ಬಲವಂತದ ಗಣಿಗಾರಿಕೆ: ಈ ಮಧ್ಯೆ, ಚೀನಾದ ಜಿನ್ಜಿಯಾಂಗ್ ಪ್ರದೇಶದಲ್ಲಿ ಅಪರೂಪದ ಖನಿಜಗಳ ಗಣಿಗಾರಿಕೆಯಲ್ಲಿ ಮುಸ್ಲಿಂ ಉಯ್ಘರ್ಗಳು ಮತ್ತು ಟರ್ಕಿಶ್ ಅಲ್ಪಸಂಖ್ಯಾತರನ್ನು ಜೀತದಾಳುಗಳಂತೆ ಬಲವಂತವಾಗಿ ದುಡಿಸಿ ಶೋಷಣೆ ಮಾಡಲಾಗುತ್ತಿದೆ ಎಂದು ನೆದರ್ಲ್ಯಾಂಡ್ಸ್ ಮೂಲದ ಗ್ಲೋಬಲ್ ರೈಟ್ಸ್ ಕಂಪ್ಲಯನ್ಸ್ ಆರೋಪಿಸಿದೆ. ಇಂತಹ ಸ್ಥಳದಿಂದ ತೆಗೆಯಲಾದ ಟೈಟಾನಿಯಮ್ ಅನ್ನು ಏವನ್, ವಾಲ್ಮಾರ್ಟ್, ನೆಸ್ಕೆಫೆ, ಕೋಕಾಕೋಲಾದಂತಹ ಪ್ರಸಿದ್ಧ ಕಂಪನಿಗಳು ಬಳಸುತ್ತಿವೆ. ಅಲ್ಲಿಂದ ತೆಗೆದ ಲೀಥಿಯಮ್ ಬೆರಿಲಿಯಮ್ ಮ್ಯಾಗ್ನೇಸಿಯಂ ಅನ್ನು 77 ಚೀನಾ ಕಂಪನಿಗಳು ಜಗತ್ತಿನ ವಿವಿಧ ದೇಶಗಳಿಗೆ ಪೂರೈಸುತ್ತಿವೆ. ವೈಮಾನಿಕ, ವಾಹನ ಮತ್ತು ರಕ್ಷಣಾ ಉದ್ಯಮಗಳಿಗೆ ಬೇಕಾದ ಬಿಡಿಭಾಗ, ಪೇಂಟ್, ಥರ್ವಸ್ ಕಪ್ಗಳ ತಯಾರಿಕೆಯಲ್ಲಿ ಈ ಅಪರೂಪದ ಖನಿಜಗಳನ್ನು ಬಳಸಿಕೊಳ್ಳಲಾಗುತ್ತಿದೆ. ಚೀನಾದಿಂದ ಇವುಗಳ ಖರೀದಿಯನ್ನು ಈ ಕಂಪನಿಗಳು ನಿಲ್ಲಿಸಬೇಕು ಎಂದು ಸಂಸ್ಥೆ ಆಗ್ರಹಿಸಿದೆ.
