Bihar Election | ರಾಹುಲ್​, ತೇಜಸ್ವಿ ವಿಫಲ ಪ್ರಯೋಗದ ಸಂಕೇತಗಳು; ಫೇಲ್​ ಆದವರು ಅಳುತ್ತಲೇ ಇರುತ್ತಾರೆ ಅಂದಿದ್ಯಾಕೆ ಸಚಿವ ಪಿಯೂಷ್​ ಗೋಯಲ್​..?

Patna:ಬಿಹಾರ ವಿಧಾನಸಭೆಯ ಚುನಾವಣೆಗೆ (Bihar Election) ಕೇವಲ ನಾಲ್ಕು ದಿನ ಬಾಕಿ ಉಳಿದಿದ್ದು, ರಾಜಕೀಯ ಆರೋಪ ಪ್ರತ್ಯಾರೋಪಗಳು ಜೋರಾಗಿವೆ. ಲೋಕಸಭೆಯ ವಿಪಕ್ಷ ನಾಯಕ ರಾಹುಲ್ ಗಾಂಧಿ ಮತ್ತು ಮಹಾಘಟಬಂಧನದ ಮುಖ್ಯಮಂತ್ರಿ ಅಭ್ಯರ್ಥಿ ತೇಜಸ್ವಿ ಯಾದವ್ ವಿರುದ್ಧ ವಾಗ್ದಾಳಿ ನಡೆಸಿರುವ ಕೇಂದ್ರ ವಾಣಿಜ್ಯ ಸಚಿವ ಪಿಯೂಷ್ ಗೋಯಲ್, ಆ ಇಬ್ಬರು ನಾಯಕರು ವಿಫಲ ಪ್ರಯೋಗಗಳ ಸಂಕೇತಗಳು ಎಂದು ಟೀಕಿಸಿದ್ದಾರೆ.

ಎನ್‌ಡಿಟಿವಿಯ ಬಿಹಾರ ಪವರ್ ಪ್ಲೇ ಕಾರ್ಯಕ್ರಮದಲ್ಲಿ ಮಾತನಾಡಿದ ಗೋಯಲ್​, ಎನ್‌ಡಿಎ ತಮ್ಮ ಪ್ರಣಾಳಿಕೆಯನ್ನು ನಕಲು ಮಾಡಿದೆ ಎಂಬ ಆರ್‌ಜೆಡಿ ನಾಯಕರ ಆರೋಪಕ್ಕೆ ತಿರುಗೇಟು ನೀಡುತ್ತಾ, ಪರೀಕ್ಷೆಯಲ್ಲಿ ಅನುತ್ತೀರ್ಣರಾದವರು ಯಾವಾಗಲೂ ಅಳುತ್ತಲೇ ಇರುತ್ತಾರೆ. ಮಹಾಘಟಬಂಧನವು ವಿಫಲ ಪ್ರಯೋಗ. ರಾಹುಲ್ ಗಾಂಧಿ ಮತ್ತು ತೇಜಸ್ವಿ ಯಾದವ್ ವಿಫಲ ಪ್ರಯೋಗದ ಸಂಕೇತಗಳು ಎಂದು ಅವರು ಹೇಳಿದರು.

ಇದನ್ನೂ ಓದಿ:ವೆನೆಜುವೆಲಾ ಮೇಲೆ ದಾಳಿ ಮಾಡುವ ಯಾವುದೇ ಯೋಜನೆ ಅಮೆರಿಕಕ್ಕೆ ಇಲ್ಲ : ಡೊನಾಲ್ಡ್​ ಟ್ರಂಪ್ |Donald Trump

ಬಿಹಾರದ ಜನರು ಈಗ ಉದ್ಯೋಗ ಸೃಷ್ಟಿಕರ್ತರಾಗುತ್ತಿದ್ದಾರೆ, ಹಿಂದಿನ ಉದ್ಯೋಗ ದರದ ಸಂದರ್ಭದಲ್ಲಿ ನೀವು ನಿರುದ್ಯೋಗ ದರವನ್ನು ನೋಡಬೇಕು. ಇಂದಿನ ಯುವಕರು ಬಿಹಾರದಿಂದ ಹೊರಗೆ ಹೋಗುತ್ತಿಲ್ಲ, ಏಕೆಂದರೆ ಇಲ್ಲಿ ಸಂಪನ್ಮೂಲಗಳು ಸೃಷ್ಟಿಯಾಗುತ್ತಿವೆ ಎಂದು ಹೇಳಿದರು.

