ಇಸ್ಲಮಾಬಾದ್: ಟಿ20 ವಿಶ್ವಕಪ್ ಪಂದ್ಯದ ಮೊದಲ ಪಂದ್ಯದಲ್ಲೇ ಸಾಂಪ್ರದಾಯಿಕ ಎದುರಾಳಿ ಭಾರತದ ವಿರುದ್ಧ ಗೆಲುವು ಸಾಧಿಸಿದ ಖುಷಿಯಲ್ಲಿ ಪಾಕಿಸ್ತಾನ ತೇಲಾಡುತ್ತಿದೆ. ಅದರಲ್ಲೂ ಪಾಕ್ ತಂಡದ ನಾಯಕ ಬಾಬರ್ ಅಜಾಮ್ ಬಗ್ಗೆ ಮೆಚ್ಚುಗೆಯ ಮಹಾಪೂರವೇ ಹರಿದಾಡುತ್ತಿದೆ. ಅಲ್ಲದೆ, ಅವರನ್ನು ಹೀರೋ ಎಂದು ಬಿಂಬಿಸಲಾಗುತ್ತಿದೆ. ಆದರೆ, ಇದೇ ಸಂದರ್ಭದಲ್ಲಿ ಅವರ ವಿರುದ್ಧದ ಗಂಭೀರ ಆರೋಪ ಮುನ್ನೆಲೆಗೆ ಬಂದಿದ್ದು, ಹೀರೋ ಅಲ್ಲ ಖಳನಾಯಕ ಎಂದು ಯುವತಿಯೊಬ್ಬಳು ಆರೋಪಿಸಿದ್ದಾಳೆ.
ಹಮೀಜಾ ಮುಕ್ತಾರ್, ಈ ಹೆಸರು ಪಾಕ್ನಲ್ಲಿ ಇದೀಗ ಕೋಲಾಹಲ ಸೃಷ್ಟಿಸಿದೆ. ಒಂದೆಡೆ ಪಾಕ್ ವಿಜಯೋತ್ಸವದ ಅಮಲಿನಲ್ಲಿದ್ದರೆ, ಅವರ ತಂಡದ ನಾಯಕನಿಗೆ ಮುಕ್ತಾರ್ ಬಿಸಿ ತುಪ್ಪವಾಗಿ ಪರಿಣಮಿಸಿದ್ದಾರೆ. ಬಾಬರ್ ಅವರ ವಿರುದ್ಧ ಬಹು ದಿನಗಳ ಹಿಂದೆಯೇ ಮುಕ್ತಾರ್ ಮಾಡಿದ್ದ ಗಂಭೀರ ಆರೋಪ ಮತ್ತೆ ಮುನ್ನೆಲೆ ಬಂದಿದೆ. ತನ್ನನ್ನು ತಾನು ಬಾಬರ್ ಗರ್ಲ್ಫ್ರೆಂಡ್ ಎಂದು ಹೇಳಿಕೊಂಡಿರುವ ಮುಕ್ತಾರ್, ನನ್ನನ್ನು ಲೈಂಗಿಕವಾಗಿ ಬಳಸಿಕೊಂಡು ಬಲವಂತವಾಗಿ ಗರ್ಭಪಾತ ಮಾಡಿಸಿದ್ದಾರೆಂದು ಆರೋಪ ಮಾಡಿದ್ದಾರೆ.
ಏನಿದು ಪ್ರಕರಣ?
