ಅಲ್ಪಾವಧಿಗೆ ಪಿಎಸ್​ಯು ಸ್ಟಾಕ್​ ಆಯ್ಕೆ: ತಜ್ಞರ ಟಾರ್ಗೆಟ್​ ಪ್ರೈಸ್, ಸ್ಟಾಪ್‌ ಲಾಸ್ ಹೀಗಿದೆ…

ಮುಂಬೈ: ಷೇರು ಮಾರುಕಟ್ಟೆಯು ಪ್ರಸ್ತುತ ಸಾರ್ವಕಾಲಿಕ ಉನ್ನತ ಮಟ್ಟದಲ್ಲಿದೆ. ಏರುಪ್ರವೃತ್ತಿ ಮುಂದುವರಿದಿದೆ. ಈ ಸಂದರ್ಭದಲ್ಲಿ, ತಜ್ಞರು ಅಲ್ಪಾವಧಿಯ ಗಳಿಕೆಗಾಗಿ ಇಂಜಿನಿಯರ್ಸ್ ಇಂಡಿಯಾವನ್ನು ಆಯ್ಕೆ ಮಾಡಿದ್ದಾರೆ.

ಷೇರು ಮಾರುಕಟ್ಟೆಯು ಶನಿವಾರ ಎರಡು ಗಂಟೆಗಳ ಕಾಲ ತೆರೆದಿತ್ತು. ಆಗ ಮಾರುಕಟ್ಟೆಯು ಹೊಸ ಸಾರ್ವಕಾಲಿಕ ಉನ್ನತ ಮಟ್ಟವನ್ನು ಮುಟ್ಟಿತು. ಈ ಬುಲಿಶ್ ಮಾರುಕಟ್ಟೆಯಲ್ಲಿ, ಸೇಥಿ ಫಿನ್‌ಮಾರ್ಟ್‌ನ ವಿಕಾಸ್ ಸೇಥಿ ಅವರು, ಅಲ್ಪಾವಧಿಯ ಗಳಿಕೆಗಾಗಿ 2 ಬಲವಾದ ಷೇರುಗಳನ್ನು ಆಯ್ಕೆ ಮಾಡಿದ್ದಾರೆ. ಮೊದಲನೆಯದು ಇಂಜಿನಿಯರ್ಸ್ ಇಂಡಿಯಾ ಮತ್ತು ಎರಡನೆಯದು ಸ್ಟರ್ಲಿಂಗ್ ಟೂಲ್ಸ್.

ಇಂಜಿನಿಯರ್ಸ್ ಇಂಡಿಯಾ ಪಿಎಸ್‌ಯು (ಸರ್ಕಾರಿ ಕಂಪನಿ) ಸ್ಟಾಕ್ ಆಗಿದೆ. ಈ ಷೇರಿನ ಬೆಲೆ ರೂ 215 ತಲುಪಿದೆ. ಇದು ಸರ್ಕಾರಿ ಇಂಜಿನಿಯರಿಂಗ್ ಕಂಪನಿಯಾಗಿದ್ದು, ಮುಖ್ಯವಾಗಿ ತೈಲ ಮತ್ತು ಅನಿಲ ಹಾಗೂ ಪೆಟ್ರೋಕೆಮಿಕಲ್ಸ್ ವಿಭಾಗಗಳಲ್ಲಿ ಕಾರ್ಯನಿರ್ವಹಿಸುತ್ತದೆ. ಸಂಸ್ಕರಣಾ ಸಾಮರ್ಥ್ಯ ಹೆಚ್ಚಿಸುವತ್ತ ಸರ್ಕಾರವು ಗಮನಹರಿಸಿರುವುದು, ಈ ಕಂಪನಿಗೆ ಲಾಭವಾಗಲಿದೆ. ಕಂಪನಿಯು ಹಸಿರು ಹೈಡ್ರೋಜನ್ ವಲಯದಲ್ಲಿಯೂ ಕಾರ್ಯನಿರ್ವಹಿಸುತ್ತದೆ. ಈ ಷೇರಿನಲ್ಲಿ ಸ್ಟಾಪ್ ಲಾಸ್ ಅನ್ನು 205 ರೂ.ಗೆ ಇಡಬೇಕು ಮತ್ತು ಅಲ್ಪಾವಧಿ ಗುರಿಯನ್ನು 230 ರೂ.ಗೆ ಇಡಬೇಕು ಎಂದು ಸೇಥಿ ಸಲಹೆ ನೀಡಿದ್ದಾರೆ.

ಪರಿಣಿತರ ಎರಡನೇ ಆಯ್ಕೆ ಸ್ಟರ್ಲಿಂಗ್ ಟೂಲ್ಸ್. ಈ ಷೇರಿನ ಬೆಲೆ ರೂ 367 ರ ಮಟ್ಟದಲ್ಲಿದೆ. ಇದು ಫಾಸ್ಟೆನರ್‌ಗಳನ್ನು ತಯಾರಿಸುವ ಪ್ರಮುಖ ಕಂಪನಿಯಾಗಿದೆ. ಪ್ರಮುಖ ಆಟೋಮೊಬೈಲ್ ಕಂಪನಿಗಳು ಇದರ ಗ್ರಾಹಕರಾಗಿವೆ. ಎಲೆಕ್ಟ್ರಿಕ್ ವಾಹನ ವಿಭಾಗದಿಂದ ಬೇಡಿಕೆಯ ಪ್ರಮಾಣ ಹೆಚ್ಚಿದೆ. ಕಂಪನಿಯು EV ದ್ವಿಚಕ್ರ ವಾಹನಗಳಲ್ಲಿ ಸಹ ಪ್ರವೇಶಿಸಿದೆ. ಈ ವಲಯದಲ್ಲಿ ಆರೋಗ್ಯಕರ ಬೇಡಿಕೆಯನ್ನು ಪಡೆಯುತ್ತಿದೆ. ಆಟೋ ವಲಯದ ದೃಷ್ಟಿಕೋನವು ಉತ್ತಮವಾಗಿರುವುದು ಈ ಕಂಪನಿಗೆ ಪ್ರಯೋಜನವಾಗಲಿದೆ. ಅಲ್ಪಾವಧಿಗೆ 350 ರೂ.ಗಳ ಸ್ಟಾಪ್​ ಲಾಸ್​ ಮತ್ತು ರೂ.390 ಗುರಿಯನ್ನು ಈ ಷೇರಿಗೆ ನೀಡಲಾಗಿದೆ.

https://www.vijayavani.net/huge-demand-for-rs-6-share-hit-upper-circuit-for-3-consecutive-days

https://www.vijayavani.net/mega-merger-of-pharma-company-share-prices-are-rising-at-a-rocket-pace

https://www.vijayavani.net/issue-7-bonus-shares-for-1-share-stock-split-into-10-parts-demand-for-stocks-552-in-6-months