ಸ್ಪೋಟಕ ಸಂಗತಿ ಬಿಚ್ಚಿಟ್ಟ ಪುತಿನ್​ರ ರಹಸ್ಯ ಪುತ್ರಿ

ಮಾಸ್ಕೋ: ತನ್ನ ಜೀವನವನ್ನು ನಾಶ ಮಾಡಿದ್ದಲ್ಲದೆ ‘ಲಕ್ಷಾಂತರ ಜನರ ಸಾವಿಗೆ ಕಾರಣವಾದ ವ್ಯಕ್ತಿ’ ಕುರಿತ ಸ್ಪೋಟಕ ಮಾಹಿತಿಗಳನ್ನು ರಷ್ಯಾ ಅಧ್ಯಕ್ಷ ವ್ಲಾದಿಮಿರ್ ಪುತಿನ್ ಅವರ ‘ರಹಸ್ಯ’ ಪುತ್ರಿ ಬಹಿರಂಗಪಡಿಸಿದ್ದಾಳೆ.

ಸೇಂಟ್ ಪೀಟರ್ಸ್​ಬರ್ಗ್​ನಲ್ಲಿ ಜನಿಸಿದ್ದ ಎಲಿಝಾವೆಟಾ ಕ್ರಿವೊನೊಗಿಖ್ ಎಂಬಾಕೆ ಪುತಿನ್​ರ ಪುತ್ರಿ ಎಂಬ ವದಂತಿ ಹರಿದಾಡುತ್ತಿದೆ. ಸಾವಿಗೆ ಕಾರಣನಾದ ವ್ಯಕ್ತಿ ಯಾರೆಂದು ಕ್ರಿವೊನೊಗಿಖ್ ಯಾರನ್ನೂ ಹೆಸರಿಸಿಲ್ಲ. ಆದರೆ, ಆಕೆ ಹೇಳಿದ್ದು ಒಬ್ಬ ಕ್ರೆಮ್ಲಿನ್ ನಾಯಕನ ಬಗ್ಗೆಯೇ ಎಂದು ಮಾಧ್ಯಮಗಳ ವಿಶ್ಲೇಷಣಾ ವರದಿಗಳು ಹೇಳಿವೆ. ಆಕೆ ಖಾಸಗಿ ಜೆಟ್​ಗಳು, ಐಷಾರಾಮಿ ನೈಟ್ ಕ್ಲಬ್​ಗಳ ಬಗ್ಗೆ ಸಾಮಾಜಿಕ ಮಾಧ್ಯಮದಲ್ಲಿ ನಿಯಮಿತವಾಗಿ ಮಾಹಿತಿ ಹಂಚಿಕೊಳ್ಳುತ್ತಿದ್ದಳು. ಆದರೆ, 2022ರಲ್ಲಿ ರಷ್ಯಾ-ಯೂಕ್ರೇನ್ ಉದ್ವಿಗ್ನತೆ ಹೆಚ್ಚಾಗಿದ್ದಾಗ ಆಕೆಯ ಖಾತೆಯೇ ಮಾಯವಾಗಿತ್ತು.