ಲೈವ್​ ವಿಡಿಯೋ ಮಾಡುತ್ತಾ ಆತ್ಮಹತ್ಯೆಗೆ ಯತ್ನಿಸಿದ ಮಾಜಿ ಮಿಸ್​ ತೆಲಂಗಾಣ ಬಚಾವ್​ ಆಗಿದ್ದೇ ರೋಚಕ!

ಹೈದರಾಬಾದ್​: ಮಾಜಿ ಮಿಸ್​ ತೆಲಂಗಾಣ ಆತ್ಮಹತ್ಯೆಗೆ ಯತ್ನಿಸಿದ ಘಟನೆ ಗುರುವಾರ ನಡೆದಿದೆ. ಸಾಮಾಜಿಕ ಜಾಲತಾಣದಲ್ಲಿ ಲೈವ್​ ವಿಡಿಯೋ ಹರಿಬಿಟ್ಟು ಆತ್ಮಹತ್ಯೆಗೆ ಯತ್ನಿಸಿದ್ದು, ಪೊಲೀಸರ ತಕ್ಷಣದ ಸ್ಪಂದನೆಯಿಂದ ತೆಲಂಗಾಣ ಸುಂದರಿಯ ಪ್ರಾಣ ಉಳಿದಿದೆ.

ಯುವತಿಯನ್ನು ಹಸಿನಿ ಎಂದು ಗುರುತಿಸಲಾಗಿದೆ. ಲೈವ್​ ವಿಡಿಯೋವನ್ನು ನೋಡಿದ ಆಕೆಯ ಫ್ರೆಂಡ್ಸ್​ ತಕ್ಷಣ ಪೊಲೀಸ್​ ಕಂಟ್ರೋಲ್​ ರೂಮ್​ ನಂ. 100ಕ್ಕೆ ಕರೆ ಮಾಡಿ ಮಾಹಿತಿ ನೀಡಿದ್ದಾರೆ. ತಕ್ಷಣ ಕಾರ್ಯಪ್ರವೃತ್ತರಾದ ನಾರಾಯಣಗುಡ ಪೊಲೀಸರು ಆಕೆಯ ಸ್ಥಳಕ್ಕೆ ಧಾವಿಸಿ, ಸಾವಿನ ದವಡೆಯಿಂದ ಪಾರು ಮಾಡಿದ್ದಾರೆ.

ಹಸಿನಿ ಅವರು ಹೈದರಾಬಾದ್​ನ ಹಿಮಾಯತ್​ನಗರದ 6ನೇ ರಸ್ತೆಯಲ್ಲಿರುವ ಅಪಾರ್ಟ್​ಮೆಂಟ್​ನಲ್ಲಿ ವಾಸವಿದ್ದಾರೆ. ರಕ್ಷಣೆಯ ಬೆನ್ನಲ್ಲೇ ಆಕೆಯನ್ನು ಹೈದರ್​ಗುಡದಲ್ಲಿರುವ ಅಪೊಲೊ ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಚಿಕಿತ್ಸೆ ಮುಂದುವರಿದಿದೆ.

ಮಾಡೆಲ್​ ಆಗಿರುವ ಹಸಿನಿ, 2018ರಲ್ಲಿ ಮಿಸ್​ ತೆಲಂಗಾಣ ಕಿರೀಟವನ್ನು ಮುಡಿಗೇರಿಸಿಕೊಂಡಿದ್ದಾರೆ. ಇತ್ತೀಚೆಗಷ್ಟೇ ಯುವಕನೊಬ್ಬನ ವಿರುದ್ಧ ಹಸಿನಿ, ಲೈಂಗಿಕ ದೌರ್ಜನ್ಯ ನೀಡಿದ್ದಾನೆಂದು ಆರೋಪಿಸಿ ಜುಬಿಲಿ ಹಿಲ್ಸ್​ ಪೊಲೀಸ್​ ಠಾಣೆಯಲ್ಲಿ ದೂರು ದಾಖಲಿಸಿದ್ದರು.

ಸದ್ಯ ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ಹಸಿನಿ ಆತ್ಮಹತ್ಯೆಗೆ ಕಾರಣ ಏನೆಂದು ಹುಡುಕುವ ಪ್ರಯತ್ನದಲ್ಲಿದ್ದಾರೆ. ಯುವಕನ ವಿರುದ್ಧ ದೂರು ದಾಖಲಿಸಿದ ಕೆಲವೇ ದಿನಗಳಲ್ಲಿ ಆಕೆ ಆತ್ಮಹತ್ಯೆಗೆ ಯತ್ನಿಸಿರುವುದು ಅನುಮಾನಕ್ಕೆ ಎಡೆಮಾಡಿಕೊಟ್ಟಿದ್ದು, ಪೊಲೀಸರು ತನಿಖೆ ಮುಂದುವರಿಸಿದ್ದಾರೆ. (ಏಜೆನ್ಸೀಸ್​)

https://www.vijayavani.net/r-kerala-a-girl-gives-birth-to-a-baby-with-the-help-of-a-youtube-video/

https://www.vijayavani.net/r-who-is-hamiza-mukhtar-babar-azam-girlfriend-affairs-biography-age/

https://www.vijayavani.net/r-tragedy-he-showed-courage-in-marriage-he-could-not-show-courage-in-life/

https://www.vijayavani.net/r-chethan-kumar-bahaddur-chethan-appu-fan-puneeth-rajkumar-fan-death-note-social-media/