ಗುಡುಗು, ಮಿಂಚು ಸಹಿತ ಮಳೆ.. ಎರಡನೇ ದಿನವೂ ವಿಮಾನ ಸೇವೆ ವ್ಯತ್ಯಯ!

ಚೆನ್ನೈ: ಚೆನ್ನೈ ಮತ್ತು ಉಪನಗರಗಳಲ್ಲಿ ಎರಡನೇ ದಿನವಾದ ಬುಧವಾರವೂ ತಡರಾತ್ರಿ ತನಕ ಗುಡುಗು, ಮಿಂಚಿನ ಮಳೆಯಾಗಿದೆ.

ಇದನ್ನೂ ಓದಿ: ‘ವರ್ಕ್ ಫ್ರಮ್ ಹೋಮ್ ಹೋಟೆಲ್ ರೇಟಿಂಗ್’ ಹಗರಣದಲ್ಲಿ ನೋಯ್ಡಾ ವ್ಯಕ್ತಿಗೆ 20.54 ಲಕ್ಷ ರೂ. ವಂಚನೆ!

ಭಾರಿ ಮಳೆಯಾದ್ದರಿಂದ ನಗರದ ರಾಷ್ಟ್ರೀಯ ಮತ್ತು ಅಂತರಾಷ್ಟ್ರೀಯ ವಿಮಾನ ನಿಲ್ದಾಣಗಳಲ್ಲಿ ಟೇಕ್ ಆಫ್ ಆಗಬೇಕಿದ್ದ 26 ವಿಮಾನಗಳ ಸೇವೆಯಲ್ಲಿ ವ್ಯತ್ಯಯ ಉಂಟಾಗಿದೆ.

ಇದರಿಂದ ಪ್ರಯಾಣಿಕರಿಗೆ ತೊಂದರೆಯಾಯಿತು. ಹವಾಮಾನ ಬದಲಾವಣೆಯಿಂದಾಗಿ ನಗರದಲ್ಲಿ ರಾತ್ರಿಹೊತ್ತು ಭಾರಿ ಮಳೆಯಾಗುತ್ತಿದೆ. ಹೀಗಾಗಿ ಮುಂಜಾಗ್ರತಾ ಕ್ರಮವಾಗಿ ವಿದ್ಯುತ್ ಪೂರೈಕೆ ಸ್ಥಗಿತಗೊಳಿಸಲಾಗಿದೆ. ಇದರಿಂದ ನಗರದ ನಿವಾಸಿಗಳು ಪರದಾಡುತ್ತಿದ್ದಾರೆ.

ಬುಧವಾರ ಕೇರಳದ ಕೋಳಿಕೋಡ್‌ನಿಂದ 70 ಪ್ರಯಾಣಿಕರಿದ್ದ ವಿಮಾನ, ಇಂಡಿಗೋ ಏರ್‌ಲೈನ್ಸ್ ವಿಮಾನ ಮತ್ತು ಇತರ 12 ವಿಮಾನಗಳು ಲ್ಯಾಂಡ್ ಆಗಲು ವಿಫಲವಾಗಿ ಗಾಳಿಯಲ್ಲಿ ಸುತ್ತಿದವು.

ಅದೇ ರೀತಿ ಬೆಂಗಳೂರು, ಮಧುರೈ, ಮುಂಬೈ, ಕೋವೈ, ದೆಹಲಿ, ಹೈದರಾಬಾದ್, ಗೋವಾ, ವಾರಣಾಸಿ ಮತ್ತಿತರ ಸ್ಥಳಗಳಿಗೆ ವಿಮಾನ ಸೇವೆಯೂ ಸ್ಥಗಿತಗೊಂಡಿದೆ.

ಅಲ್ಲದೆ, ಪ್ರತಿಕೂಲ ಹವಾಮಾನದಿಂದಾಗಿ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ದುಬೈ, ಕುವೈತ್, ಸಿಂಗಾಪುರ, ಕೌಲಾಲಂಪುರ್, ಅಬುಧಾಬಿ, ಬ್ಯಾಂಕಾಕ್ ಮತ್ತು ಇತರ ದೇಶಗಳಿಗೆ ಇನ್ನೂ 14 ವಿಮಾನಗಳು ತಡರಾತ್ರಿ ಹೊರಟವು.

https://www.vijayavani.net/heartwarming-proposal-steals-the-spotlight-at-trooping-the-colour-ceremony