‘Pushpa 2’ ಟಿಕೆಟ್​ ದರ ಏರಿಕೆ ಕುರಿತು ರಾಮ್​ ಗೋಪಾಲ್​ ವರ್ಮಾ ಫಸ್ಟ್ ರಿಯಾಕ್ಷನ್​​; ಆರ್​​​ಜಿವಿ ಹೇಳಿದ್ದೇನು?

ಹೈದರಾಬಾದ್​​: ಅಲ್ಲು ಅರ್ಜುನ್​ ಅಭಿನಯದ ಪುಷ್ಪ 2(‘Pushpa 2’); ದಿ ರೂಲ್​​​ ಸಿನಿಮಾದ ಟಿಕೆಟ್​ ದರವನ್ನು ಹೆಚ್ಚಿಸಲಾಗಿದೆ. ಇದರಿಂದಾಗಿ ಅನೇಕರು ನಿರಾಶೆಗೊಂಡಿದ್ದಾರೆ. ಆದರೆ ಹೆಸರಾಂತ ಚಲನಚಿತ್ರ ನಿರ್ಮಾಪಕ ರಾಮ್​ ಗೋಪಾಲ್​ ವರ್ಮಾ ಅವರು ಪುಷ್ಪ 2 ಸಿನಿಮಾದ ಟಿಕೆಟ್​​​​​ ಬೆಲೆ ಏರಿಕೆಯಾಗಿರುವುದನ್ನು ಬೆಂಬಲಿಸಿದ್ದಾರೆ.

ಇದನ್ನು ಓದಿ: ಬಾಲಿವುಡ್​ ಲಾಬಿಯಿಂದ ಹೊರಬರಲು ನನ್ನ ಆ ನಿರ್ಧಾರವೇ ಕಾರಣ; Vivek Oberoi ಹೀಗೆಳಿದ್ದೇಕೆ?

ಸುಕುಮಾರ್ ನಿರ್ದೇಶನದ ಅಲ್ಲು ಅರ್ಜುನ್, ರಶ್ಮಿಕಾ ಮಂದಣ್ಣ ಮತ್ತು ಫಹದ್ ಫಾಸಿಲ್ ಅಭಿನಯದ 'ಪುಷ್ಪ 2: ದಿ ರೂಲ್' ಇಂದು (ಡಿಸೆಂಬರ್ 4) ಸಂಜೆ ಪ್ರಥಮ ಪ್ರದರ್ಶನಗೊಳ್ಳಲಿದೆ. ಪ್ರೇಕ್ಷಕರ ಭಾರೀ ಉತ್ಸಾಹವನ್ನು ನೋಡಿದ ನಿರ್ಮಾಪಕರು ಟಿಕೆಟ್ ದರವನ್ನು ಹೆಚ್ಚಿಸಲು ನಿರ್ಧರಿಸಿದ್ದಾರೆ ಎಂದು ಹೇಳಲಾಗುತ್ತಿದೆ. ದೆಹಲಿ ಮತ್ತು ಮುಂಬೈನ ಕೆಲವು ಥಿಯೇಟರ್‌ಗಳಲ್ಲಿ ಚಿತ್ರದ ಟಿಕೆಟ್‌ಗಳನ್ನು 2,000 ರೂಪಾಯಿಗಿಂತ ಹೆಚ್ಚು ಮಾರಾಟ ಮಾಡಲಾಗಿದೆ. ಈ ನಿರ್ಧಾರವು ಟೀಕೆಗೆ ಒಳಗಾಗಿರುವ ಸಮಯದಲ್ಲೇ ನಿರ್ಮಾಪಕ ರಾಮ್ ಗೋಪಾಲ್ ವರ್ಮಾ ಪುಷ್ಪ 2 ಸಿನಿಮಾದ ನಿರ್ಮಾಪಕರ ನಡೆಯನ್ನು ಸಮರ್ಥಿಸಿಕೊಂಡಿದ್ದಾರೆ.

ಆರ್​ಜಿವಿ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಸುದೀರ್ಘ ಟಿಪ್ಪಣಿಯನ್ನು ಬರೆದಿದ್ದಾರೆ. ಪುಷ್ಪ 2: ದಿ ರೂಲ್​​ಗಾಗಿ ಟಿಕೆಟ್‌ಗಳ ಹೆಚ್ಚಿದ ಬೆಲೆಯನ್ನು ಸಮರ್ಥಿಸಿಕೊಂಡಿದ್ದಾರೆ. ಅವರು ಮನರಂಜನಾ ಉದ್ಯಮ ಮತ್ತು ಐಷಾರಾಮಿ ಮಾರುಕಟ್ಟೆಯ ನಡುವೆ ಸಮಾನಾಂತರಗಳನ್ನು ಚಿತ್ರಿಸಿದ್ದಾರೆ. ಸುಬ್ಬರಾವ್ ಎಂಬ ವ್ಯಕ್ತಿ ಇಡ್ಲಿ ಹೋಟೆಲ್ ತೆರೆದು, ಒಂದು ತಟ್ಟೆ ಇಡ್ಲಿಗೆ 1000 ರೂಪಾಯಿ ಬೆಲೆಯನ್ನು ನಿಗದಿ ಪಡಿಸುತ್ತಾನೆ. ಏಕೆಂದರೆ ಸುಬ್ಬರಾಯರು ಇತರ ಇಡ್ಲಿಗಳಿಗಿಂತ ತಮ್ಮ ಇಡ್ಲಿ ಉತ್ತಮ ಎಂದು ಭಾವಿಸಿರುತ್ತಾರೆ.

