5,151 ಸರ್ಕಾರಿ ಹುದ್ದೆ ಶೀಘ್ರ ಭರ್ತಿ; ನಿರುದ್ಯೋಗಿಗಳಿಗೆ ಸಿಹಿ ಸುದ್ದಿ

ಬೆಂಗಳೂರು: ಸರ್ಕಾರಿ ಉದ್ಯೋಗಾಕಾಂಕ್ಷಿಗಳಿಗೆ ಕರ್ನಾಟಕ ಪರೀಕ್ಷಾ ಪ್ರಾಧಿಕಾರ ಸಿಹಿ ಸುದ್ದಿ ನೀಡಿದೆ. ರಾಜ್ಯ ಸರ್ಕಾರವು 5,151 ಹುದ್ದೆಗಳನ್ನು ಭರ್ತಿ ಮಾಡಲು ಸಿದ್ಧತೆ ನಡೆಸಿದ್ದು, ಈ ನೇರ ನೇಮಕಾತಿಗಳ ವಿವರಗಳನ್ನು ಪ್ರಾಧಿಕಾರ ಪ್ರಕಟಿಸಿದೆ. ಕಲ್ಯಾಣ ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮ, ಬೆಂಗಳೂರು ಮಹಾನಗರ ಸಾರಿಗೆ ಸಂಸ್ಥೆ (ಬಿಎಂಟಿಸಿ), ವಾಯವ್ಯ ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆ, ರಾಜೀವ್​ಗಾಂಧಿ ಆರೋಗ್ಯ ವಿಜ್ಞಾನಗಳ ವಿಶ್ವವಿದ್ಯಾಲಯ, ಕರ್ನಾಟಕ ನಗರ ನೀರು ಸರಬರಾಜು ಮತ್ತು ಒಳಚರಂಡಿ, ಕರ್ನಾಟಕ ಸೋಪ್ಸ್ ಆಂಡ್ ಡಿಟರ್ಜೆಂಟ್ಸ್ ಲಿಮಿಟೆಡ್ ಸಂಸ್ಥೆಗಳಲ್ಲಿ ಖಾಲಿ ಇರುವ, ವೃಂದ ಮತ್ತು ಕಲ್ಯಾಣ ಕರ್ನಾಟಕ ಪ್ರದೇಶ (ಸ್ಥಳೀಯ) ವೃಂದದ 5151 ಹುದ್ದೆಗಳನ್ನು ಭರ್ತಿ ಮಾಡಿಕೊಳ್ಳಲಿದೆ.

ಸರ್ಕಾರಿ ಹುದ್ದೆಗಳ ಆಕಾಂಕ್ಷಿಗಳಾಗಿರುವ ನಿರುದ್ಯೋಗಿ ಗಳಿಗೆ ರಾಜ್ಯ ಸರ್ಕಾರ ಭರ್ಜರಿ ಸಿಹಿಸುದ್ದಿ ಕೊಟ್ಟಿದೆ. ಕರ್ನಾಟಕ ಪರೀಕ್ಷಾ ಪ್ರಾಧಿಕಾರದ ಮೂಲಕ 5,151 ಹುದ್ದೆಗಳನ್ನು ಭರ್ತಿ ಮಾಡಲು ಸಿದ್ಧತೆ ನಡೆಸಿದ್ದು, ಈ ಸಂಬಂಧ ಪ್ರಕಟಣೆ ಹೊರಡಿಸಿದೆ.

ಕಲ್ಯಾಣ ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮ, ಬೆಂಗಳೂರು ಮಹಾನಗರ ಸಾರಿಗೆ ಸಂಸ್ಥೆ (ಬಿಎಂಟಿಸಿ), ವಾಯವ್ಯ ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆ, ರಾಜೀವ್​ಗಾಂಧಿ ಆರೋಗ್ಯ ವಿಜ್ಞಾನಗಳ ವಿಶ್ವವಿದ್ಯಾಲಯ, ಕರ್ನಾಟಕ ನಗರ ನೀರು ಸರಬರಾಜು ಮತ್ತು ಒಳಚರಂಡಿ, ಕರ್ನಾಟಕ ಸೋಪ್ಸ್ ಆಂಡ್ ಡಿಟರ್ಜೆಂಟ್ಸ್ ಲಿಮಿಟೆಡ್ ಸಂಸ್ಥೆಗಳಲ್ಲಿ ಖಾಲಿ ಇರುವ, ವೃಂದ ಮತ್ತು ಕಲ್ಯಾಣ ಕರ್ನಾಟಕ ಪ್ರದೇಶ (ಸ್ಥಳೀಯ) ವೃಂದದ ವಿವಿಧ ಹುದ್ದೆಗಳಿಗೆ ನೇರ ನೇಮಕಾತಿ ಮೂಲಕ ಭರ್ತಿ ಮಾಡಲಿದೆ. ಶೀಘ್ರದಲ್ಲಿಯೇ ವಿವರವಾದ ಅಧಿಸೂಚನೆ ಪ್ರಕಟಿಸುವುದಾಗಿ ಕೆಇಎ ತಿಳಿಸಿದೆ.