ಬಿಹಾರದಲ್ಲಿ ಈಗ ಇರುವಂತಹ ಮೂಲಸೌಕರ್ಯಗಳ ಬಗ್ಗೆ ಯಾರಿಗೂ ಕಲ್ಪನೆಯೂ ಇರಲಿಲ್ಲ. ಪಾಟ್ನಾಗೆ ಮೆಟ್ರೋ ರೈಲು ಸಿಗುತ್ತದೆ ಎಂದು ಯಾರೂ ಊಹಿಸಿರಲಿಲ್ಲ. ಅಲ್ಲಿ ಶಾಶ್ವತ ಅವ್ಯವಸ್ಥೆ ಇರುತ್ತಿತ್ತು. ನಗರ ಕೇಂದ್ರದ ಮಧ್ಯದಲ್ಲಿ ರೈಲ್ವೆ ಹಳಿಗಳಿದ್ದವು. ಈಗ ಫ್ಲೈಓವರ್‌ಗಳು ಮತ್ತು ಇತರ ಮೂಲಸೌಕರ್ಯ ಅಭಿವೃದ್ಧಿಗಳಿವೆ. ಬಿಹಾರ ಮುಂದುವರಿಯುತ್ತಿದೆ ಮತ್ತು ಅದು ಪ್ರಣಾಳಿಕೆಗೆ ಆಧಾರವಾಗಿದೆ ಎಂದರು. ಇಂದು ಬಿಹಾರದಲ್ಲಿ ಅವಕಾಶಗಳಿವೆ. ಹೆದ್ದಾರಿಗಳು ಮತ್ತು ಗ್ರಾಮೀಣ ರಸ್ತೆಗಳಿವೆ ಮತ್ತು ಬಡವರಿಗೆ ಮನೆಗಳು ಸಿಗುತ್ತಿವೆ. ಈ ವಿಷಯಗಳು ಅವಕಾಶಗಳು ಮತ್ತು ಉದ್ಯೋಗಗಳನ್ನು ತರುತ್ತವೆ. ಮೂಲಸೌಕರ್ಯಗಳಿದ್ದಾಗ, ಅದು ಅವಕಾಶವನ್ನು ಹೊತ್ತು ತರುತ್ತವೆ ಎಂದು ಹೇಳಿದರು.

ಇದನ್ನೂ ಓದಿ:ಪಾಕಿಸ್ತಾನಕ್ಕೆ ಕಾದಿದೆ ದೊಡ್ಡ ಗಂಡಾಂತರ! ಭಾರತದ ಆ ಒಂದು ಗಟ್ಟಿ ನಿರ್ಧಾರವೇ ಇಷ್ಟಕ್ಕೆಲ್ಲ ಕಾರಣ | Pakistan

ಮುಂದುವರೆದು ಮಾತನಾಡಿದ ಸಚಿವ ಗೋಯಲ್​, ನಾವು ಒಂದು ಕೋಟಿ ಉದ್ಯೋಗಗಳ ಭರವಸೆ ನೀಡಿದ್ದೇವೆ. ಇದರಲ್ಲಿ ಸರ್ಕಾರಿ ಮತ್ತು ಖಾಸಗಿ ಉದ್ಯೋಗಗಳು ಸೇರಿವೆ. ಇದು ಪ್ರಾಯೋಗಿಕ ಭರವಸೆಯಾಗಿದ್ದು, ಇದನ್ನು ಪೂರೈಸಬಹುದು. ತಾಂತ್ರಿಕ ಕಂಪನಿಗಳನ್ನು ಇಲ್ಲಿಗೆ ಹೇಗೆ ತರುವುದು ಮತ್ತು ಇಲ್ಲಿ ಕೈಗಾರಿಕಾ ಪಾರ್ಕ್‌ಗಳನ್ನು ಹೇಗೆ ರಚಿಸುವುದು ಎಂಬುದರ ಕುರಿತು ನಾವು ಯೋಜನೆಯನ್ನು ರೂಪಿಸಿದ್ದೇವೆ ಎಂದು ಮಾಹಿತಿ ನೀಡಿದರು.(ಏಜೆನ್ಸೀಸ್​)

https://www.vijayavani.net/bihar-election-tejashwi-yadav-confirms-multiple-deputy-cms-in-bihar-also-from-muslim-community