ನಿನ್ನೆ (ಜುಲೈ 14) ಬಿಹಾರದ ರಾಜಧಾನಿ ಪಟನಾದಲ್ಲಿ ಸಂಶಯಾಸ್ಪದ ಭಯೋತ್ಪಾದಕ ಘಟಕವನ್ನು ಭೇದಿಸಿದ ಬೆನ್ನಲ್ಲೇ ಮಾಧ್ಯಮಗಳ ಮುಂದೆ ಕಾರ್ಯಾಚರಣೆ ಕುರಿತು ವಿವರಣೆ ನೀಡುವಾಗ ಎಸ್ಎಸ್ಪಿ ಧಿಲ್ಲಾನ್ ಈ ಹೇಳಿಕೆ ನೀಡಿದರು. ಪತ್ತೆಯಾದ ಭಯೋತ್ಪಾದಕ ಘಟಕವು 2047ಕ್ಕೆ ಭಾರತವನ್ನು ಮುಸ್ಲಿಂ ರಾಷ್ಟ್ರವನ್ನಾಗಿಸುವ ಸಂಚು ರೂಪಿಸುತ್ತಿತ್ತು ಎಂದು ತಿಳಿದುಬಂದಿದೆ. ಅಲ್ಲದೆ, ಜುಲೈ 12ರಂದು ಪ್ರಧಾನಿ ಮೋದಿ ಭೇಟಿಯ ವೇಳೆ ಅವರನ್ನು ಹತ್ಯೆ ಮಾಡಲು ಪ್ಲಾನ್ ಮಾಡಿದ್ದರು ಎಂಬ ಭಯಾನಕ ಅಂಶ ಶಂಕಿತ ಉಗ್ರರ ಬಂಧನದ ಬಳಿಕ ಬಯಲಾಗಿದೆ ಈ ಘಟಕಕ್ಕೆ ಪಿಎಫ್ಐ ಲಿಂಕ್ ಇದೆ ಎಂಬುದು ಬಯಲಾಗಿದೆ. ಏಕೆಂದರೆ, ದಾಳಿ ವೇಳೆ 2047ಕ್ಕೆ ‘ಭಾರತವು ಇಸ್ಲಾಮಿಕ್ ಭಾರತದ ಆಡಳಿತ ಕಡೆಗೆ’ ಎಂಬ ಶೀರ್ಷಿಕೆಯುಳ್ಳ ದೋಷಾರೋಪಣೆ ದಾಖಲೆಗಳು ಪತ್ತೆಯಾಗಿವೆ. ಅಲ್ಲದೆ, 25 ಪಿಎಫ್ಐ ಭಿತ್ತಿಪತ್ರಗಳನ್ನು ಸಹ ಪೊಲೀಸರು ವಶಕ್ಕೆ ಪಡೆದುಕೊಂಡಿದ್ದಾರೆ.