ಸಾರಿಗೆ ಇಲಾಖೆಗೆ ಧಮಾಕ: ಆರ್​ಜಿಯುಎಚ್​ಎಸ್, ನೀರು ಸರಬರಾಜು ಮತ್ತು ಒಳಚರಂಡಿ, ಸೋಪ್ಸ್ ಆಂಡ್ ಡಿಟರ್ಜೆಂಟ್ ಇಲಾಖೆ ಸೇರಿ 146 ಹುದ್ದೆಗಳಿದ್ದು, ಉಳಿದ 5,005 ಹುದ್ದೆಗಳು ಸಾರಿಗೆ ಸಂಸ್ಥೆಗಳಿಗೆ ಸೇರಿವೆ. ಬಿಎಂಟಿಸಿಯಲ್ಲಿ 2,500 ನಿರ್ವಾಹಕ, ಕ-ಕ ಸಾರಿಗೆಯಲ್ಲಿ 1,737 ನಿರ್ವಾಹಕ, 500 ತಾಂತ್ರಿಕ ಸಹಾಯಕ ದರ್ಜೆ-3, 52 ಚಾರ್ಜ್ ಮನ್ ಅತಿ ಹೆಚ್ಚಿನ ಹುದ್ದೆಗಳಾಗಿವೆ. ಈ ಹುದ್ದೆಗಳಿಗೆ ವಿದ್ಯಾರ್ಹತೆ, ವೇತನ ಶ್ರೇಣಿ, ಇಲಾಖೆ ಮತ್ತು ವೃಂದವಾರು ವರ್ಗೀಕರಣ ಹಾಗೂ ಪರೀಕ್ಷೆ ಸೇರಿ ಇತರೆ ಮಾಹಿತಿಗಳನ್ನು ಸದ್ಯದಲ್ಲಿಯೇ ಪ್ರಕಟಿಸಲಿದೆ. ಈ ಹುದ್ದೆಗಳ ಸಂಖ್ಯೆ ಮತ್ತು ವೃಂದ ತಾತ್ಕಾಲಿಕವಾಗಿದೆ ಎಂದು ತಿಳಿಸಿದೆ.

ಹುದ್ದೆಗಳ ವಿವರ

• ನೀರು ಸರಬರಾಜು ಮತ್ತು ಒಳಚರಂಡಿ ಮಂಡಳಿ: ಸಹಾಯಕ ಇಂಜಿನಿಯರ್ (ಸಿವಿಲ್)- 50 ಹುದ್ದೆ, ಪ್ರಥಮ ದರ್ಜೆ ಲೆಕ್ಕ ಸಹಾಯಕ (ಗ್ರೂಪ್-ಸಿ)- 14.

• ಬಿಎಂಟಿಸಿ: ನಿರ್ವಾಹಕ-2,500, ಸಹಾಯಕ ಲೆಕ್ಕಿಗ-1, ಸ್ಟಾಫ್ ನರ್ಸ್-1 ಮತ್ತು ಫಾರ್ಮಸಿಸ್ಟ್-1.

• ರಾಜೀವ್​ಗಾಂಧಿ ವಿವಿ: ಸಹಾಯಕ ಗ್ರಂಥಪಾಲಕ-1, ಜೂನಿಯರ್ ಪ್ರೋಗ್ರಾಮರ್-5, ಸಹಾಯಕ ಇಂಜಿನಿಯರ್-1, ಸಹಾಯಕ-12 ಮತ್ತು ಕಿರಿಯ ಸಹಾಯಕ-25 ಹುದ್ದೆಗಳಿವೆ.

