ಬೆಂಗಳೂರು ವಿದ್ಯಾರ್ಥಿನಿ ಗೋಪಿಕಾ ಸುರೇಶ್​ಗೆ ಒಲಿದ 2021ನೇ ಸಾಲಿನ ಮಿಸ್​ ಕೇರಳ ಕಿರೀಟ!

ಕೊಚ್ಚಿ: ಬೆಂಗಳೂರು ವಿದ್ಯಾರ್ಥಿನಿ ಗೋಪಿಕಾ ಸುರೇಶ್​ ಅವರು 2021ನೇ ಸಾಲಿನ ಮಿಸ್​ ಕೇರಳ ಕಿರೀಟಕ್ಕ ಭಾಜನರಾಗಿದ್ದಾರೆ. ಗುರುವಾರ ಸಂಜೆ ಕೊಚ್ಚಿಯಲ್ಲಿ ನಡೆದ ಸ್ಪರ್ಧೆಯಲ್ಲಿ ಗೆಲುವು ದಾಖಲಿಸುವ ಮೂಲಕ ಮಿಸ್​ ಕೇರಳ ಕಿರೀಟವನ್ನು ಮುಡಿಗೇರಿಸಿಕೊಂಡಿದ್ದಾರೆ.

ಸ್ಪರ್ಧೆಯಲ್ಲಿ ಗೋಪಿಕಾ ಮೊದಲ ಸ್ಥಾನ ಪಡೆದರೆ, ಎರ್ನಾಕುಲಂ ನಿವಾಸಿ ಲಿವ್ಯಾ ಮತ್ತು ತ್ರಿಸ್ಸೂರ್​ ಮೂಲದ ಗಗನಾ ಗೋಪಾಲ್​ ಅವರು ಕ್ರಮವಾಗಿ ಮೊದಲು ಮತ್ತು ಎರಡನೇ ರನ್ನರ್​ ಅಪ್​ ಸ್ಥಾನ ಪಡೆದುಕೊಂಡರು.

ಒಟ್ಟು 25 ಸ್ಪರ್ಧಿಗಳನ್ನು ಹಿಂದಿಕ್ಕಿ ಗೋಪಿಕಾ ಮಿಸ್​ ಕೇರಳ ಪಟ್ಟಕ್ಕೇರಿದ್ದಾರೆ. ಕೇರಳದ ಕಣ್ಣೂರು ಮೂಲದ ಗೋಪಿಕಾ ಸುರೇಶ್​, ಬೆಂಗಳೂರಿನ ಶಿಕ್ಷಣ ಪಡೆಯುತ್ತಿದ್ದಾರೆ. ಎರಡನೇ ರನ್ನರ್​ ಅಪ್​ ಗಗನಾ ಕೂಡ ವಿದ್ಯಾರ್ಥಿನಿಯಾಗಿದ್ದು, ಆಸ್ಟ್ರೇಲಿಯಾ ಯೂನಿವರ್ಸಿಟಿಯಲ್ಲಿ ಅಧ್ಯಯನ ಮಾಡುತ್ತಿದ್ದಾರೆ.

ಸ್ಪರ್ಧೆ ತೀರ್ಪುಗಾರರ ವಿಭಾಗದಲ್ಲಿ ಚಲನಚಿತ್ರ ನಿರ್ಮಾಪಕ ಜಿತು ಜೋಸೆಫ್ ಮತ್ತು ಸಂಗೀತ ಸಂಯೋಜಕ ದೀಪಕ್ ದೇವ್ ಇದ್ದರು. ಕಳೆದ ಬಾರಿ ಎರ್ನಾಕುಲಂನ ಎಂಬಿಬಿಎಸ್​ ವಿದ್ಯಾರ್ಥಿನಿ ಎರಿನ್​ ಲಿಜ್​ ಜಾನ್​ ಮಿಸ್​ ಕೇರಳ 2020 ಪಟ್ಟವನ್ನು ಗಿಟ್ಟಿಸಿಕೊಂಡಿದ್ದರು. ಅಮೆರಿಕ ನಿವಾಸಿ ಅಥಿರಾ ರಾಜೀವ್​ ಮತ್ತು ಕಣ್ಣೂರ್​ ಮೂಲದ ಅಶ್ವಥಿ ನಂಬಿಯಾರ್​ ಕ್ರಮವಾಗಿ ಮೊದಲ ಮತ್ತು ಎರಡನೇ ರನ್ನರ್​ ಅಪ್​ ಆಗಿದ್ದರು. (ಏಜೆನ್ಸೀಸ್​)

https://www.vijayavani.net/s-road-constructed-cracked-after-bjp-mla-slams-coconut-during-inauguration/

https://www.vijayavani.net/r-no-evidence-yet-omicron-more-severe-than-other-variants-singapore/

https://www.vijayavani.net/r-mutton-or-me-vegetarian-husband-asks-wife-to-choose-after-realising-shes-secretly-eating-meat/