ಡಿಕೆಶಿ ಸಿಎಂ ಆಗಲು ಮೆಕ್ಕಾದಲ್ಲಿ ಪ್ರಾರ್ಥನೆ! ವಿಡಿಯೋ ವೈರಲ್​​..DK Shivakumar

ಬೆಂಗಳೂರು: ಕರ್ನಾಟಕ ರಾಜಕೀಯದಲ್ಲಿ ನವೆಂಬರ್​​ನಲ್ಲಿ ಕಾಂಗ್ರೆಸ್ ಪಾಳಯದಲ್ಲಿ ನಾಯಕತ್ವ ಬದಲಾವಣೆ ಆಗಬಹುದು, ಆಗಲ್ಲ ಎಂಬ ಚರ್ಚೆಗಳು ಹೆಚ್ಚಾಗಿವೆ. ಈ ಚರ್ಚೆ ಬೆನ್ನಲ್ಲೇ ಇದೀಗ ಡಿಕೆಶಿ  ( DK Shivakumar  ) ಸಿಎಂ ಆಗಲು ಮೆಕ್ಕಾದಲ್ಲಿ ಪ್ರಾರ್ಥನೆ ಮಾಡಿದ್ದ ವಿಡಿಯೋವೊಂದು ಸೋಶಿಯಲ್​​ ಮೀಡಿಯಾದಲ್ಲಿ ವೈರಲ್​ ಆಗಿದೆ.

ಡಿಕೆ ಶಿವಕುಮಾರ್​ ಸಿಎಂ ಆಗ್ಬೇಕು ಎಂದು ಪ್ರಾರ್ಥನೆ ಮಾಡಿದ ರಿಜ್ವಾನ್ ಪಾಷಾ ಎಂಬುವವರು ಬೆಂಗಳೂರು ದಕ್ಷಿಣ ಜಿಲ್ಲೆ ಯೂತ್ ಕಾಂಗ್ರೆಸ್​ನ ಉಪಾಧ್ಯಕ್ಷರಾಗಿದ್ದಾರೆ. ಮೆಕ್ಕಾದಲ್ಲಿ ಡಿಕೆ ಶಿವಕುಮಾರ್ ಸಹೋದರರ ಫೋಟೋ ಹಿಡಿದು ಪ್ರಾರ್ಥನೆ ಮಾಡಿದ್ದಾರೆ.

ವಿಡಿಯೋದಲ್ಲಿ ಏನಿದೆ?:

ನಾನು ಕರ್ನಾಟಕ ರಾಜ್ಯದಿಂದ ಮೆಕ್ಕಾಗೆ ಬಂದಿದ್ದೇನೆ. ಡಿಕೆ ಶಿವಕುಮಾರ್​ ಹಾಗೂ ಡಿಕೆ ಸುರೇಶ್​ ಇಬ್ಬರು ನನ್ನ ಕಣ್ಣುಗಳು ಇದ್ದ ಹಾಗೆ. ಡಿಕೆ ಶಿವಕುಮಾರ್​ ಅವರು ಮುಂದೆ ಮುಖ್ಯಮಂತ್ರಿಯಾಲಿ ಎಂದು ಪ್ರಾರ್ಥನೆ ಮಾಡಲು ನಾನು ಮೆಕ್ಕಾಗೆ ಬಂದಿದ್ದೇನೆ. ಇಲ್ಲಿಗೆ ಬಂದ್ರೆ ಯಾವ ಹರಕೆ ಮಾಡಿದ್ರು ಕಾಪಾಡುತ್ತಾನೆ ಎನ್ನುವುದು ಮುಸಲ್​ಮಾನ ಜನರು ಮಾತ್ರವಲ್ಲ ಇಡೀ ಪ್ರಪಂಚದ ಜನ ನಂಬಿಕೆಯಾಗಿದೆ. ಮುಂದಿನ ದಿನಗಳಲ್ಲಿ ಡಿಕೆಶಿ ಅವರನ್ನು ಸಿಎಂ ಮಾಡಬೇಕು ಎಂದು ನಾನು ಕಾಂಗ್ರೆಸ್​​ ಪಕ್ಷ ಹಾಗೂ ರಾಹುಲ್ ಗಾಂಧಿ ಅವರ ಬಳಿ ಮನವಿ ಮಾಡುತ್ತೇನೆ. ಮೆಕ್ಕಾದಲ್ಲಿ ಅಲ್ಲಾನ ಬಳಿ ಪ್ರಾರ್ಥನೆ ಮಾಡುತ್ತೇನೆ.. ಜೈ ಹಿಂದ್​​.. ಜೈ ಕರ್ನಾಟಕ, ಜೈ ಹಿಂದೂಸ್ತಾನ್​​ ಎಂದಿದ್ದಾರೆ.

ಮುಸ್ಲಿಮರ ಪವಿತ್ರ ಸ್ಥಳ ಮೆಕ್ಕಾದಲ್ಲಿ ಫೋಟೋ ಹಿಡಿದು ಪ್ರಾರ್ಥನೆ

ಡಿ.ಕೆ. ಶಿವಕುಮಾರ್ ಅವರನ್ನ ಸಿಎಂ ಮಾಡಬೇಕು ಎಂದು ಮೆಕ್ಕಾದಲ್ಲಿ ನಿಂತು ಪ್ರಾರ್ಥನೆ ಮಾಡ್ತಿರೋದಾಗಿ ರಿಜ್ವಾನ್ ಪಾಷಾ ಹೇಳಿದ್ದಾರೆ. ಮೊಬೈಲ್​​ನಲ್ಲಿ ನಾಯಕ ಫೋಟೋ ಹಿಡಿದು ಪ್ರಾರ್ಥನೆ ಸಲ್ಲಿಸಿದ್ದಾರೆ.

https://www.vijayavani.net/bomb-threat-at-vice-president-radhakrishnan-chennai-residence-deemed-hoax-by-police#google_vignette