VIDEO! ನೋಡ ನೋಡುತ್ತಿದ್ದಂತೆ ದಿಢೀರನೇ ಬಟ್ಟೆ ಅಂಗಡಿಯೊಳಗೆ ನುಗ್ಗಿದ ಬೈಕ್​: ವಿಡಿಯೋ ವೈರಲ್​

ಹೈದರಾಬಾದ್​: ವೇಗದಲ್ಲಿ ಬಂದ ಬೈಕ್​ ಒಂದು ಸೀದಾ ಬಟ್ಟೆ ಅಂಗಡಿಯೊಳಗೆ ನುಗ್ಗಿದ ಘಟನೆ ತೆಲಂಗಾಣದಲ್ಲಿ ನಡೆದಿದ್ದು, ಇದಕ್ಕೆ ಸಂಬಂಧಿಸಿದ ಸಿಸಿಟಿವಿ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ.

ವಿಡಿಯೋದಲ್ಲಿ ಏನಿದೆ?: ಬಟ್ಟೆ ಅಂಗಡಿ ಒಳಗೆ ಮೂವರು ಮಹಿಳೆಯರು ಮತ್ತು ಓರ್ವ ಪುರುಷ ಮಾತನಾಡುತ್ತಿರುವಾಗಲೇ, ಇದ್ದಕ್ಕಿದ್ದಂತೆ ಅಂಗಡಿ ಒಳಗೆ ಚಾಲಕನ ನಿಯಂತ್ರಣ ಕಳೆದುಕೊಂಡ ಬೈಕ್​ ಧುತ್ತನೇ ನುಗ್ಗುತ್ತದೆ. ತಕ್ಷಣ ಎಚ್ಚೆತ್ತುಕೊಳ್ಳುವ ಗ್ರಾಹಕರು ಒಂದು ಬದಿಗೆ ಸರಿಯುತ್ತಾರೆ. ಇತ್ತ ಬೈಕ್​ ಮೇಲಿದ್ದ ಸವಾರ ಹಾರಿ ಬೀಳುತ್ತಾನೆ.

ಅದೃಷ್ಟವಶಾತ್​ ಈ ಘಟನೆಯಿಂದ ಯಾರಿಗೂ ಹಾನಿಯಾಗಿಲ್ಲ. ಬೈಕ್​ನಿಂದ ಹಾರಿ ಹೋಗಿ ಸೀರೆ ತೋರುವ ಕೌಂಟರ್​ ಒಳಗೆ ಬಿದ್ದ ಸವಾರನಿಗೆ ಸಣ್ಣ ಪ್ರಮಾಣದ ಗಾಯವಾಗಿದ್ದು, ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.

ಅಂದಹಾಗೆ ಈ ಘಟನೆ ತೆಲಂಗಾಣದ ಖಮ್ಮಮ್​ ಜಿಲ್ಲೆಯ ರವಿಚೆಟ್ಟು ಬಜಾರ್​ನಲ್ಲಿ ನವೆಂಬರ್​ 8ರಂದು ನಡೆದಿದೆ ಎಂದು ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿವೆ. ಬೈಕ್​ನ ಬ್ರೇಕ್​ ಫೇಲ್​ ಆದ ಕಾರಣ ಈ ಘಟನೆ ಸಂಭವಿಸಿದೆ ಎಂದು ಸವಾರ ತಿಳಿಸಿದ್ದಾನೆ. ಸದ್ಯ ಬೈಕ್​ ವಶಕ್ಕೆ ಪಡೆದಿರುವ ಪೊಲೀಸರು ಘಟನೆ ಸಂಬಂಧ ತನಿಖೆ ಆರಂಭಿಸಿದ್ದಾರೆ. (ಏಜೆನ್ಸೀಸ್​)

https://www.vijayavani.net/r-bengaluru-police-psi-shivaraj-beggar-new-life-humanity/

https://www.vijayavani.net/r-visakhapatnam-girl-ireland-boy-special-marriage-in-andhra-pradesh/

https://www.vijayavani.net/r-puneeth-rajkumar-shiva-rajkumar-appu-fans-sad-demise-sandalwood/