ಅಣ್ಣನ ಆಶೀರ್ವಾದ ಪಡೆಯೋದಕ್ಕೆ ಬೆಂಗಳೂರಿಗೆ ಬಂದ್ರು ರಜಿನಿಕಾಂತ್​

ಬೆಂಗಳೂರು: ತಮಿಳು ಸೂಪರ್​ಸ್ಟಾರ್ ರಜಿನಿಕಾಂತ್​ ಹೊಸ ರಾಜಕೀಯ ಪಕ್ಷದೊಂದಿಗೆ ತಮಿಳುನಾಡು ರಾಜಕೀಯ ರಂಗ ಪ್ರವೇಶಕ್ಕೆ ವೇದಿಕೆ ಸಜ್ಜುಗೊಳಿಸಿದ್ದು, ಈ ತಿಂಗಳ ಕೊನೆಗೆ ಮಹತ್ವದ ಘೋಷಣೆ ಪ್ರಕಟಿಸುವುದಾಗಿ ಡಿಸೆಂಬರ್ 3ರಂದು ತಿಳಿಸಿದ್ದರು. ಇದರ ಬೆನ್ನಿಗೇ, ಅಣ್ಣನ ಆಶೀರ್ವಾದ ಪಡೆಯುವುದಕ್ಕೆ ಅವರು ಬೆಂಗಳೂರಿಗೆ ಆಗಮಿಸಿದ್ದರು.

ರಜಿನಿಕಾಂತ್ ಅವರು ಭಾನುವಾರ ರಾತ್ರಿ ಅಣ್ಣ ಸತ್ಯನಾರಾಯಣ ರಾವ್​ ಅವರ ನಿವಾಸಕ್ಕೆ ಆಗಮಿಸಿದ್ದರು. ಉಭಯಕುಶಲೋಪರಿ ಬಳಿಕ ಅಣ್ಣನ ಆಶೀರ್ವಾದವನ್ನೂ ಪಡೆದರು.ಅವರು ಆಶೀರ್ವಾದ ಪಡೆಯುತ್ತಿರುವ ಮತ್ತು ಅವರಿಗೆ ಅಣ್ಣ ಶಾಲು ಹೊದೆಸಿ ಶುಭಹಾರೈಸಿದ ಫೋಟೋಗಳು ಸೋಷಿಯಲ್ ಮೀಡಿಯದಲ್ಲಿ ವೈರಲ್ ಆಗಿವೆ.

ಇದನ್ನೂ ಓದಿ: ಹೊಸ ವರ್ಷ ಹೊಸ ಪಕ್ಷ, ಡಿಸೆಂಬರ್ 31ಕ್ಕೆ ಮಹತ್ವದ ಘೋಷಣೆ ಎಂದ ಸೂಪರ್​ ಸ್ಟಾರ್ ರಜಿನಿ !

ತಲೈವರ್ ಎಂದೇ ಅಭಿಮಾನಿಗಳಿಂದ ಕರೆಯಿಸಿಕೊಳ್ಳುತ್ತಿರುವ ರಜಿನಿಕಾಂತ್ ರಾಜಕೀಯ ಪ್ರವೇಶಕ್ಕೆ ಅಭಿಮಾನಿಗಳು ಬಹಳ ವರ್ಷಗಳಿಂದ ತವಕದೊಂದಿಗೆ ಕಾಯುತ್ತಿದ್ದಾರೆ.ಮುಂದಿನ ವರ್ಷ ಏಪ್ರಿಲ್​ -ಮೇ ತಿಂಗಳಲ್ಲಿ ನಡೆಯಲಿರುವ ವಿಧಾನಸಭಾ ಚುನಾವಣೆಯಲ್ಲಿ ಸ್ಪರ್ಧಿಸುವುದಾಗಿ ಘೋಷಿಸಿರುವ ಅವರು, ಪಕ್ಷ ಗೆಲ್ಲುವ ವಿಶ್ವಾಸವನ್ನೂ ವ್ಯಕ್ತಪಡಿಸಿದ್ದಾರೆ. (ಏಜೆನ್ಸೀಸ್)

ಕ್ಷಣ ಕ್ಷಣದ ಸುದ್ದಿಗಳ ಅಪ್ಡೇಟ್ಸ್​ಗಾಗಿ ನಮ್ಮ ಫೇಸ್​ಬುಕ್​ ಪುಟ ಲೈಕ್ ಮಾಡಿ ಮತ್ತು ಫಾಲೋ ಮಾಡಿ..

https://www.vijayavani.net/actor-vijayashanthi-joins-bjp-day-after-quitting-congress/