ಕೆನಡಾ ಗರ್ಲ್​ಫ್ರೆಂಡ್ ಜತೆ ಬ್ರೇಕಪ್​ ಬೆನ್ನಲ್ಲೇ ಆಸ್ಟ್ರೇಲಿಯಾದ 27ರ ನಟಿ ಜತೆ 50ರ​ ಎಲಾನ್​ ಮಸ್ಕ್ ಡೇಟಿಂಗ್!

ನವದೆಹಲಿ: ಟೆಸ್ಲಾ ಕಂಪನಿಯ ಸಿಇಒ ಹಾಗೂ ವಿಶ್ವದ ಶ್ರೀಮಂತ ವ್ಯಕ್ತಿ ಎಲಾನ್​ ಮಸ್ಕ್ ಅವರು 27 ವರ್ಷದ ಆಸ್ಟ್ರೇಲಿಯಾ ಮೂಲದ ನಟಿ ನತಾಶಾ ಬಾಸ್ಸೆಟ್​ ಜತೆ ಡೇಟಿಂಗ್​ ನಡೆಸುತ್ತಿದ್ದಾರೆ ಎಂಬ ವಿಚಾರ ಇದೀಗ ಬೆಳಕಿಗೆ ಬಂದಿದೆ.

ಎಲಾನ್​ ಮಸ್ಕ್​ ಅವರು ಕೆಲವೇ ತಿಂಗಳುಗಳ ಹಿಂದೆ ತಮ್ಮ ಗರ್ಲ್​ಫ್ರೆಂಡ್​ ಕೆನಡಾ ಮೂಲದ ಗಾಯಕಿ ಗ್ರಿಮ್ಸ್​ನಿಂದ ಬ್ರೇಕಪ್​ ಮಾಡಿಕೊಂಡಿದ್ದಾರೆ. ಇದೀಗ ನತಾಶಾ ಜತೆ ಡೇಟಿಂಗ್​ ಮಾಡುತ್ತಿರುವುದಾಗಿ ವರದಿಯಾಗಿದೆ. ಫೆ. 17ರಂದು ಇಬ್ಬರು ಜತೆಗಿರುವ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆದ ಬಳಿಕ ಈ ಸುದ್ದಿ ಹರಿದಾಡುತ್ತಿದೆ.

ಕೆಲವು ದಿನಗಳಿಂದ ಇಬ್ಬರು ಒಬ್ಬರನೊಬ್ಬರನ್ನು ನೋಡುತ್ತಿದ್ದರು ಎಂದು ಹೇಳಲಾಗಿದೆ. ಆರಂಭದಲ್ಲಿ ಫ್ರೆಂಡ್ಸ್​ ಆಗಿದ್ದ ಇಬ್ಬರು, ಗ್ರಿಮ್ಸ್​ ಜತೆ ಎಲಾನ್​ ಮಸ್ಕ್​ ಬ್ರೇಕಪ್​ ಮಾಡಿಕೊಂಡ ಬೆನ್ನಲ್ಲೇ ತಮ್ಮ ಸಂಬಂಧವನ್ನು ರೊಮ್ಯಾಂಟಿಕ್​ಗೆ ಬದಲಿಸಿದ್ದಾರೆ. ನಟಿ ನತಾಶಾ ಮುಂಬರುವ ಅಮೆರಿಕನ್​ ಗಾಯಕ ಮತ್ತು ನಟ ಎಲ್ವಿಸ್​ ಪ್ರಿಸ್ಲಿಯ ಜೀವನ ಆಧಾರಿತ ಚಿತ್ರದಲ್ಲಿ ಎಲ್ವಿಸ್ ಪ್ರೀಸ್ಲಿಯ ಮೊದಲ ಗೆಳತಿ ಡಿಕ್ಸಿ ಲಾಕ್ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

ಅಂದಹಾಗೆ ಎಲಾನ್​ ಮಸ್ಕ್​ ಅವರು 2021ರ ಸೆಪ್ಟೆಂಬರ್​ನಲ್ಲಿ ಕೆನಡಿಯನ್​ ಸಿಂಗರ್​ ಗ್ರಿಮ್ಸ್​ ಜತೆ ಬ್ರೇಕಪ್​ ಮಾಡಿಕೊಂಡರು. ಇಬ್ಬರಿಗೆ X AE A-Xii ಹೆಸರಿನ ಒಂದು ವರ್ಷದ ಓರ್ವ ಪುತ್ರನಿದ್ದಾನೆ. ಇನ್ನು ಮೊದಲ ಪತ್ನಿ ಲೇಖಕಿ ಜಸ್ಟಿನ್​ ಮಸ್ಕ್ ಜತೆ​ 2008ರಲ್ಲೇ ಡಿವೋರ್ಸ್​ ಮಾಡಿಕೊಂಡಿದ್ದು, ಇವರಿಗೆ ಐವರು ಗಂಡು ಮಕ್ಕಳಿದ್ದಾರೆ. ಇದಲ್ಲದೆ, ಬ್ರಿಟಿಷ್​ ನಟಿ ತಲುಲಾಹ್​ ರಿಲೆ ಜತೆ ಎರಡು ಬಾರಿ ಎಲಾನ್​ ಮಸ್ಕ್​ ವಿವಾಹವಾಗಿದ್ದರು. (ಏಜೆನ್ಸೀಸ್​)

https://www.vijayavani.net/r-ukraine-russia-conflict-ukraine-russia-war-ukraine-crisis-karnataka-students-raichur-ukraine-russia-vladimir-putin/

https://www.vijayavani.net/share-market-shook-world-wide/

https://www.vijayavani.net/r-pm-modi-dials-putin-calls-for-immediate-end-to-violence-in-ukraine/