ಮುಂದಿನ ವಾರ ದೀಪಾವಳಿ ಹಬ್ಬವಿರುವ ಹಿನ್ನೆಲೆ ತಮಿಳು ಚಿತ್ರರಂಗದಿಂದ ಬಹುನಿರೀಕ್ಷಿತ ಸಿನಿಮಾಗಳೇ ತೆರೆಕಾಣಲು ಸಾಲುಗಟ್ಟಿ ನಿಂತಿವೆ. ಈ ಪೈಕಿ ಪ್ರದೀಪ್ ನಟಿಸಿರುವ 'ಡ್ಯೂಡ್' ಒಂದೆಡೆಯಾದರೆ, 'ಬಿಸಾನ್' ಮತ್ತು ಇನ್ನೊಂದಿಷ್ಟು ಸಿನಿಮಾಗಳು ರಿಲೀಸ್ ಆಗಲಿವೆ. ಈ ಚಿತ್ರಗಳೊಂದಿಗೆ ಡ್ಯೂಡ್ ಬಾಕ್ಸ್ ಆಫೀಸ್ನಲ್ಲಿ ಪೈಪೋಟಿ ನಡೆಸಬೇಕಿದೆ. ಇನ್ನು ತಮ್ಮ ಸಿನಿಮಾಗೆ ಸಂಬಂಧಿಸಿದಂತೆ ಮನಬಿಚ್ಚಿ ಮಾತನಾಡಿರುವ ಪ್ರದೀಪ್, "ಈ ಸಿನಿಮಾ ತುಂಬ ವಿಶೇಷತೆ, ಹೆಚ್ಚು ಆ್ಯಕ್ಷನ್ನಿಂದ ಕೂಡಿಲ್ಲ. ಬದಲಿಗೆ ಒಂದು ಸರಳ ಹಾಗೂ ಸಣ್ಣ ಕಥೆಯನ್ನು ಒಳಗೊಂಡ ಚಿತ್ರವಾಗಿದೆ. ಮನರಂಜನೆ, ಹಾಸ್ಯ ಮತ್ತು ಫೈಟಿಂಗ್ ಸನ್ನಿವೇಶಗಳಿವೆ. ಟ್ರೇಲರ್ಗಿಂತಲೂ ಸಿನಿಮಾ ಇನ್ನೊಂದು ಲೆವಲ್ನಲ್ಲಿದೆ. ಒಂದೊಳ್ಳೆ ಹಾಗೂ ಗಟ್ಟಿಯಾದ ಸಂದೇಶ 'ಡ್ಯೂಡ್'ನಲ್ಲಿದೆ" ಎಂದಿದ್ದಾರೆ.