ಆದರೆ ಗ್ರಾಹಕರು ಸುಬ್ಬರಾವ್ ಅವರ ಇಡ್ಲಿಯನ್ನು ಯೋಗ್ಯವಾಗಿ ಕಾಣದಿದ್ದರೆ, ಅವರು ಅವರ ಹೋಟೆಲ್‌ಗೆ ಹೋಗುವುದಿಲ್ಲ. ಈ ಸನ್ನಿವೇಶದಲ್ಲಿ ಸೋತವರು ಸುಬ್ಬರಾವ್ ಮಾತ್ರ. ‘ಸೆವೆನ್ ಸ್ಟಾರ್ ಹೋಟೆಲ್ ಸಾಮಾನ್ಯರಿಗೆ ಕೈಗೆಟುಕುವುದಿಲ್ಲ’ ಎನ್ನುವಂತೆ ‘ಸುಬ್ಬರಾಯರ ಇಡ್ಲಿ ಸಾಮಾನ್ಯರಿಗೆ ಕೈಗೆಟುಕುತ್ತಿಲ್ಲ’ ಎಂದು ಅಳುವವರು ‘ಮೂರ್ಖರು’ ಎಂದೂ ಆರ್​ಜಿವಿ ಹೇಳಿದ್ದಾರೆ.

ಸೆವೆನ್‌ಸ್ಟಾರ್‌ ಹೋಟೆಲ್‌ನ ಆಂಬಿಯನ್ಸ್‌ಗೆ ನೀವು ಹಣ ನೀಡುತ್ತಿದ್ದೀರಿ ಎಂಬ ವಾದವಿದ್ದರೆ ಪುಷ್ಪ 2 ವಿಷಯದಲ್ಲಿ ಇದು ಸೆವೆನ್‌ಸ್ಟಾರ್ ಗುಣಮಟ್ಟದ ಚಿತ್ರ ಎನ್ನುತ್ತಾರೆ ನಿರ್ಮಾಪಕ. ಪ್ರಜಾಸತ್ತಾತ್ಮಕ ಬಂಡವಾಳಶಾಹಿಯು ವರ್ಗ ವ್ಯತ್ಯಾಸಗಳ ಮೇಲೆ ಕೆಲಸ ಮಾಡುತ್ತದೆ ಮತ್ತು ಚಲನಚಿತ್ರಗಳನ್ನು ಲಾಭಕ್ಕಾಗಿ ನಿರ್ಮಿಸಲಾಗಿದೆಯೇ ಹೊರತು ಸಾರ್ವಜನಿಕ ಸೇವೆಗಾಗಿ ಅಲ್ಲ ಎಂದು ಅವರು ಹೇಳಿದರು.

ಮತ್ತೊಂದು ಉದಾಹರಣೆಯನ್ನು ನೀಡುತ್ತಾ ಐಷಾರಾಮಿ ಕಾರುಗಳು, ಕಟ್ಟಡಗಳು ಮತ್ತು ಬ್ರಾಂಡ್ ಬಟ್ಟೆಗಳ ಬೆಲೆಗಳ ಬಗ್ಗೆ ಒಬ್ಬರು ಅಳುವುದಿಲ್ಲ, ಒಬ್ಬರು ಚಲನಚಿತ್ರ ಟಿಕೆಟ್‌ಗಳ ಬಗ್ಗೆ ಏಕೆ ಅಳುತ್ತಾರೆ? ಮನರಂಜನೆ ಅಗತ್ಯವೇ? ವಸತಿ, ಊಟ, ಬಟ್ಟೆಗಿಂತ ಇದು ಮುಖ್ಯವೇ?' ಪುಷ್ಪಾ 2ರ ಟಿಕೆಟ್ ಬೆಲೆ ಆ ಅಗತ್ಯಗಳ ಬೆಲೆಗಳಿಗೆ ಹೋಲಿಸಿದರೆ ಕಡಿಮೆ ಎಂದು ಅವರು ಪ್ರಶ್ನಿಸಿದರು.

ಆರ್‌ಜಿವಿ ವರದಿ ಮಾಡಿದಂತೆ, ಪುಷ್ಪ 2: ದಿ ರೂಲ್' ಚಿತ್ರವು ವಿಶ್ವಾದ್ಯಂತ ಮುಂಗಡ ಟಿಕೆಟ್ ಬುಕಿಂಗ್‌ನಲ್ಲಿ 100 ಕೋಟಿ ರೂಪಾಯಿಗಳನ್ನು ದಾಟಿದೆ ಎಂದು ಘೋಷಿಸಲಾಗಿದೆ. ಇದು ಅಮೆರಿಕದಲ್ಲಿ ಪೂರ್ವ-ಮಾರಾಟದಲ್ಲಿ $2.5 ಮಿಲಿಯನ್ ಗಳಿಸಿದೆ. 'ಪುಷ್ಪ 2: ದಿ ರೂಲ್' ಸುಕುಮಾರ್ ಅವರ 2021ರ ಚಿತ್ರ 'ಪುಷ್ಪ: ದಿ ರೈಸ್'ನ ಮುಂದುವರಿದ ಭಾಗವಾಗಿದೆ. ಈ ಸಿನಿಮಾದಲ್ಲಿ ಪುಷ್ಪಾ ರಾಜ್ ಪಾತ್ರದಲ್ಲಿ ಅಲ್ಲು ಅರ್ಜುನ್, ಅವರ ಪತ್ನಿ ಶ್ರೀವಲ್ಲಿ ಪಾತ್ರದಲ್ಲಿ ರಶ್ಮಿಕಾ ಮಂದಣ್ಣ ನಟಿಸಿದ್ದಾರೆ. (ಏಜೆನ್ಸೀಸ್​​)

https://www.vijayavani.net/ram-gopal-varma-says-i-have-worst-feeling-then-caste-feeling