ಡಿಸ್ನಿ ಕಾರ್ಟೂನ್​ ಪಾತ್ರವನ್ನೇ ಹೋಲುವ ಅಪರೂಪದ ಆಕ್ಟೋಪಸ್​ ಸಾಗರದ ಆಳದಲ್ಲಿ ಪತ್ತೆ ! ವಿಡಿಯೋ ವೈರಲ್​

ನವದೆಹಲಿ: ಡಿಸ್ನಿ ಕಾರ್ಟೂನ್​ ಪಾತ್ರವನ್ನೇ ಹೋಲುವ ಆಕ್ಟೋಪಸ್​ ಒಂದು ಉತ್ತರ ಪೆಸಿಫಿಕ್​ ಸಾಗರದಲ್ಲಿ ಪತ್ತೆಯಾಗಿದೆ. ಇವಿನಾಟಿಲ್ ನೇರಪ್ರಸಾರದ ವೇಳೆ ಈ ಡಂಬೋ ಆಕ್ಟೋಪಸ್​ ಕಾಣಸಿದೆ ಎಂದು ಬಿಬಿಸಿ ವರದಿ ಮಾಡಿದೆ.

ಯುನೈಟೆಡ್ ಸ್ಟೇಟ್ಸ್ ಆಫ್ ಅಮೆರಿಕದ ರಾಷ್ಟ್ರೀಯ ಸ್ಮಾರಕ ಪಾಪಹನುಮೊಕುಕಿಯಾ (PMNM) ಅನ್ವೇಷಣೆ ವೇಳೆ ಈ ಸಮುದ್ರ ಜೀವಿ ಪತ್ತೆಯಾಗಿದೆ. ದೂರದಿಂದಲೇ ಕಾರ್ಯನಿರ್ವಹಿಸುವ ಓಷನ್ ಎಕ್ಸ್‌ಪ್ಲೋರೇಷನ್ ಟ್ರಸ್ಟ್ ವಾಹನದಲ್ಲಿ ಅಳವಡಿಸಲಾಗಿರುವ ಆಳವಾದ ಸಮುದ್ರದ ಕ್ಯಾಮರಾದಿಂದ ಇದನ್ನು ಚಿತ್ರೀಕರಿಸಲಾಗಿದೆ.

ಇದೊಂದು ಅಪರೂಪದ ಆಕ್ಟೋಪಸ್​ ಆಗಿದ್ದು, 7 ಸಾವಿರ ಮೀಟರ್​ಗೂ ಅಧಿಕ ಆಳದಲ್ಲಿ ಇದು ಜೀವಿಸುತ್ತದೆ. ಇವುಗಳನ್ನು ಸಾಮಾನ್ಯವಾಗಿ ವಿಶ್ವದ ಅತ್ಯಂತ ಮೋಹಕವಾದ ಆಕ್ಟೋಪಸ್‌ಗಳು ಎಂದು ಕರೆಯಲ್ಪಡುತ್ತವೆ. ಏಕೆಂದರೆ ಇವುಗಳು 'ಡಂಬೋ ದಿ ಎಲಿಫೆಂಟ್' ನ ದೊಡ್ಡ ಕಿವಿಗಳಂತೆ ಕಾಣುವ ರೆಕ್ಕೆಗಳನ್ನು ಹೊಂದಿವೆ.

ಇದನ್ನೂ ಓದಿ: ‘ಲಿಂಗ ಬದಲಾವಣೆಗೆ ಒಳಗಾಗಲು ಬಯಸುತ್ತೇವೆ..’ ಪತ್ರ ಬರೆದ ಮಹಿಳಾ ಕಾನ್‌ಸ್ಟೆಬಲ್‌ಗಳು, ಇಕ್ಕಟ್ಟಿಗೆ ಸಿಲುಕಿದ ಅಧಿಕಾರಿಗಳು!

ಇವಿ ನಾಟಿಲಸ್ ಎಂಬ ಯೂಟ್ಯೂಬ್​ ಚಾನೆಲ್​ನಲ್ಲಿ ಸಾಗರ ಪರಿಶೋಧನೆಯ ನೇರಪ್ರಸಾರದ ವಿಡಿಯೋವನ್ನು ಪೋಸ್ಟ್​ ಮಾಡಲಾಗಿದೆ. ಲಿಟಲ್ ಹರ್ಕ್ಯುಲಸ್ ಎಂಬ ರಿಮೋಟ್ ಚಾಲಿತ ವಾಹನದಿಂದ ಸುಮಾರು 2,665 ಮೀಟರ್ ಆಳದಲ್ಲಿ ಆಕ್ಟೋಪಸ್​ ಈಜುತ್ತಿದೆ. ವಿಡಿಯೋದಲ್ಲಿ 24 ಸೆಕೆಂಡ್​ಗಳ ಕಾಲ ಆಕ್ಟೋಪಸ್​ ಕಾಣಿಸಿಕೊಂಡಿದೆ.

ಐಎಫ್​ಎಲ್​ ವಿಜ್ಞಾನದ ಪ್ರಕಾರ, ಭೂವಿಜ್ಞಾನದ ಜತೆಗೆ ಪ್ರದೇಶದಲ್ಲಿನ ಪ್ರಾಣಿಗಳ ಜಾತಿಗಳ ವಿತರಣಾ ಮಾದರಿಗಳನ್ನು ಅರ್ಥಮಾಡಿಕೊಳ್ಳಲು ಮಿಷನ್ ಅನ್ನು ಸಮುದ್ರಕ್ಕೆ ತುಂಬಾ ಆಳವಾಗಿ ಕಳುಹಿಸಲಾಗಿದೆ ಎಂದಿದೆ. PMNM ಯುನೈಟೆಡ್ ಸ್ಟೇಟ್ಸ್‌ನ ಅತಿದೊಡ್ಡ ಸಮುದ್ರ ಸಂರಕ್ಷಿತ ಪ್ರದೇಶವಾಗಿದೆ ಎಂದು ನಾಟಿಲಸ್ ಲೈವ್ ವೆಬ್‌ಸೈಟ್ ಹೇಳುತ್ತದೆ.

ಈ ವಿಶೇಷವಾದ ಆಕ್ಟೋಪಸ್ ಅನ್ನು ಕೊನೆಯದಾಗಿ 2020ರಲ್ಲಿ 2.5 ಕಿಲೋಮೀಟರ್ ಆಳದಲ್ಲಿ ನೋಡಲಾಯಿತು. ಇದೀಗ ಸಾಗರದ 7 ಕಿಲೋಮೀಟರ್ ಆಳದಲ್ಲಿ ಸೆಫಲೋಪಾಡ್ ಅನ್ನು ಗುರುತಿಸಲಾಗಿದೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ. (ಏಜೆನ್ಸೀಸ್​)

https://www.vijayavani.net/crab-laying-about-2-thousand-eggs-a-week

https://www.vijayavani.net/rajnath-singh-inducts-c-295-transport-aircraft-into-iaf

https://www.vijayavani.net/five-year-old-girl-donates-hair-to-cancer-stricken-woman