ಧರ್ಮ ಸಂಘಟನೆಯ ಉದ್ದೇಶ

ಧರ್ಮವನ್ನು ಬಲಗೊಳಿ ಸಲು ಸರ್ವ ಮಾರ್ಗಗಳಿಂದಲೂ ಪ್ರಯತ್ನಿಸಬೇಕು. ಒಮ್ಮೆ ಅಮ್ ಬಿನ್ ಅಬಸ್(ರ) ಪ್ರವಾದಿ ಮಹಮ್ಮದ್​ರ ಮಾತುಗಳನ್ನು ಪುನರುಚ್ಚರಿಸುತ್ತಾರೆ. ನಿರ್ಣಾಯಕ ದಿನದಂದು ದಯಾಮಯಅಲ್ಲಾಹನ ಬಲಭಾಗದಲ್ಲಿ ಕೆಲ ವ್ಯಕ್ತಿಗಳಿರುವರು. ಅವರು ಪ್ರವಾದಿಗಳೋ, ಹುತಾತ್ಮರೋ ಆಗಿರಲಾರರು. ಅವರ ಸ್ಥಾನಮಾನ ನೋಡಿ ಪ್ರವಾದಿಗಳು ಮತ್ತು ಹುತಾತ್ಮರು ಹೊಟ್ಟೆ ಕಿಚ್ಚುಪಡುವರು. ಆಗ ಜನ ಕೇಳಿದರು, ‘ಆ ಮಂದಿ ಯಾರಾಗಿರಬಹುದು?’ ಪ್ರವಾದಿ ಹೇಳಿದರು: ಇವರು ವಿವಿಧ ಕುಲ-ಗೋತ್ರಗಳ, ವಿವಿಧನಾಡುಗಳ ಜನರಾಗಿರುವರು.

ಅವರು ಭೂಲೋಕದಲ್ಲಿ ಅಲ್ಲಾಹನನ್ನುಸ್ತುತಿಸುವುದಕ್ಕೋಸ್ಕರ ಒಟ್ಟು ಸೇರುತ್ತಿದ್ದರು. ಖರ್ಜೂರ ತಿನ್ನುವವನು ಉತ್ತಮ, ರುಚಿಕರ ಖರ್ಜೂರ ಆರಿಸುವಂತೆ ಈ ಮಂದಿ ಶ್ರೇಷ್ಠ ಹಾಗೂ ಪುಣ್ಯಪ್ರಧಾನ ವಚನಗಳನ್ನು ಆರಿಸುತ್ತಿದ್ದರು. ಇಲ್ಲಿ ವಿವಿಧ ಪ್ರದೇಶಗಳ ಜನರನ್ನು ಧರ್ಮ, ಧರ್ಮದ ಸಂದೇಶವು ಒಂದುಗೂಡಿ ಸಿತು. ಅವರು ಒಟ್ಟಾಗಿ ದೇವರ ಧ್ಯಾನ ಮಾಡುತ್ತಿದ್ದರು. ಧರ್ಮಗ್ರಂಥ ಓದುವುದರಲ್ಲಿಯೂ, ಕಲಿಸುವುದರಲ್ಲಿಯೂ, ಧರ್ಮದ ಸಂದೇಶ ಇತರರಿಗೆ ತಲುಪಿಸುವುದರಲ್ಲಿಯೂ ಸಂಘಟಿತರಾಗಿ ನಿರತರಾಗಿರುತ್ತಿದ್ದರು.

ಈ ಹದೀಸ್​ನಲ್ಲಿ ‘ದಿ ಕ್ರುಲ್ಲಾ’ ಶಬ್ದ ಬಳಕೆಯಾಗಿದೆ. ಕುರಾನ್, ಹದೀಸ್​ಗಳಲ್ಲಿ(ವಚನ) ಈ ಶಬ್ದವನ್ನು ಬಹು ವಿಶಾಲಾರ್ಥದಲ್ಲಿ ಪ್ರಯೋಗಿಸಲಾಗಿದೆ. ಇದರಲ್ಲಿ ಕುರಾನ್, ನಮಾಜ್, ದಿಕ್› (ದೇವರ ನೆನಪು) ತಸ್ವೀಹ್(ಅಲ್ಲಾಹನ ನೆನಪಿನ ಪುನರುಚ್ಚಾರ) ಮತ್ತಿತರ ಸರ್ವ ರೀತಿಯ ಸಂದೇಶ ಪ್ರಚಾರ ಚಟುವಟಿಕೆಗಳು ಒಳಗೊಂಡಿದೆ.