ರಯೀಸ್​​ ಅಹ್ಮದ್​ ಭಟ್ ನಿಜವಾದ 'ಪಹಲ್ಗಾಮ್​ ಹೀರೋ'!: ದಾಳಿಯ ಸಂದರ್ಭದಲ್ಲಿ ಇತ ಮಾಡಿದ ಸಾಹಸ ಕೇಳಿದ್ರೆ ಅಚ್ಚರಿ ಪಡ್ತಿರಾ.. | Hero Of Pahalgam

Hero Of Pahalgam : ಇದೇ ಏ.22ರಂದು ಜಮ್ಮು-ಕಾಶ್ಮೀರದ ಪಹಲ್ಗಾಮ್​ನಲ್ಲಿ ನಡೆದ ಭಯೋತ್ಪಾದಕ ಭೀಕರ ದಾಳಿ ವೇಳೆ ತನ್ನ ಪ್ರಾಣವನ್ನು ಲೆಕ್ಕಿಸದೇ ದಾಳಿಯಲ್ಲಿ ಗಾಯಗೊಂಡಿದ್ದ ಪ್ರವಾಸಿಗರನ್ನು ಉಳಿಸುವಲ್ಲಿ ಸಾಹಸ ಮೇರೆದ ಸ್ಥಳೀಯ ನಿವಾಸಿ, ಪೋನಿ ಸ್ಟ್ಯಾಂಡ್ ಅಧ್ಯಕ್ಷ ರಯೀಸ್ ಅಹ್ಮದ್ ಭಟ್ ಅವರನ್ನು 'ಪಹಲ್ಗಾಮ್ ಹೀರೋ' ಎಂದು ಗೌರವಿಸಲಾಗುತ್ತಿದೆ.

ಹೌದು, ಭೀಕರ ದಾಳಿಯ ವೇಳೆ 5 ರಿಂದ 6 ಜನರ ಜೀವ ಉಳಿಸಿದ ರಯೀಸ್ ಅಹ್ಮದ್ ಭಟ್ ಇದೀಗ 'ಪಹಲ್ಗಾಮ್ ಹೀರೋ' ಆಗಿದ್ದಾರೆ.

ಇದನ್ನೂ ಓದಿ:ಮನೆ, ಮನಗಳನ್ನು ಬೆಳಗಿದವರು ಡಾ.ವೀರೇಂದ್ರ ಹೆಗ್ಗಡೆ; ಧರ್ಮದರ್ಶನ ದಲ್ಲಿ ಬೇಲಿಮಠದ ಸ್ವಾಮೀಜಿ ವ್ಯಾಖ್ಯಾನ

ದಾಳಿಯ ಸ್ಥಳದಲ್ಲಿ ದುರ್ಬಲರಾಗಿದ್ದ ಗಾಯಗೊಂಡ ಪ್ರವಾಸಿಗರಿಗೆ ಅವರು ತಮ್ಮ ಪ್ರಾಣವನ್ನು ಲೆಕ್ಕಿಸದೆ ಸಹಾಯ ಮಾಡಿದರು. ದಾಳಿಕೋರರು ಇಲ್ಲೇ ಇದ್ದು, ನಾವೂ ಸತ್ತರೆ ಪರವಾಗಿಲ್ಲ ಎಂದು ಭಾವಿಸಿ ಭಟ್ ಒಬ್ಬಂಟಿಯಾಗಿ ತಮ್ಮ ಕಚೇರಿಯಿಂದ ಪ್ರವಾಸಿಗರಿಗೆ ಸಹಾಯ ಮಾಡಲು ಬಂದರು. ಈ ಸಂದರ್ಭದಲ್ಲಿ 5 ಜನರ ಪ್ರಾಣ ಉಳಿಸಿದ್ದಾನೆ.

ದಾಳಿಯ ಸಂದರ್ಭದಲ್ಲಿ ಭಟ್​ ಮಾಡಿದ್ದೇನು..?

ಭಯೋತ್ಪಾದಕ ದಾಳಿಯ ಸ್ಥಳವನ್ನು ಅವರು ಸಮೀಪಿಸುತ್ತಿದ್ದಂತೆ, ಜನರು ಕೆಸರಿನಲ್ಲಿ ಬರಿಗಾಲಿನಲ್ಲಿ ಓಡುತ್ತಿದ್ದರು ಮತ್ತು ಸಹಾಯಕ್ಕಾಗಿ ಕಿರುಚುತ್ತಿದ್ದರು. ಈ ವೇಳೆ ಜನರನ್ನು ಸುರಕ್ಷಿತ ಸ್ಥಳಕ್ಕೆ ಕರೆದೊಯ್ಯುವತ್ತ ತಮ್ಮ ಗಮನವಿದೆ ಎಂದು ಅರಿತ ಭಟ್​, ಭಯಭೀತರಾಗಿ ಮತ್ತು ದಣಿದ ಪ್ರವಾಸಿಗರಿಗೆ ಬಾಯಾರಿಕೆ ನೀಗಿಸಲು ನೀರು ಕೊಡುವ ಮೂಲಕ ಸಹಾಯ ಮಾಡಿದರು. ನಾವು ಕಾಡಿನಿಂದ ಬರುತ್ತಿದ್ದ ನೀರು ಸರಬರಾಜಿನ ಪೈಪ್ ಒಡೆದು ಅವರಿಗೆ ನೀರು ಕೊಟ್ಟು, ಅವರನ್ನು ಸಮಾಧಾನಪಡಿದ್ದರು. ಅಲ್ಲದೆ, ಅವರಿಗೆ 'ಈಗ ನೀವು ಸುರಕ್ಷಿತ ಪ್ರದೇಶದಲ್ಲಿದ್ದೀರಿ' ಎಂದು ಹೇಳಿದ ಮೇಲೆ ಬದುಕುಳಿದವರು ನಿಟ್ಟುಸಿರು ಬಿಟ್ಟರು.

