ಯೂಕ್ರೇನ್ನಲ್ಲಿ ರಷ್ಯಾ ರಕ್ತ ಚರಿತ್ರೆ ಸೃಷ್ಟಿಸುತ್ತಿದೆ. ಇಡೀ ಯೂಕ್ರೇನ್ ರಷ್ಯಾ ಕಪಿಮುಷ್ಠಿಯಲ್ಲಿ ಸಿಲುಕಿಕೊಂಡಿದೆ. ಎತ್ತ ನೋಡಿದರೂ, ಕೇಳಿದರು ಮದ್ದು-ಗುಂಡಗಳ ಭೀಕರ ಶಬ್ದ, ಜನರ ಆರ್ತನಾದ ಕೇಳುತ್ತಿದೆ. ಯಾವಾಗ? ಏನಾಗುತ್ತದೋ? ಎಂಬ ಭಯದಲ್ಲಿ ಜೀವವನ್ನು ಕೈಯಲ್ಲಿ ಹಿಡಿದುಕೊಂಡು ಕಾಲ ಕಳೆಯಬೇಕಾದ ಸ್ಥಿತಿ ನಿರ್ಮಾಣವಾಗಿದೆ. ಯೂಕ್ರೇನ್ನಲ್ಲಿ ಸಿಲುಕಿರುವ ಭಾರತೀಯರನ್ನು ತಾಯ್ನಾಡಿಗೆ ಕರೆತರಲು ಭಾರತ ಸರ್ಕಾರ ಅವಿರತ ಪ್ರಯತ್ನ ಮಾಡುತ್ತಿದೆ. ಮಕ್ಕಳಿಗೆ ಏನಾಗುತ್ತದೋ ಎಂಬ ಭಯದಲ್ಲಿ ಪಾಲಕರಿದ್ದರೆ, ದುಷ್ಟರು ಯೂಕ್ರೇನ್ನಲ್ಲಿ ಸಿಲುಕಿರುವ ಮಕ್ಕಳನ್ನು ಕರೆತರುತ್ತೇವೆ ಎಂದು ನಂಬಿಸಿ ವಂಚಿಸಿರುವ ಘಟನೆ ಮಧ್ಯಪ್ರದೇಶದ ಭೋಪಾಲ್ನಲ್ಲಿ ನಡೆದಿದೆ.