ಪಾಕ್ ನಾಯಕನಾಗಿ ಅನೇಕ ಪಂದ್ಯಗಳನ್ನು ಗೆಲ್ಲಿಸಿಕೊಟ್ಟಿರುವ ಬಾಬಾರ್ ಪಾಕ್ ಪಾಲಿಗೆ ಸದ್ಯ ಹೀರೋ ಆಗಿದ್ದಾರೆ. ಆದರೆ, ಕೆಲವರ್ಷಗಳ ಹಿಂದೆಯೇ ಬಾಬರ್ ವಿವಾದ ಒಂದಕ್ಕೆ ಸಿಲುಕಿದ್ದಾರೆ. ಬಾಬರ್ ಸುದ್ದಿಯಾದಗಲೆಲ್ಲ ಅವರ ಮೇಲಿನ ಗಂಭೀರ ಆರೋಪವೂ ಕೂಡ ಸುದ್ದಿಯಾಗುತ್ತಲೇ ಇರುತ್ತದೆ. ಮದುವೆ ಹೆಸರಲ್ಲಿ ನಂಬಿಸಿ, ಲೈಂಗಿಕವಾಗಿ ಬಳಸಿಕೊಂಡು ಬಲವಂತವಾಗಿ ಗರ್ಭಪಾತ ಮಾಡಿಸಿದ್ದಾರೆ ಎಂದು ಕೈಯಲ್ಲಿ ಕುರಾನ್ ಹಿಡಿದು ಯುವತಿ ಆರೋಪಿಸಿದ್ದಾಳೆ. ಇದಿಷ್ಟು ಮಾಹಿತಿಯನ್ನು ಪಾಕ್ ಮಾಧ್ಯಮ ಸಂದರ್ಶನದಲ್ಲಿ ಮುಕ್ತಾರ್ ಮುಕ್ತವಾಗಿ ಹೇಳಿಕೊಂಡಿದ್ದಾರೆ. ಅಲ್ಲದೆ, ಬಾಬರ್ ವಿರುದ್ಧ ಮುಕ್ತಾರ್ ನ್ಯಾಯಾಲಯದಲ್ಲಿ ದಾವೆ ಸಹ ಹೂಡಿದ್ದಾರೆ. ಪ್ರಕರಣ ಹಿಂಪಡೆದುಕೊಳ್ಳಲು ಬಾಬರ್ ಕುಟುಂಬ 20 ಲಕ್ಷ ರೂಪಾಯಿ ಆಫರ್ ನೀಡಿತು ಎಂದು ಮತ್ತೊಂದು ಆರೋಪ ಮಾಡಿದ್ದಾಳೆ. ಅಲ್ಲದೆ, ಹಣವನ್ನು ಪಡೆದುಕೊಂಡು ಹಿಂತಿರುಗಿಸದೆ ವಂಚನೆ ಮಾಡಿದ್ದಾರೆ ಅಂತಲೂ ದೂರಿದ್ದಾರೆ.
ನಾನು ಮತ್ತು ಬಾಬರ್ ಪರಸ್ಪರ ಪ್ರೀತಿ ಮಾಡುತ್ತಿದ್ದೆವು. 2011ರಲ್ಲಿ ಇಬ್ಬರ ಮನೆ ಬಿಟ್ಟು ಓಡಿ ಹೋಗಿದ್ದೆವು. ಈ ಸಮಯದಲ್ಲಿ ಇಬ್ಬರು ಲಾಹೋರ್ನಲ್ಲಿ ಲಿವಿಂಗ್ ಟುಗೆದರ್ನಲ್ಲಿದ್ದೆವು. ಇದಕ್ಕೆ ಸಂಬಂಧಿಸಿದ ಸಾಕಷ್ಟು ದಾಖಲಾತಿಗಳು ಮತ್ತು ಸಾಕ್ಷಿಗಳು ನನ್ನ ಬಳಿ ಇವೆ ಎಂದು ಮುಕ್ತಾರ್ ಹೇಳಿಕೊಂಡಿದ್ದಾರೆ, ಇದೀಗ ಬಾಬರ್ ಹೆಸರು ಹೆಚ್ಚಾಗಿ ಕೇಳಿಬರುತ್ತಿರುವುದರಿಂದ, ಅವರ ವಿರುದ್ಧದ ಆರೋಪವೂ ಮತ್ತೆ ಚರ್ಚೆಗೆ ಗ್ರಾಸವಾಗಿದೆ. (ಏಜೆನ್ಸೀಸ್)
ಮದ್ವೆಯಾಗಲು ತೋರಿದ ಉತ್ಸಾಹ ಜೀವನದಲ್ಲಿ ತೋರದ ನವದಂಪತಿಯ ಬದುಕು ದುರಂತ ಅಂತ್ಯ!
ಮಧ್ಯರಾತ್ರಿ ಗರ್ಲ್ಫ್ರೆಂಡ್ ಬೆಡ್ರೂಮ್ ಬಾಗಿಲು ಬಡಿದ ಯುವಕ: ಕದ ತೆರೆದವಳಿಗೆ ಕಾದಿತ್ತು ಶಾಕ್..!
‘ಸಲಗ’ ಸಿನಿಮಾದ ಹಾಡಿನೊಂದಿಗೆ ಏರಿಯಾಕ್ಕೆ ಗ್ರ್ಯಾಂಡ್ ಎಂಟ್ರಿ ಕೊಟ್ಟ ನಟೋರಿಯಸ್ ರೌಡಿ ಮರುದಿನವೇ ದುರಂತ ಅಂತ್ಯ