ಕಾಬುಲ್​ನಿಂದ ಹೊರಟ ಉಕ್ರೇನಿಯನ್​ ವಿಮಾನ ಹೈಜಾಕ್! ಉಗ್ರರು ವಿಮಾನ ಕೊಂಡೊಯ್ದಿದ್ದು ಎಲ್ಲಿಗೆ?​

ಕೈವ್​: ಆಫ್ಘಾನಿಸ್ತಾನ ನೆಲದಲ್ಲಿ ತಾಲಿಬಾನ್​ ಉಗ್ರರ ಅಟ್ಟಹಾಸ ಮುಂದುವರಿದಿದ್ದು, ಕಾಬುಲ್​ನಿಂದ ಉಕ್ರೇನಿಯನ್​ ನಿವಾಸಿಗಳನ್ನು ಕರೆದೊಯ್ಯುತ್ತಿದ್ದ ಉಕ್ರೇನ್​ ವಿಮಾನವನ್ನೇ ತಾಲಿಬಾನಿಗಳು ಹೈಜಾಕ್​ ಮಾಡಿದ್ದಾರೆ. ಹೈಜಾಕ್​ ಮಾಡಿದ ವಿಮಾನವನ್ನು ಇರಾನ್​ಗೆ ಹಾರಿಸಿಕೊಂಡು ಹೋಗಿದ್ದಾರೆಂದು ಉಕ್ರೇನ್​ನ ಉಪ ವಿದೇಶಾಂಗ ಸಚಿವ ಯೆವ್ಗೆನಿ ಯೆನಿನ್ ಮಂಗಳವಾರ ತಿಳಿಸಿದ್ದಾರೆ.

ಕಳೆದ ಭಾನುವಾರ ನಮ್ಮ ವಿಮಾನವನ್ನು ಕೆಲವು ಮಂದಿ ಹೈಜಾಕ್​ ಮಾಡಿದ್ದಾರೆ. ಪ್ರಯಾಣಿಕರ ಸೋಗಿನಲ್ಲಿದ್ದ ಅಪರಿಚಿತ ಗುಂಪುಗಳು ಉಕ್ರೇನಿಯನ್ನರನ್ನು ಏರ್ ಲಿಫ್ಟಿಂಗ್ ಮಾಡುವ ಬದಲು ವಿಮಾನವನ್ನು ಇರಾನ್​ಗೆ ಹಾರಿಸಿಕೊಂಡು ಹೋಗಿದ್ದಾರೆ. ಅಲ್ಲದೆ, ನಮ್ಮ ಜನರು ವಿಮಾನ ನಿಲ್ದಾಣಕ್ಕೆ ಬರಲು ಸಾಧ್ಯವಾಗದೇ, ನಮ್ಮ ಮುಂದಿನ ಮೂರು ಸ್ಥಳಾಂತರಿಸುವ ಪ್ರಯತ್ನಗಳು ಕೂಡ ಯಶಸ್ವಿಯಾಗಲಿಲ್ಲ ಎಂದು ಯೆವ್ಗೆನಿ ಯೆನಿನ್ ಹೇಳಿದರು.

ಹೈಜಾಕ್​ ಮಾಡಿದವರು ಶಸ್ತ್ರಸಜ್ಜಿತರಾಗಿದ್ದರು ಎಂದಿರುವ ಯವ್ಗೆನಿ, ವಿಮಾನಕ್ಕೆ ಏನಾಯಿತು ಅಥವಾ ಕೈವ್ ಅದನ್ನು ಮರಳಿ ಪಡೆಯಲು ಪ್ರಯತ್ನಿಸುತ್ತಿದ್ದಾರೆಯೇ ಅಥವಾ ಉಕ್ರೇನಿಯನ್ ಪ್ರಜೆಗಳು ಕಾಬೂಲ್‌ನಿಂದ ಹೇಗೆ ಮರಳಿ ಬಂದರು ಎಂಬುದರ ಬಗ್ಗೆ ಮಾಹಿತಿ ನೀಡಿಲ್ಲ. ವಿದೇಶಾಂಗ ಸಚಿವ ಡಿಮಿಟ್ರಿ ಕುಲೆಬಾ ನೇತೃತ್ವದ ಇಡೀ ರಾಜತಾಂತ್ರಿಕ ಸೇವೆಯು ಇಡೀ ವಾರ ಕಾರ್ಯನಿರ್ವಹಿಸುತ್ತಿದೆ ಎಂದು ಮಾತ್ರ ಯೆವ್ಗೆನಿ ಒತ್ತಿ ಹೇಳಿದರು.

ಭಾನುವಾರ, 31 ಉಕ್ರೇನಿಯನ್ನರು ಸೇರಿದಂತೆ 83 ಜನರೊಂದಿಗೆ ಮಿಲಿಟರಿ ಸಾರಿಗೆ ವಿಮಾನವು ಅಫ್ಘಾನಿಸ್ತಾನದಿಂದ ಕೈವ್‌ಗೆ ಬಂದಿತು. 12 ಉಕ್ರೇನಿಯನ್ ಸೇನಾ ಸಿಬ್ಬಂದಿ ಮನೆಗೆ ಮರಳಿದ್ದಾರೆ ಎಂದು ಅಧ್ಯಕ್ಷೀಯ ಕಚೇರಿ ವರದಿ ಮಾಡಿದೆ. ಆದರೆ ವಿದೇಶಿ ವರದಿಗಾರರು ಮತ್ತು ಸಹಾಯ ಕೋರಿದ ಸಾರ್ವಜನಿಕ ವ್ಯಕ್ತಿಗಳನ್ನು ಸಹ ಸ್ಥಳಾಂತರಿಸಲಾಗಿದೆ. ಸುಮಾರು 100 ಉಕ್ರೇನಿಯನ್ನರು ಇನ್ನೂ ಅಫ್ಘಾನಿಸ್ತಾನದಲ್ಲಿ ಸ್ಥಳಾಂತರಗೊಳ್ಳುವ ನಿರೀಕ್ಷೆಯಲ್ಲಿದ್ದಾರೆ ಎಂದು ಕಚೇರಿಯು ತಿಳಿಸಿದೆ.

https://www.vijayavani.net/s-russian-model-case/

https://www.vijayavani.net/r-car-accident-leads-to-deaths-of-four-police-constables-on-national-highway-in-srikakulam/

https://www.vijayavani.net/s-swetter-for-students-actor-komal-is-accusing/