶ್ಮಿಕಾ, ಪ್ಯಾನ್ ಇಂಡಿಯಾ ಸಿನಿಮಾಗಳಲ್ಲಿ ಕಾಣಿಸಿಕೊಳ್ಳುತ್ತಿರುವುದು ಇದೀಗ ಅವರ ಅಭಿಮಾನಿಗಳಲ್ಲಿ ಭಾರೀ ಸಂತಸ ಉಂಟುಮಾಡಿದೆ. ಸ್ಟಾರ್​ ನಟರ ಚಿತ್ರಗಳಿಗೆ ರಶ್ಮಿಕಾನೇ ಮೊದಲ ಆಯ್ಕೆ ಎನ್ನುತ್ತಿರುವ ನಿರ್ದೇಶಕರು, ನಿರ್ಮಾಪಕರು ಇದೀಗ ಟಾಲಿವುಡ್​ ನಟಿ ಸಮಂತಾ ಅವರ ಜಾಗಕ್ಕೆ ರಶ್ಮಿಕಾರನ್ನು ತಂದಿರುವುದು ಸಿನಿಪ್ರಿಯರಲ್ಲಿ ಅಚ್ಚರಿ ಮೂಡಿಸಿದೆ.

ಬಾಲಿವುಡ್​ನಲ್ಲಿ 'ಅನಿಮಲ್' ಚಿತ್ರದ ಬಳಿಕ ಹೊಸ ಟ್ರೆಂಡ್ ಹುಟ್ಟುಹಾಕಿರುವ ರಶ್ಮಿಕಾ ಮಂದಣ್ಣ, ಇದೀಗ ಹಿಂದಿ ಭಾಷೆಯ ಹಾರರ್​-ಕಾಮಿಡಿ ಜಾನರ್​ನ ಸಿನಿಮಾಗೆ ನಾಯಕಿಯಾಗಿದ್ದಾರೆ. ವರದಿಗಳ ಪ್ರಕಾರ, ನಿರ್ಮಾಪಕರಾದ ದಿನೇಶ್ ವಿಜನ್ ಅವರ 'ವಾಂಪೈರ್ಸ್​ ಆಫ್ ವಿಜಯನಗರ' ಚಿತ್ರಕ್ಕೆ ಮೊದಲು ಸಮಂತಾರನ್ನು ನಾಯಕಿಯಾಗಿ ಆಯ್ಕೆ ಮಾಡಲಾಗಿತ್ತು. ಆದರೆ, ಕಾರಣಾಂತರಗಳಿಂದ ಇದೀಗ ಸ್ಯಾಮ್​ ಚಿತ್ರದಿಂದ ಹೊರನಡೆದಿದ್ದು, ಅವರ ಜಾಗದಲ್ಲಿ ರಶ್ಮಿಕಾ ಇರಲಿದ್ದಾರೆ ಎಂದು ವರದಿಯಾಗಿದೆ,(ಏಜೆನ್ಸೀಸ್).

https://www.vijayavani.net/this-t20-world-cup-is-final-for-virat-rohit/