ಸೈಬರ್​ ಅಪರಾಧ ತಡೆಗೆ ಮುನ್ನೆಚ್ಚರಿಕೆ ಅಗತ್ಯ

ಕೋಲಾರ: ಇತ್ತೀಚಿನ ದಿನಗಳಲ್ಲಿ ಸೈಬರ್​ ಅಪರಾಧ ಪ್ರಕರಣಗಳು ಹೆಚ್ಚಾಗುತ್ತಿದ್ದು, ವಂಚನೆಯಿಂದ ತಪ್ಪಿಸಿಕೊಳ್ಳಲು ಮುನ್ನೆಚ್ಚರಿಕೆಯಿಂದ ಇರಬೇಕು ಎಂದು ಸೈಬರ್​ ಅಪರಾಧ ವಿಭಾಗದ ವೃತ್ತ ನಿರೀಕ್ಷಕ ಎಸ್​.ಆರ್​.ಜಗದೀಶ್​ ಹೇಳಿದರು.

ನಗರದ ಗೋಕುಲ ಕಾಲೇಜಿನಲ್ಲಿ ಬೆಂಗಳೂರು ಉತ್ತರ ವಿಶ್ವವಿದ್ಯಾಲಯ ವಿಭಾಗದಿಂದ ಬುಧವಾರ ಹಮ್ಮಿಕೊಂಡಿದ್ದ ಸೈಬರ್​ ಅಪರಾಧ ತಡೆ ಕುರಿತ ಅರಿವು ಕಾರ್ಯಕ್ರಮದಲ್ಲಿ ಮಾತನಾಡಿ, ಹಣ ಕಳೆದುಕೊಂಡು ಬಹುತೇಕರು ದೂರು ನೀಡಲು ವಿಳಂಬ ಮಾಡಬೇಡಿ. ಕೂಡಲೇ ಪೊಲಿಸರಿಗೆ ದೂರು ನೀಡಬೇಕು ಎಂದು ತಿಳಿಸಿದರು.

ಆನ್​ಲೈನ್​ನಲ್ಲಿ ಕೇವಲ ಸ್ಕ್ರೊಲಿಂಗ್​ ಮಾಡಿ ಹಣ ಸಂಪಾದನೆ ಮಾಡಬಹುದು ಎಂದು ಸೈಬರ್​ ವಂಚಕರು ಜನರನ್ನು ನಂಬಿಸುತ್ತಾರೆ. ಕೆಲ ದಿನಗಳ ಕಾಲ ಅದಕ್ಕೆ ವೇತನ ರೂಪದಲ್ಲಿ ನೀಡಿ ನಂತರ ಹೂಡಿಕೆ ಮಾಡಿದರೆ ಹೆಚ್ಚು ಹಣ ಬದಲಿದೆ ಎಂದು ಆಸೆ ಹುಟ್ಟಿಸುತ್ತಾರೆ. ಆರಂಭದಲ್ಲಿ ಕಡಿಮೆ ಮೊತ್ತ ಪಡೆದು ವಾಪಸ್​ ನೀಡುತ್ತಾರೆ. ನಂತರ ದೊಡ್ಡ ಮಟ್ಟದಲ್ಲಿ ಮೊತ್ತ ಹಾಕಿಸಿಕೊಂಡು ಸಂಪರ್ಕಕ್ಕೆ ಸಿಗುವುದಿಲ್ಲ, ಇನ್ನದಾರು ಇಂತಹ ಪ್ರಕರಣಗಳಿಂದ ಎಚ್ಚರಿಕೆಯಿಂದ ಇರಬೇಕು ಎಂದು ಎಚ್ಚರಿಸಿದರು.

ಮಧ್ಯ ವಯಸ್ಕರನ್ನು, ನಿವೃತ್ತ ನೌಕರರನ್ನು ಗುರಿಯಾಗಿಸಿಕೊಂಡು ಡಿಜಿಟಲ್​ ಬಂಧನ ಎಂಬ ನಾಟಕವಾಡುತ್ತಾರೆ. ಆದಾಯ ತೆರಿಗೆ ಇಲಾಖೆ, ಬ್ಯಾಂಕ್​ ಸಿಬ್ಬಂದಿ, ದೆಹಲಿ, ಮುಂಬೈ ಪೊಲೀಸ್​ ಎಂದು ನಂಬಿಸುತ್ತಾರೆ. ಆಧಾರ್​ ಸಂಖ್ಯೆ, ಬ್ಯಾಂಕ್​ ಖಾತೆ, ಪ್ಯಾನ್​ ಸಂಖ್ಯೆ ನೀಡಿ ಎಂದು ಕೇಳುತ್ತಾರೆ. ಇದಕ್ಕು ಮುಂಚೆ ದಿಕ್ಕು ತಪ್ಪಿಸುವ ಕೆಲಸ ಮಾಡುತ್ತಾರೆ. ಇತಂಹುದಕ್ಕೆ ಗಿವಿಗೋಡಬಾರದು ಎಂದು ಸಲಹೆ ನೀಡಿದರು.

ವಂಚಕರು ನಕಲಿ ಆ್ಯಪ್​ಗಳನ್ನು ಸೃಷ್ಟಿಸಿ ಸಾಮಾಜಿಕ ಜಾಲತಾಣಗಳಲ್ಲಿ ಜಾಹೀರಾತು ಮೂಲಕ ಜನರನ್ನು ಸೆಳೆದು ನಂತರ ವ್ಯಾಟ್ಸ್​ಆ್ಯಪ್​ ಇತರೆ ಸಾಮಾಜಿಕ ಜಾಲತಾಣ ಗುಂಪುಗಳನ್ನು ರಚಿಸಿ ಸದಸ್ಯರನ್ನು ಸೇರಿಸಿಕೊಳ್ಳುತ್ತಾರೆ. ಎಪಿಕೆ, ಲಿಂಕ್​ಗಳ ಮೂಲಕ ವಂಚಿಸುವ ಪ್ರಯತ್ನ ಮಾಡುತ್ತಾರೆ. ಅನಾಮದೆಯ ದೂರವಾಣಿ ಕರೆಗಳನ್ನು ಸ್ವೀಕರಿಸಬಾರದು ಎಂದು ಎಂದರು.

ಸೈಬರ್​ ಅಪರಾಧ ನಡೆದ ತಕ್ಷಣ 1930 ಟೋಲ್​ ಫ್ರೀ ಸಂಖ್ಯೆಗೆ ಕರೆ ಮಾಡಬೇಕು, ಇದರಿಂದಾಗಿ ಪ್ರಕರಣ ದಾಖಲಿಸಿಕೊಂಡು ಪತ್ತ ಹಚ್ಚಲು ಸಾಧ್ಯವಾಗುತ್ತದೆ. ಇನ್ನು ಮುಂದೆ ಅರಿವು ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳುವ ಮೂಲಕ ಸಾರ್ವಜನಿಕರಿಗೆ ಜಾಗೃತಿ ಮೂಡಿಸಲಾಗುವುದು ಎಂದು ತಿಳಿಸಿದರು.