ಅಯೋಧ್ಯೆಯಲ್ಲಿ ಇಂದಿನಿಂದ ರಾಮೋತ್ಸವ ಆರಂಭ: ಮಾ.24ರವರೆಗೆ ವೈವಿಧ್ಯಮಯ ಕಾರ್ಯಕ್ರಮ, 35 ಸಾವಿರ ಕಲಾವಿದರು ಭಾಗಿ

ಅಯೋಧ್ಯೆ: ಜ.22 ರಂದು ಅಯೋಧ್ಯೆಯಲ್ಲಿ ರಾಮಲಲ್ಲಾ ಪ್ರತಿಷ್ಠಾಪನೆ ನಡೆಯಲಿದೆ. ಈ ಸಂದರ್ಭದಲ್ಲಿ ಇಡೀ ದೇಶದಲ್ಲಿ ಹಬ್ಬದ ವಾತಾವರಣವಿರಲಿದೆ. ಅಂದಹಾಗೆ ಇಂದಿನಿಂದ ಅಯೋಧ್ಯೆಯಲ್ಲಿ ರಾಮೋತ್ಸವ ಆರಂಭವಾಗಲಿದೆ. ಮಾರ್ಚ್ 24ರವರೆಗೆ ನಡೆಯಲಿರುವ ರಾಮೋತ್ಸವದಲ್ಲಿ ದೇಶ, ಜಗತ್ತಿನ 35 ಸಾವಿರ ಕಲಾವಿದರು ಭಾಗವಹಿಸಲಿದ್ದಾರೆ. ಇಂದಿನಿಂದ ರಾಮ್ ಕಥಾ ಪಾರ್ಕ್ ನಲ್ಲಿ ರಾಮ್ ಕಥಾ ಆರಂಭವಾಗಲಿದೆ. ರಾಮಲಲ್ಲಾ ಪ್ರಾಣ ಪ್ರತಿಷ್ಠಾಗೆ ಇನ್ನು 2 ವಾರಗಳಿಗಿಂತ ಕಡಿಮೆ ಸಮಯವಿರುವುದು ಗಮನಾರ್ಹ. ಅಯೋಧ್ಯೆಯಾದ್ಯಂತ ಈಗಾಗಲೇ ಹಬ್ಬದ ವಾತಾವರಣವಿದೆ.

ಅಯೋಧ್ಯೆಯಿಂದ ದೇಶದ ಮೂಲೆ ಮೂಲೆಗೂ ರಾಮ್ ಧುನ್ ಸದ್ದು ಕೇಳಿ ಬರುತ್ತಿದೆ. ಕೋಟ್ಯಾಂತರ ಸನಾತನ ಭಕ್ತರು ರಾಮಲಲ್ಲಾ ಭಕ್ತಿಯಲ್ಲಿ ಮಿಂದೇಳುತ್ತಿದ್ದಾರೆ. ಪ್ರಾಣ ಪ್ರತಿಷ್ಠಾಗೆ ಆಯ್ಕೆಯಾದ 121 ಪುರೋಹಿತರು ಅಯೋಧ್ಯೆಯನ್ನು ತಲುಪುತ್ತಿದ್ದಾರೆ. ದೇಶದ ಮೂಲೆ ಮೂಲೆಯಿಂದ ಈ ಪುರೋಹಿತರನ್ನು ಕರೆಸಲಾಗಿದೆ. ಇಂದಿನಿಂದ ಅಯೋಧ್ಯೆಯಲ್ಲಿ ರಾಮಕಥಾ ಮತ್ತು ಸಾಂಸ್ಕೃತಿಕ ಕಾರ್ಯಕ್ರಮಗಳ ಸರಣಿ ಆರಂಭವಾಗಲಿದೆ.

ವಾರಣಾಸಿಯಂತೆ ಅಯೋಧ್ಯೆಯ ಸರಯೂ ತೀರದಲ್ಲಿ ಇಂದಿನಿಂದ ಆರತಿಯನ್ನು ಆಯೋಜಿಸಲಾಗಿದೆ. ಈ ಅವಧಿಯಲ್ಲಿ ಭಾರತ ಮತ್ತು ವಿದೇಶಗಳ ಕಲಾವಿದರು ತಮ್ಮ ತಮ್ಮ ಕಲೆಗಳನ್ನು ಪ್ರದರ್ಶಿಸುತ್ತಾರೆ. ರಾಮೋತ್ಸವದಲ್ಲಿ 35 ಸಾವಿರ ಕಲಾವಿದರು ತಮ್ಮ ಪ್ರದರ್ಶನ ನೀಡಲಿದ್ದಾರೆ. ಇದರೊಂದಿಗೆ ಚಿನ್ಮಯಾನಂದ ಬಾಪು ಜಿ ಮಹಾರಾಜ್, ದೇವಕಿನಂದನ್ ಠಾಕೂರ್, ಸಾಧ್ವಿ ಋತಂಭರ ಸೇರಿದಂತೆ ಅನೇಕ ಹಿರಿಯ ಕಥೆಗಾರರು ರಾಮ ಕಥಾ ನಡೆಸಿಕೊಡಲಿದ್ದಾರೆ.

ಮೊದಲ ಕಥೆ ಇಂದಿನಿಂದ ಶುರು

ಮೊದಲ ಕಥಾ ಇಂದಿನಿಂದ ಆರಂಭವಾಗಲಿದ್ದು, ಜನವರಿ 14ರವರೆಗೆ ನಡೆಯಲಿದೆ. ರಾಮಕಥಾ ಪಾರ್ಕ್‌ನ ಕಗ್ಭುಸುಂಡಿ ವೇದಿಕೆಯಲ್ಲಿ ಚಿನ್ಮಯಾನಂದ ಬಾಪು ಅವರ ಕಥೆಯನ್ನು ನಿರೂಪಿಸುವರು. ದೇಶದ ಇತರ ಭಾಗಗಳಲ್ಲಿಯೂ ಜನರು ಶ್ರೀರಾಮನ ಭಕ್ತಿಯಲ್ಲಿ ಮುಳುಗಿದ್ದಾರೆ. ಈ ವರ್ಷ ಅಹಮದಾಬಾದ್‌ನಲ್ಲಿ ನಡೆಯುವ ಗಾಳಿಪಟ ಉತ್ಸವದಲ್ಲಿಯೂ ರಾಮಲಲ್ಲಾ ಇರುತ್ತಾರೆ. ಹೌದು, ಇಲ್ಲಿಯೂ ರಾಮಲಲ್ಲಾ ಅಗ್ರಸ್ಥಾನದಲ್ಲಿದ್ದಾರೆ. ಜನರು ರಾಮಲಲ್ಲಾ ಅವರ ಗಾಳಿಪಟಗಳನ್ನು ತಯಾರಿಸುತ್ತಾರೆ ಮತ್ತು ಅವುಗಳನ್ನು ಆಕಾಶದಲ್ಲಿ ಹಾರಿಸುತ್ತಾರೆ. ಸ್ವತಃ ಗುಜರಾತ್ ಸಿಎಂ ರಾಮಲಲ್ಲಾ ಅವರ ಗಾಳಿಪಟ ಹಾರಿಸುತ್ತಿದ್ದಾರೆ.

https://www.vijayavani.net/big-decision-in-bilkis-bano-case-supreme-court-canceled-the-release-of-the-culprits