• ವಾಯವ್ಯ ಕರ್ನಾಟಕ ಸಾರಿಗೆ: ಸಹಾಯಕ ಆಡಳಿತಾಧಿಕಾರಿ (ದರ್ಜೆ-2) -3, ಸಹಾಯಕ ಲೆಕ್ಕಾಧಿಕಾರಿ-2, ಸಹಾಯಕ ಅಂಕಿ ಸಂಖ್ಯಾಧಿಕಾರಿ-1, ಸಹಾಯಕ ಉಗ್ರಾಣಾಧಿಕಾರಿ-1, ಸಹಾಯಕ ಕಾರ್ವಿುಕ ಮತ್ತು ಕಲ್ಯಾಣಾಧಿಕಾರಿ-7, ಸಹಾಯಕ ಕಾನೂನು ಅಧಿಕಾರಿ-7 ಮತ್ತು ಸಹಾಯಕ ಅಭಿಯಂತರರು (ಕಾಮಗಾರಿ)-1, ಸಹಾಯಕ ತಾಂತ್ರಿಕ ಶಿಲ್ಪಿ-11, ಸಹಾಯಕ ಸಂಚಾರ ವ್ಯವಸ್ಥಾಪಕ-11, ಕಿರಿಯ ಅಭಿಯಂತರರು (ಕಾಮಗಾರಿ)-5, ಕಿರಿಯ ಅಭಿಯಂತರರು (ವಿದ್ಯುತ್)-8, ಗಣಕ ಮೇಲ್ವಿಚಾರಕ- 14, ಸಂಚಾರ ನಿರೀಕ್ಷಕ-18, ಚಾರ್ಜ್​ವುನ್- 52, ಸಹಾಯಕ ಸಂಚಾರ ನಿರೀಕ್ಷಕ (ದರ್ಜೆ-3)-28, ಕುಶಲ ಕರ್ವಿು (ದರ್ಜೆ-3)-80, ತಾಂತ್ರಿಕ ಸಹಾಯಕ (ದರ್ಜೆ-3)- 500.

• ಸೋಪ್ಸ್ ಆಂಡ್ ಡಿಟರ್ಜೆಂಟ್ ಲಿ.: ಅಧಿಕಾರಿ (ಲೆಕ್ಕಪತ್ರ) (ಮಾರುಕಟ್ಟೆ) (ಗ್ರೂಪ್-ಬಿ)- 6, ಅಧಿಕಾರಿ (ಲೆಕ್ಕಪತ್ರ) (ಗ್ರೂಪ್-ಬಿ)- 1, ಕಿರಿಯ ಅಧಿಕಾರಿ ಕ್ಯೂಎಡಿ- 2, ಕಿರಿಯ ಅಧಿಕಾರಿ (ಆರ್ ಆಂಡ್ ಡಿ)- 1, ಕಿರಿಯ ಅಧಿಕಾರಿ (ಉತ್ಪಾದನೆ ನಿರ್ವಹಣೆ)-2, ಕಿರಿಯ ಅಧಿಕಾರಿ (ಸಾಮಗ್ರಿ/ಉಗ್ರಾಣ ವಿಭಾಗ)-2, ಉಪ ಪ್ರಧಾನ ವ್ಯವಸ್ಥಾಪಕ (ಮಾರುಕಟ್ಟೆ) (ಗ್ರೂಪ್-ಎ)- 1, ಸಹಾಯಕ ಪ್ರಧಾನ ವ್ಯವಸ್ಥಾಪಕ (ಮಾರುಕಟ್ಟೆ) (ಗ್ರೂಪ್-ಎ)-1, ನಿರ್ವಾಹಕ (ಮಾರುಕಟ್ಟೆ) (ಗ್ರೂಪ್-ಎ)- 1, ಅಧಿಕಾರಿ (ಮಾರುಕಟ್ಟೆ) (ಗ್ರೂಪ್-ಬಿ)- 2, ಕಿರಿಯ ಅಧಿಕಾರಿ (ಮಾರುಕಟ್ಟೆ) (ಗ್ರೂಪ್-ಸಿ)- 1, ಮಾರಾಟ ಪ್ರತಿನಿಧಿ (ಮಾರುಕಟ್ಟೆ) (ಗ್ರೂಪ್-ಸಿ)- 4, ಕಿರಿಯ ಮಾರಾಟ ಪ್ರತಿನಿಧಿ (ಮಾರುಕಟ್ಟೆ) (ಗ್ರೂಪ್-ಸಿ)- 3 ಮತ್ತು ಅಸಿಸ್ಟೆಂಟ್ ಆಪರೇಟರ್ (ಅರೆಕುಶಲ) (ಗ್ರೂಪ್-ಡಿ)-11. ಕಲ್ಯಾಣ ಕರ್ನಾಟಕ ಸಾರಿಗೆ: ಸಹಾಯಕ ಲೆಕ್ಕಿಗ-15, ನಿರ್ವಾಹಕ-1,737

https://www.vijayavani.net/sringeri-sharadapeeta-clarification-about-rammandir-inaugration

https://www.vijayavani.net/tips-to-dry-hair-without-using-hair-dryer