ಈಗಿನ ವ್ಯವಸ್ಥೆಯಲ್ಲಿ ತುಂಬಾ ಬದಲಾವಣೆ ಆಗಬೇಕು ಎಂಬ ಆಶಯ ವ್ಯಕ್ತಪಡಿಸಿರುವ ಅವರು, ನಾನು ಬದಲಾವಣೆಗಾಗಿ ಸರ್ಕಾರವನ್ನು ಕೇಳುತ್ತಿಲ್ಲ. ಆ ಬದಲಾವಣೆ ನಮ್ಮಲ್ಲೇ ಬರಬೇಕು, ನಮ್ಮಲ್ಲಿ ಆ ಬದಲಾವಣೆ ಮೊದಲು ಮೂಡಬೇಕು. ಅಪ್ಪುಗಾಗಿ ನಾವು ಏನು ಮಾಡಬೇಕು ಅಂತ ನಾನು ಇನ್ನೊಬ್ಬರಿಗೆ ಹೇಳುತ್ತಿಲ್ಲ. ನನ್ನನ್ನು ನಾನೇ ಕೇಳಿಕೊಳ್ಳುತ್ತಿದ್ದೇನೆ. ಅದನ್ನು ನಾವು ಮಾಡಿದರೆ ಮುಂದೆ ಅಪ್ಪು ಥರ ಇನ್ನೊಬ್ಬರನ್ನು ಕಳೆದುಕೊಳ್ಳುವುದು ತಪ್ಪುತ್ತದೆ. ನಾಳೆ ಹಾಗೆ ನಾಲ್ಕು ಜನ ಬದುಕುಳಿದರೆ ಆ ಪುಣ್ಯಾತ್ಮ ಹೋಗಿದ್ದಕ್ಕೆ ನಮ್ಮ ಅಣ್ಣ, ಮಗ, ತಮ್ಮ ಉಳಿದ ಅಂತ ಹಲವರು ಮಾತಾಡಿಕೊಳ್ಳುತ್ತಾರೆ ಎನ್ನುತ್ತ ಮುಂದೆ ಏನಾಗಬೇಕು, ಏನು ಮಾಡಬಹುದು ಎನ್ನುವ ಕುರಿತು ರಾಘಣ್ಣ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.
