ಅಷ್ಟಕ್ಕೂ ಆಗಿದ್ದೇನೆಂದರೆ, ದಿವ್ಯಾ ಪಾಂಡೆ ಅವರು ಯುಪಿಎಸ್ಸಿಯಲ್ಲಿ ಆಯ್ಕೆ ಆಗಿಯೇ ಇಲ್ಲ. ಆದರೆ, ನಮ್ಮ ಮಗಳು 323ನೇ ರ್ಯಾಂಕ್ ಪಡೆದುಕೊಂಡಿದ್ದಾಳೆ ಅಂತಾ ಸ್ವಲ್ಪವೂ ಪರಿಶೀಲಿಸದೇ ಅಥವಾ ಖಚಿತಪಡಿಸಿಕೊಳ್ಳದೇ ಕುಟುಂಬ ಸಂಭ್ರಮಾಚರಣೆ ಮಾಡಿತ್ತು. ಮಾಧ್ಯಮಗಳೂ ಕೂಡ ದಿವ್ಯಾ ಪಾಂಡೆ ಅವರನ್ನು ಮನಸಾರೆ ಕೊಂಡಾಡಿದ್ದವು. ಅಲ್ಲದೆ, ಜಾರ್ಖಂಡ್ ಜಿಲ್ಲಾಡಳಿತ ಮತ್ತು ಸೆಂಟ್ರಲ್ ಕೋಲ್ಫೀಲ್ಡ್ಸ್ ನಿಗಮ (ಸಿಸಿಎಲ್) ಕೂಡ ದಿವ್ಯಾ ಅವರ ಯಶಸ್ಸಿಗೆ ತಲೆಬಾಗಿ ಸನ್ಮಾನ ಮಾಡಿತ್ತು. ಆದರೆ, ಎಡವಟ್ಟಾಗಿರುವುದು ದಿವ್ಯಾ ಕುಟುಂಬಕ್ಕೆ ಅರಿವಾಗಿದ್ದು, ಜಿಲ್ಲಾಡಳಿತ, ಸಿಸಿಎಲ್ ಮತ್ತು ಮಾಧ್ಯಮಗಳ ಬಳಿ ಕುಟುಂಬದ ಸದಸ್ಯರು ಕ್ಷಮೆಯಾಚಿಸಿದ್ದಾರೆ.
