ಮಧ್ಯರಾತ್ರಿ ಟ್ರಕ್​ ನಿಲ್ಲಿಸಿ ಕೆಳಗಿಳಿದ ಚಾಲಕ: ನಂತರ ನಡೆದ ಭಯಾನಕ ಘಟನೆ ಸಿಸಿಟಿವಿಯಲ್ಲಿ ಸೆರೆ

ಕೊಯಮತ್ತೂರು: ತಾನು ನಿತ್ಯವು ಚಲಾಯಿಸುತ್ತಿದ್ದ ಟ್ರಕ್​ನಿಂದಲೇ​ ಚಾಲಕನ ಪ್ರಾಣ ಪಕ್ಷಿ ಹಾರಿ ಹೋಗಿರುವ ದಾರುಣ ಘಟನೆ ತಮಿಳುನಾಡಿನ ಕೊಯಮತ್ತೂರು ಹೊರವಲಯದ ಕಡುವ್ವೆಟ್ಟಿಪಾಳ್ಯನಲ್ಲಿರುವ ಪೆಟ್ರೋಲ್​ ಬಂಕ್​ ಬಳಿ ಶುಕ್ರವಾರ ಮುಂಜಾನೆ ನಡೆದಿದೆ.

ಆರಂಭದಲ್ಲಿ ಕೊಲೆ ಎಂದು ಪೊಲೀಸರು ನಂಬಿದ್ದರು. ಆದರೆ, ಸಿಸಿಟಿವಿ ದೃಶ್ಯಾವಳಿಯನ್ನು ಪರಿಶೀಲಿಸಿದಾಗ ಅದೊಂದು ಅಪಘಾತ ಎಂದು ಪೊಲೀಸರು ಖಚಿತಪಡಿಸಿಕೊಂಡಿದ್ದಾರೆ.

ಟ್ರಕ್​ನ ಹಿಂಭಾಗದ ಟೈಯರ್​ನಲ್ಲಿ ಸಿಲುಕಿದ್ದ 50 ವರ್ಷದ ಚಾಲಕ ಸುರೇಶ್​ ಬಾಬು ಅವರ ಮೃತದೇಹವನ್ನು ನೋಡಿ ಕೆಲ ವಾಹನ ಸವಾರರು ಪೊಲೀಸರಿಗೆ ಮಾಹಿತಿ ನೀಡುತ್ತಾರೆ. ತಕ್ಷಣ ಸ್ಥಳಕ್ಕೆ ಆಗಮಿಸುವ ಪೊಲೀಸ್​ ತಂಡ ಘಟನಾ ಸ್ಥಳವನ್ನು ಪರಿಶೀಲನೆ ನಡೆಸುತ್ತಾರೆ. ಬಾಬು ಮೃತದೇಹದಲ್ಲಿ ಆತನ ತಲೆಗೆ ಏಟು ಬಿದ್ದಿರುವುದನ್ನು ಮತ್ತು ಇಂಜಿನ್​ ಚಾಲನೆಯಲ್ಲಿರುವುದನ್ನು ಪೊಲೀಸರು ಗಮನಿಸುತ್ತಾರೆ.

ಆರಂಭದಲ್ಲಿ ಇದೊಂದು ಕೊಲೆ ಎಂದು ಪೊಲೀಸರು ನಂಬಿರುತ್ತಾರೆ. ಪ್ರಕರಣ ದಾಖಲಿಸಿಕೊಂಡು ತನಿಖೆಗೆ ಇಳಿಯುವ ಪೊಲೀಸರು ಪೆಟ್ರೋಲ್​ ಬಂಕ್​ ಎದುರು ಇರುವ ಸಿಸಿಟಿವಿ ಕ್ಯಾಮೆರಾವನ್ನು ಮೊದಲು ಪರಿಶೀಲನೆ ನಡೆಸುತ್ತಾರೆ. ಆ ಬಳಿಕ ಇದು ಕೊಲೆಯಲ್ಲ ಅಪಘಾತದಿಂದ ಸಂಭವಿಸಿರುವ ದುರಂತ ಎಂದು ತಿಳಿಯುತ್ತದೆ.

ಪೊಲೀಸರು ಪ್ರಕಾರ ಸುರೇಶ್​ ಬಾಬು, ಸೇಲಂ ಜಿಲ್ಲೆಯ ನಿವಾಸಿ. ಈ ಕಾಮರ್ಸ್​ ಕಂಪನಿಯ ವಸ್ತುಗಳನ್ನು ತುಂಬಿಕೊಂಡು ಬರುತ್ತಿದ್ದ. ಕರುಮಥಪತ್ತಿ ವ್ಯಾಪ್ತಿಯಲ್ಲಿ ಬರುವ ಪೆಟ್ರೋಲ್​ ಪಂಪ್​ ಬಳಿ ಮಧ್ಯರಾತ್ರಿ 1 ಗಂಟೆ ಸುಮಾರಿ ಟ್ರಕ್​ ಅನ್ನು ಪಾರ್ಕ್​ ಮಾಡಿದ್ದ. ಟ್ರಕ್​ನಿಂದ ಇಳಿದು ಅದರ ಮುಂಭಾಗ ಸ್ವಲ್ಪ ದೂರದಲ್ಲಿ ಬಾಬು ನಿಂತು ಮೂತ್ರ ವಿಸರ್ಜನೆ ಮಾಡಲು ಆರಂಭಿಸಿದಾಗ ಇದ್ದಕ್ಕಿದ್ದಂತೆ ಟ್ರಕ್​ ಸ್ಟಾರ್ಟ್​ ಆಗಿ ಬಾಬುವಿನತ್ತ ನುಗ್ಗಿಬರುತ್ತದೆ. ಟ್ರಕ್​ ತನ್ನತ್ತಲೇ ಬರುತ್ತಿದೆ ಎಂಬುದನ್ನು ಅರಿಯುವ ಬಾಬು ತಕ್ಷಣ ಅದನ್ನು ತನ್ನ ಕೈಗಳಿಂದ ತಡೆದು ನಿಲ್ಲಿಸಲು ಯತ್ನಿಸುತ್ತಾರೆ. ಆದಗ್ಯೂ ಟ್ರಕ್​ ಆತನ ಮೇಲೆ ಹರಿದು ಹೋಗುತ್ತದೆ.

ಬಾಬು ಹ್ಯಾಂಡ್​ ಬ್ರೇಕ್​ ಹಾಕದೇ ಇದ್ದಿದ್ದರಿಂದ ಟ್ರಕ್​ ತನ್ನಷ್ಟಕ್ಕೆ ಚಲಿಸಿದೆ ಎಂದು ತಿಳಿದುಬಂದಿದೆ. ಬಾಬು ಮೃತದೇಹವನ್ನು ಮರಣೋತ್ತರ ಪರೀಕ್ಷೆಗೆಂದು ಕೊಯಮತ್ತೂರು ಸರ್ಕಾರಿ ಆಸ್ಪತ್ರೆಗೆ ತರಲಾಗಿದ್ದು, ತನಿಖೆ ಮುಂದುವರಿಸಿದ್ದಾರೆ. (ಏಜೆನ್ಸೀಸ್​)

https://www.vijayavani.net/r-husband-demanded-omelette-wife-refused-to-make-it-and-then-dreadful-incident-happens-in-bihar/

https://www.vijayavani.net/s-hijab-madikeri-principal-get-life-thretening-by-muslim/

https://www.vijayavani.net/s-no-bill-paid-for-vadapav-by-ministers/

https://www.vijayavani.net/r-hijab-isnt-a-choice-but-an-obligation-in-islam-says-zaira-wasim/