39 ಕೋಟಿ ರೂ. ಮದ್ಯ ವಶ: ಚುನಾವಣಾ ನೀತಿ ಸಂಹಿತೆ ಜಾರಿಗೆ ಬಂದ ಬಳಿಕ ಮಾ.4ರಿಂದ ಏ.4ರವರೆಗೆ ರಾಜ್ಯಾದ್ಯಂತ 39 ಕೋಟಿ ರೂ.ಮೌಲ್ಯದ 5,18,546 ಲೀಟರ್ ಮದ್ಯ ವಶಪಡಿಸಿಕೊಳ್ಳಲಾಗಿದೆ. 7,268 ಪ್ರಕರಣ ದಾಖಲಾಗಿದೆ. 1,351 ಗಂಭೀರ ಕೇಸ್ಗಳು ವರದಿಯಾಗಿವೆ. 5,823 ಮಂದಿಯನ್ನು ಬಂಧಿಸಲಾಗಿದೆ. 759 ವಾಹನಗಳನ್ನು ಜಪ್ತಿ ಮಾಡಲಾಗಿದೆ. ಕೃಷ್ಣರಾಜ, ದೇವದುರ್ಗ, ಹುಬ್ಬಳ್ಳಿ-ಧಾರವಾಡ ಪಶ್ಚಿಮ, ಚಾಮರಾಜಪೇಟೆ, ಕುಡಚಿ, ಧಾರವಾಡ, ಹೊಸದುರ್ಗ, ಬೆಳಗಾವಿ ದಕ್ಷಿಣ, ಅರಬಾವಿ, ರಾಜಾಜಿನಗರ, ಕಾರ್ಕಳ, ದಾವಣಗೆರೆ, ಎಚ್.ಡಿ.ಕೋಟೆ, ಮಂಗಳೂರು, ದಾವಣಗೆರೆ, ಗುಂಡ್ಲುಪೇಟೆ, ಚಾಮರಾಜನಗರ, ಯಲ್ಲಾಪುರ, ಬೆಳ್ತಂಗಡಿ, ಮಾಗಡಿ, ಶ್ರವಣಬೆಳಗೊಳ, ನೆಲಮಂಗಲ ಹಾಗೂ ಬೇಲೂರು ಸೇರಿ ರಾಜ್ಯದ ಇತರ ವಿಧಾನಸಭಾ ಕ್ಷೇತ್ರಗಳಲ್ಲಿ ಅಕ್ರಮ ಮದ್ಯ ಮಾರಾಟ ಸಂಬಂಧ ತಲಾ ಹತ್ತಾರು ಕೇಸ್ ದಾಖಲಾದರೆ, ಕೆಲ ಜಿಲ್ಲೆಗಳ ಕ್ಷೇತ್ರಗಳಲ್ಲಿ ನೂರಕ್ಕೂ ಹೆಚ್ಚು ಕೇಸ್ಗಳು ವರದಿಯಾಗಿವೆ.