ಇದನ್ನೂ ಓದಿ:ಪಡುವಾರಹಳ್ಳಿಯ ಜನಹಿತ ವಿವಿಧೋದ್ದೇಶ ಸಹಕಾರ ಸಂಘದ ವತಿಯಿಂದ ಆರು ವಾಣಿಜ್ಯ ಮಳಿಗೆಗಳ ಉದ್ಘಾಟನೆ

ಪ್ರವಾಸಿಗರು ಭಯಭೀತರಾಗಿದ್ದರೂ ಸಹ, ಹಿಂಸಾಚಾರ ಪೀಡಿತ ಸ್ಥಳಕ್ಕೆ ಭೇಟಿ ನೀಡಲು ಹೆಚ್ಚಿನ ಸ್ಥಳೀಯ ಕುದುರೆ ಸವಾರರನ್ನು ಮನವೊಲಿಸಿದ್ದೇನೆ ಎಂದು ಭಟ್ ಹೇಳಿದರು. "ನಂತರ ನಾವು ಮುಂದೆ ಸಾಗುತ್ತಲೇ ಇದ್ದೆವು. ಅನೇಕ ಕುದುರೆ ಸವಾರರು ಭಯದಿಂದ ಕೆಳಗೆ ಬರುತ್ತಿದ್ದರು. ನಾನು ಅವರಲ್ಲಿ 5-10 ಜನರನ್ನು ನನ್ನೊಂದಿಗೆ ಹಿಂತಿರುಗಿ ಬರುವಂತೆ ಮನವೊಲಿಸಿದೆ. ಸ್ಥಳಕ್ಕೆ ತಲುಪಿದಾಗ, ಭಟ್ ಮೃತ ದೇಹವನ್ನು ನೋಡಿ ಆಘಾತಕ್ಕೊಳಗಾದರು ಮತ್ತು ಅವರ 35 ವರ್ಷಗಳ ಜೀವನದಲ್ಲಿ, ಪಹಲ್ಗಾಮ್‌ನಲ್ಲಿ ಇಂತಹ ಘಟನೆ ಎಂದಿಗೂ ಸಂಭವಿಸಿಲ್ಲ ಎಂದು ಮಾಧ್ಯಮ ಸಂದರ್ಶನವೊಂದಕ್ಕೆ ಹೇಳಿದ್ದಾರೆ.

ಇದನ್ನೂ ಓದಿ:ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್‌ನ ಕಾರ್ಯನಿರ್ವಾಹಕ ನಿರ್ದೇಶಕರಾಗಿ ಅನಂತ್​​ ಅಂಬಾನಿ ನೇಮಕ | Anant Ambani

"ನಾನು ಮೊದಲು ನೋಡಿದ್ದು ಮುಖ್ಯ ದ್ವಾರದಲ್ಲಿ, ಪ್ರವಾಸಿಗರು ಪ್ರವೇಶಿಸುವ ಪ್ರವೇಶ ದ್ವಾರದಲ್ಲಿ ಒಂದು ಶವ. ನನಗೆ ಆಘಾತವಾಯಿತು. ನಾನು ಒಳಗೆ ಹೋದಾಗ, ಎಲ್ಲೆಡೆ ಶವಗಳನ್ನು ನೋಡಿದೆ. ನಮ್ಮನ್ನು ಅಂಟಿಕೊಂಡು ತಮ್ಮ ಗಂಡಂದಿರನ್ನು ಉಳಿಸಲು ಬೇಡಿಕೊಂಡ ಮೂರು ಅಥವಾ ನಾಲ್ಕು ಮಹಿಳೆಯರು ಮಾತ್ರ ಇದ್ದರು. ಭಾರವಾದ ಹೃದಯದಿಂದ, ನಾವು ಒಳಗೆ ಬಲವಂತವಾಗಿ ಬಂದೆವು. ಆಗ ಮಧ್ಯಾಹ್ನ ಸುಮಾರು 3:20 ಆಗಿತ್ತು'' ಎಂದು ಭಟ್​ ಹೇಳಿದ್ದಾರೆ.(ಏಜೆನ್ಸೀಸ್​)

https://www.vijayavani.net/pakistani-man-seeks-stay-in-india-for-childrens-treatment

https://www.vijayavani.net/terrorist-hideout-detected-traffic-activities-banned-across-valley-state-thanks-terror-attack