ರಾಷ್ಟ್ರಪತಿ ರಾಮನಾಥ ಕೋವಿಂದ ಅವರು, ಪ್ರತಿಯೊಬ್ಬರಿಗೂ ಹೊಸ ವರ್ಷದ ಶುಭಾಶಯಗಳು, ಹೊಸ ವರ್ಷ ಹೊಸ ಶುರುವಾತಿಗೆ ಹೊಸ ಅವಕಅಶಗಳನ್ನು ಒದಗಿಸಲಿ ಮತ್ತು ವೈಯಕ್ತಿಕ ಮತ್ತು ಸಾಮೂಹಿಕ ಅಭಿವೃದ್ಧಿಗೆ ಅನುಕೂಲವಾಗಲಿ. ಕೋವಿಡ್ 19 ತಂದೊಡ್ಡಿದ ಸವಾಲುಗಳು ಒಟ್ಟಾಗಿ ಮುಂದೆ ಸಾಗುವ ನಮ್ಮ ಸಂಕಲ್ಪಶಕ್ತಿಯನ್ನು ಹೆಚ್ಚಿಸಿದೆ ಎಂದು ಸರಣಿ ಟ್ವೀಟಿನ ಮೊದಲ ಸಂದೇಶದಲ್ಲಿ ಮೂಲಕ ದೇಶವಾಸಿಗಳಿಗೆ ಶುಭಹಾರೈಸಿದ್ದಾರೆ. ಇನ್ನೊಂದರಲ್ಲಿ ಸಮೂಹಕ್ಕಾಗಿ, ಉತ್ತಮ ಸಮಾಜಕ್ಕಾಗಿ ಮಾಡುತ್ತಿರುವ ಕೆಲಸವನ್ನು ಎಲ್ಲರೂ ಮುಂದುವರಿಸೋಣ. ದೇಶದ ಪ್ರಗತಿ ಸಾಧನೆ ನಮ್ಮೆಲ್ಲರ ಸಾಮಾನ್ಯ ಗುರಿಯಾಗಿದ್ದು, ಅದನ್ನು ಈಡೇರಿಸಲು ಎಲ್ಲರಿಗೂ ಆರೋಗ್ಯ, ಸುರಕ್ಷತೆ ಇರುವಂತಾಗಲಿ ಎಂದಿದ್ದಾರೆ.
