ಭಾರತ್ ಗೋಲ್ಡ್ ಮೈನ್ಸ್ ನಿವೃತ್ತ ನೌಕರರ ಸಂದ ಅಧ್ಯಕ್ಷ ಮೂರ್ತಿ ಮಾತನಾಡಿ, ಬಿಜಿಎಂಎಲ್ ಕಾರ್ಖಾನೆಯಲ್ಲಿ ಎಸ್ಟಿಬಿಪಿಡಿಯಲ್ಲಿ ಕಾರ್ಮಿಕರು 3,700 ಕಾರ್ಮಿಕರು ಇದ್ದು 2,880 ಕಾರ್ಮಿಕರು ಗ್ಲೋಬಲ್ ಗೋಲ್ಡ್ ಮೈನ್ಸ್ ಇಂಡ್ರಸ್ಟ್ರೀಯಿಲ್ ಕೋ-ಆಪರೇಟಿವ್ ಸೊಸೈಟಿಯಲ್ಲಿ ಸದಸ್ಯರಾಗಿದ್ದರು. ಕೇಂದ್ರ ಗಣಿ ಇಲಾಖೆ ಸೊಸೈಟಿ ಮೂಲಕ ಬಿಜಿಎಂಎಲ್ ಗಣಿ ಕಂಪನಿ ಮುನ್ನಡೆಸುವುದಾಗಿ ತಿಳಿಸಿತ್ತು ಅನ್ಬಳಗನ್ ಸೇರಿದಂತೆ ದಿವಾಕರ್, ಜಯಕುಮಾರ ಹಾಗೂ ಇತರರು ಸೊಸೈಟಿಗಳನ್ನು ಆರಂಭಿಸಿ ಸೊಸೈಟಿಗಳನ್ನೇ ಒಡೆದು ಆಳಿದರು. ನೂತನವಾಗಿ ಆರಂಭವಾಗಿರುವ ಈ ಸೊಸೈಟಿಗಳಲ್ಲೂ ಕಾರ್ಮಿಕರನ್ನು ಸದಸ್ಯರನ್ನಾಗಿ ನೇಮಕಗೊಳಿಸಿದರು ಮತ್ತು ಹೊಸ ಹೊಸ ಖಾಸಗಿ ಗಣಿ ಕಂಪನಿಗಳೊಂದಿಗೆ ಒಳಒಪ್ಪಂದವನ್ನು ಮಾಡಿಕೊಂಡು ಹಣ ಸಂಪಾದನೆ ಮಾಡಿದರು ಆದ್ದರಿಂದ ಬಿಜಿಎಂಎಲ್ ಕಾರ್ಮಿಕರು ಬೀದಿಗೆ ಬೀಳುವ ಪರಿಸ್ಥಿತಿ ಬಂತು.
